ނަންބަރު: (IUL)313-F/313/2017/117     

އިޢުލާން

                 ތިރީގައި މިދަންނަވާ މަޤާމުގައި މަސައްކަތްކުރާނެ މުވައްޒަފަކު މިއިދާރާއަށް ބޭނުންވެއްޖެއެވެ.

• މަޤާމް:                   މަސައްކަތު
• މަޤާމް ނަންބަރު:              J-229538
• ބޭނުންވާ ޢަދަދު:              01 ( އެކެއް )
• މަޤާމްގެ ގިންތި:              ދާއިމީ
• މަޤާމްގެ ރޭންކް:              އެސް. އެސް. 1
• މަޤާމުގެ ކްލެސިފިކޭޝަން:        ސަޕޯޓްސް ސްޓާފް ގްރޭޑް 1
• ސެކްޝަން:                 ކޯޕަރޭޓިވް އެފެއާޒް
• މަޤާމް އޮތް އޮފީސް:            މާޅޮސްމަޑުލު ދެކުނުބުރީ ކުޑަރިކިލު ކައުންސިލްގެ އިދާރާ
• ވަޒީފާ އަދާކުރަންޖެހޭ ތަން:       މާޅޮސްމަޑުލު ދެކުނުބުރީ ކުޑަރިކިލު ކައުންސިލްގެ އިދާރާ
• މުސާރަ:                   މަހަކު -/3100 ރުފިޔާ
• ސާރވިސް އެލަވަންސް:          މަހަކު -/1000 ރުފިޔާ
• އިތުރު ޢިނާޔަތްތައް:           ސިވިލް ސަރވިސްގެ މުޥައްޒަފުންނަށް ހަމަޖެހިފައިވާ އުޞޫލުން ބޭސްފަރުވާގެ ޚިދުމަތާއި ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން އާއި އަދި އިތުރުގަޑީގައި މަސައްކަތްކޮށްފިނަމަ، ކަނޑައެޅިފައިވާ އުޞޫލުން އިތުރުގަޑީގެ ފައިސާ.

މަޤާމުގެ މަސްޢޫލިއްޔަތުތަކާއި ވާޖިބުތައް:

1. ކައުންސިލްގެ އިދާރާ ހުޅުވާ ލެއްޕުމަށް ކަނޑައެޅިފައިވާ މުވައްޒަކާއެކު އޮފީސް ހުޅުވާ ބަންދުކުރުމަށް ކުރަންޖެހޭ ހުރިހާ ކަމެއްކުރުން.
2. ކޮންމެ ދުވަހަކު ހެނދުނު ކައުންސިލްތެރެ ކުނިކަހާ ސާފުކުރުމާއި މޭޒްތަކާއި ގޮނޑިތައް ފޮޅައި ސާފުކުރުމާއި ހަފްތާއެކު ދެދުވަހު ކައުންސިލް އިދާރާގައި މޮޕްލައި ސާފުކުރުމާއި ހަފްތާއެކު އެއްފަހަރު ފަންކާތައް ހަޑިވިޔަނުދީ ސާފުކޮށް ބެލެހެއްޓުން.
3. ކައުންސިލް އިދާރާގެ ފައިލް ބަހައްޓާ ހަރުގަނޑުތަކާއި ލޫވަތަކާއި ކޮމްޕިޔުޓަރުތަކާއި ފެކްސްމެޝިނާއި ޕްރިންޓަރު ، ނޯޓިސްބޯޑާއި މިނޫންވެސް ހިރަފުސް ހަރުލާފައި ހުންނަ މިފަދަތަކެތި ހަފުތާއެކު ދެދުވަހު ފޮޅައި ސާފުކުރުން.
4. ކައުންސިލްގެ އިދާރާއާއި ކައުންސިލްގެ އިދާރާގެ ގޯތިތެރެއާއި ގޯތި ގުޅިފައިވާ މަގުގެ ދެބައިކޮށްފައިއެއްބައި ކުނިކަހައި ސާފުކޮށް ބެލެހެއްޓުން.
5. ކައުންސިލުގެ އިދާރާއަށް ބޭނުންވާ މީހުންނަށް ކިއުމާއި، ޢާއްމުކޮށް ބަހައްޓަންޖެހޭ އިޢުލާންތައް ބެހެއްޓުމާއި، އެކިފަރާތްތަކަށް ފޮނުވާ ސިޓީ، ލިޔުންފަދަ ތަކެތި އެފަރާތްތަކަށް ރައްދުކުރުމާއި، ރަށުގެ ގެތަކަށް ޒިޔާރަތްކޮށް ހޯދަންޖެހޭ މަޢުލޫމާތު ހޯދުމުގައި އެހީތެރިވުން.
6. ހަމަޖައްސާ އުޞޫލެއްގެ މަތީން ކައުންސިލް އިދާރާއަށް ޙާޟިރުކުރަންޖެހޭ މީހުން ޙާޟިރުކުރުން.
7. ކައުންސިލް އިދާރާގެ ގޯތިތެރޭގައި ރުއްގަސް އިންދައިގެން ބެލެހެއްޓުމާއި ބަގީޗާ އިންދައި ބެލެހެއްޓުން.
8. ރަސްމީ ބޭނުމުގައި ރަށަށްލަފާ ޓީމުތަކާއި ވަފުދުތައް ލަފާތަނަށާއި ފުރާތަނަށް ދިޔުމާއި އަދި އެބޭފުޅުންގެ ފޮށިތަންމަތި، ތިއްބެވުމަށް ހަމަޖެހިފައިވާ ތަނަކަށް ގެންދިޔުމާއި އަދި ފުރާތަނަކަށް ގެންދިޔުން.
9. ކައުންސިލް އިދާރާގައި ދިއްލާ ހޮޅިބުރިތަކާއި ބޮކިތަކާއި އަދި ގްލޯބުފަދަ އަނދާފައިހުންނަ ހޮޅިބުރި، ބޮކި އަދި ސްޓާޓަރު ފަދަ ތަކެތި ހަމަޖެހިފައި އޮންނަ އުޞޫލެއްގެ މަތީން ބަދަލުކޮށް ބެލެހެއްޓުން.
10. މީގެ އިތުރުން ކައުންސިލް އިދާރާ އަންގާ ގޮތެއްގެ މަތީން ސްޕަވައިޒްރުގެ އިރުޝާދުގެ ދަށުން ކައުންސިލްގެ ރަސްމީ މަސައްކަތްތައް ކުރުން.

