ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) ގައި މަސައްކަތްކުރުމަށް ޝައުޤުވެރިވާ ފަރާތްތަކަށް މަރުޙަބާ ކިޔަމެވެ. މި ވަޒީފާއަށް ބޭނުންވަނީ، މަސައްކަތަށް ޝައުޤުވެރިކަން ހުރި ޤާބިލު މީހުންނެވެ.

މަޤާމު

މެކޭނިކް (އިލެކްޓްރީޝަން)

މަޤާމުގެ ރޭންކާއި ކްލެސިފިކޭޝަން

އޮފިސަރ

މުސާރައާއި ޢިނާޔަތްތައް

ހާސިލުކޮށްފައިވާ ތަޢުލީމާއި މަސައްކަތުގެ ތަޖުރިބާއަށް ބިނާކޮށް

ވަޒިފާ އަދާކުރަންޖެހޭ ރަށް، އޮފީސް، ސެކްޝަން

ތިލަފުށި / ވޭސްޓް މެނޭޖްމެންޓް ކޯޕަރޭޝަން ލިމިޓެޑް (ވެމްކޯ)

ބޭނުންވާ އަދަދު

01

ޝަރުޠު

1. އިންޓަވިއުގައި މަޤާމުގެ މަސްޢޫލިއްޔަތު އަދާ ކުރެވޭނެކަން ސާބިތިކޮށްދިނުމާއި އެކު،
2. ކަރަންޓުގެ މަސައްކަތް ކުރުމަށް ހުއްދަ ލިބިފައިވުން އަދި،
3. އިލެކްޓްރިކަލް އިންޖިނިއަރިންގ ދާއިރާއިން ނުވަތަ ކަރަންޓް ވަޔަރު ކުރުމުގެ މަސައްކަތުގެ ތަޖުރިބާ ލިބިފައިވުން.
4. މެއިންޓެނަންސް ދާއިރާއިން (ރޭވުމާއި، ކުރިއެރުވުން އަދި ބަޖެޓިންގ) އަމަލީ ތަޖުރިބާ ލިބިފައިވުން.
5. މެއިންޓަނަންސްގެ މަސައްކަތްތައް ޕްލޭންކުރުމާއި މޮނީޓަރކުރުމާއި އަދި ސުޕަވައިޒްކުރުމުގެ ތަޖުރިބާ ލިބިފައިވުން.
6. މުވައްޒަފުން ތަމްރީނުކުރުމާއި މަސައްކަތަށް އަހުލުވެރިކުރުވުމުގެ ޤާބިލުކަން ހުރުން.
7. ރޭވުންތެރިކަމާއެކު މަސައްކަތް ކުރުމުގެ ޤާބިލުކަން ލިބިފައިވުން.
8. ރިޕޯރޓް ތައްޔާރުކުރުމުގެ ޤާބިލުކަން ލިބިފައިވުން.
9. ޓީމެއް ގޮވައިގެން މަސައްކަތްކުރުމުގެ ޤާބިލުކަން ލިބިފައިވުން.
10. އިނގިރޭސިބަހާއި ދިވެހިބަހުން ފަރިތަކޮށް މުޢާމަލާތުކުރަން އެނގުން،
11. އަމިއްލައަށް އިސްނަގައިގެން މަސައްކަތްކުރެވޭނެ ފަރާތެއް ކަމުގައިވުން،
12. މަޤާމުގެ މަސްއޫލިއްޔަތު އަދާ ކުރެވޭފަދަ ޞިއްޙަތެއްގައި ހުރި މީހަކު ކަމުގައިވުން.

މަޤާމުގައި ކުރަންޖެހޭ މައިގަނޑު މަސައްކަތްތައް

1. ކޯރޕަރޭޝަންގެ ކަރަންޓު ވަޔަރިންގ އާއި ގުޅުންހުރި ޕްލޭންތައް ކުރުމާއި ޕްލޭން އާއި އެއްގޮތަށް މަސައްކަތް ކުރިއަށް ގެންދިއުން.
2. މަސައްކަތަށް ބޭނުންވާ ކަރަންޓާއި ގުޅުންހުރި ވަޞީލަތްތައް ބެހެއްޓުމާއި ހަރުކުރުން.
3. ސަލާމަތާއި ރައްކާތެރިކަމަށް ބޭނުންވާ ވަޞީލަތްތައް ހަރުކުރުން.
4. ކަރަންޓް ސާރކެޓްތަކާއި ނެޓްވޯރކް ވަޔަރިންގ ކަނޑައެޅިފައިވާ މިންގަނޑާއި އެއްގޮތަށް ކުރުން.
5. ކޭބަލްތައް އެޅުމާއި ގުޅުންހުރި ހުރިހާ މަސައްކަތެއް ކުރުން.
6. ކަރަންޓު ސިސްޓަމްތައް ޤަވާއިދުން އިންސްޕެކްޓް ކުރުމާއި ރަނގަޅުކުރަން ޖެހޭ ހުރިހާ ކަމެއް ރަނގަޅުކުރުން.
7. ކަރަންޓުގެ ނުރައްކާތެރި ހާދިސާއަކުން ސަލާމަތްވުމަށްޓަކައި އަޅަންޖެހޭ ހުރިހާ ފިޔަވަޅެއް އެޅުމާއި ބަލަންޖެހޭ ހުރިހާ ކަމެއް ރަނގަޅަށް ބެލުން.
8. ކަރަންޓު އާލާތްތަކާއި ވަޞީލަތްތައް ބަދަލުކުރުމާއި މަރާމާތުކުރުން.
9. ކަރަންޓު އާލާތްތަކާއި ވަޞީލަތްތައް އިންސްޓޯލްކޮށް ބެލެހެއްޓުމާއި މަރާމާތްކުރުމަށް ދަށުން މަސައްކަތްކުރާ މުވައްޒަފުން ތަމްރީނުކުރުމާއި އިރުޝާދު ދިނުން
10. ނެޝަނަލް އިލެކްޓްރިކް ކޯޑާއި އެއްގޮތަށް މިކޯރޕަރޭޝަންގެ އިމާރާތްތަކުގެ ކަރަންޓުގެ ކަންކަން ބެލެހެއްޓުން.

ވަޒީފާއަށް އެންމެ ޤާބިލް ފަރާތެއް ހޮވުމުގައި ބެލެވޭނެ ކަންތައްތައް:

• މަސައްކަތާ ގުޅުން ހުރި ދާއިރާއިން ލިބިފައިވާ ތަޢުލީމާއި ތަޖުރިބާ؛
• ކޯޕަރޭޝަންގެ މަސައްކަތްތައް ކުރިއަށް ގެންދިއުމާއި ގުޅުންހުރި ޤާނޫނުތަކާއި ގަވާއިދުތަކަށް އަހުލުވެރި ވެފައިވާ މިންވަރު.
• އިންޓަރވިއު