 މަޤާމުގެ ޝަރުޠުތައް:

• ލިޔަންކިޔަން ދަތުމާއެކު މަޤާމުގެ މަސައްކަތް ކުރުމުގެ ހުނަރު / ޤާބިލްކަން ލިބިފައިވުން

ވަޒީފާއަށް އެންމެ ޤާބިލް ފަރާތެއް ހޮވުމަށް ބެލެވޭނެ ކަންތައްތައް:

 ވަޒީފާއަށް އެންމެ ޤާބިލު ފަރާތް ކަނޑައަޅާނީ، ވަޒީފާއަށް އެންމެ ޤާބިލު ފަރާތް ހޮވުމަށް ކަނޑައެޅިފައިވާ ކްރައިޓީރިއާގައި ހިމެނޭ ތިރީގައި މިދަންނަވާ ބައިތަކަށް ޕޮއިންޓް ދިނުމަށްފަހު، އޭގެ ތެރެއިން އެންމެ ގިނަ ޕޮއިންޓް ލިބޭ ފަރާތަކީ ވަޒީފާއަށް   އެންމެ ޤާބިލު ފަރާތްކަމުގައި ކަނޑައަޅާ ގޮތަށެވެ.

1. ތަޢުލީމާއި ތަމްރީނު- ލިބިފައިވާ އިތުރު ތަޢުލީމް ( ކަނއެޅިފައިވާ އިންސައްތަ %25 ) އަދި ދާއިރާއާ ގުޅޭ ކުރުމުއްދަތުގެ ތަމްރީންތައް ( ކަނޑައެޅިފައިވާ އިންސައްތަ: %30 )
2. މަސައްކަތުގެ ތަޖްރިބާ– ވަޒީފާއާއި ގުޅުންހުރި ތަޖްރިބާ ( ކަނޑައެޅިފައިވާ އިންސައްތަ : %35 ) އަދި އެހެނިހެން ތަޖުރިބާ ( ކަނޑައެޅިފައިވާ އިންސައްތަ : %20 )

ލިބިފައިވާ ހުނަރު- އިންޓަރވިއު / ޕްރެކްޓިކަލްސް ( ކަނޑައެޅިފައިވާ އިންސައްތަ :0 )

ހުށަހަޅަންޖެހޭ ލިޔުންތައް:

1. ފުރިހަމަ ކުރައްވާފައިވާ ސިވިލް ސަރވިސް ކޮމިޝަނުގެ ވަޒީފާއަށް އެދޭ ފޯމު
2. ވަޒީފާއަށް އެދޭ ފަރާތުގެ ވަނަވަރު ( ސީވީ ) (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން.
5. ލިބިފައިވާ ހުރިހާ ތަޢުލީމީ ސެޓުފިކެޓުތަކުގެ ކޮޕީ؛

)ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު ބައްލަވާފައިވާ ތަޢުލީމީ ސެޓުފިކެޓުތަކުގެ ކޮޕީ (ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓުފިކެޓުތަކާއި، ރާއްޖެއިން ބޭރުގެ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓުފިކެޓުތައް ނުވަތަ ކޯސް ފުރިހަމަކުރިކަމުގެ ލިޔުމާއެކު ކޯހުން ލިބޭ ސެޓުފިކެޓު ވަކި ފެންވަރެއްގައި ޤަބޫލު ކުރެއްވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީ)

(ށ) ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ކުރިއަށްގެންދާ ރާއްޖޭގެ ޕްރޮގްރާމްތަކުގެ ސެޓުފިކެޓުތަކުގެ ކޮޕީ.  ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީ.

(ނ) ސިވިލް ސަރވިސް ޓްރޭނިންގ އިންސްޓިޓިއުޓުން ހިންގަވާ ކޯސްތަކުގެ ސެޓުފިކެޓުތަކުގެ ކޮޕީ.

1. ފުރިހަމަކޮށްފައިވާ، ކުރު މުއްދަތުގެ ކޯސްތަކާއި ތަމްރީނުތަކުގެ ސެޓުފިކެޓުތަކުގެ ކޮޕީ.
2. ސިވިލް ސަރވިސްގެ ވަޒީފާއަށް ވަނުމަށް ދެވޭ އިމްތިޙާނުން ފާސްވިކަން އަންގައިދިނުމުގެ ގޮތުން ސިވިލް ސަރވިސް ޓްރޭނިންގ އިންސްޓިއުޓުން ދޫކޮށްފައިވާ ސެޓުފިކެޓުގެ ކޮޕީ.
3. މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ

(ހ) ސިވިލް ސަރވިސް އިން ބޭރު ވަޒީފާއެއް އަދާކޮށްފައިވާނަމަ، އެ ވަޒީފާއެއް އަދާކުރި މުއްދަތާއި ކުރި މަސައްކަތް ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ) އަމިއްލަ ކުންފުންޏެއްގެ ނުވަތަ އަމިއްލަ އިންސްޓިޓިއުޓެއްގެ  ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަ ވަޒީފާއަދާކުރިމުއްދަތާއި ކުރި މަސައްކަތް އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

މަޤާމަށް އެދެންވީގޮތާއި ސުންގަޑި:

ވަޒީފާއަށްއެދޭ ފޯމު މާޅޮސްމަޑުލުދެކުނުބުރީ ކުޑަރިކިލު ކައުންސިލް އިދާރާގެ ކައުންޓަރުން ލިބެން ހުންނާނެއެވެ. އަދި ސިވިލްސަރވިސް ކޮމިޝަންގެ ވެބްސައިޓް www.csc.gov.mv  ވެބްސައިޓުން މިފޯމު ޑައުންލޯޑުވެސް ކުރެވޭނެއެވެ. މަޤާމަށް އެދި ހުށަހަޅަންޖެހޭތަކެތި ހުށަހަޅާނީ 2017 ޑިސެމްބަރ 21 ވާ ބުރާސްފަތި ދުވަހުގެ 14:00 ގެ ކުރިން މާޅޮސްމަޑުލު ދެކުނުބުރީ ކުޑަރިކިލު ކައުންސިލްގެ އިދާރާއަށެވެ. ވަޒީފާއަށްއެދޭ ފޯމާއި، ލިޔުންތައް އީމެއިލް މެދުވެރިކޮށްވެސް ބަލައި ގަނެވޭނެއެވެ. އީ-މެއިލް އެޑްރެހަކީ، [email protected] އެވެ. އެޕްލިކޭޝަން ފޯމާއިއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައި ނުވާނަމަ އެޕްލިކޭޝަން ބާޠިލުކުރެވޭނެއެވެ.

އިންޓަރވިއު އޮއްނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަރވިއު އޮންނާނީ 26 ޑިސެމްބަރ 2017 އާއި 27 ޑިސެމްބަރ 2017 އާއި ދެމެދު މާޅޮސްމަޑުލު ދެކުނުބުރީ ކުޑަރިކިލު ކައުންސިލްގެ އިދާރާ ނުވަތަ އިދާރާ ކަނޑައަޅާ ތަނެއްގައެވެ. ވުމާއެކު، މިވަޒީފާއަށް ކުރިމަތިލާ ފަރާތްތަކުން އެ ތާރީޚްތަކުގައި އިންޓަރވިއުއަށް ޙާޟިރުވުމަށް ތައްޔާރުވެ ތިބުން އެދެމެވެ. އިންޓަރވިއު ބާއްވާނެ ތަނާ ދުވަހަށް ބަދަލު އަތުވެއްޖެނަމަ އެކަން ހުރިހާ ފަރާތްތަކަށް އެންގޭނެއެވެ.

ޝޯޓް ލިސްޓްކުރުން:

މިވަޒީފާއަށްއެދި ހުށަހަޅާ، ޝަރުޠު ހަމަވާ ފަރާތްތަކުގެ ޢަދަދު 10 އަށްވުރެ ގިނަނަމަ، ތަޢުލީމީ ފެންވަރާއި ތަޖްރިބާއަށްބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާރކްސް ލިބޭ 10 ފަރާތް ޝޯޓްލިސްޓްކުރެވޭނެއެވެ.

މަޤާމަށް މީހުންހޮވުމަށް ކަނޑައަޅާފައިވާ ކްރައިޓީރިއާގެ ހުރިހާ ބަޔަކުން އެންމެ ދަށްވެގެން ލިބެންޖެހޭ ޖުމްލަ އިންސަތަ:

% 25 ( ފަންސަވީސް އިންސަތައެވެ. )

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.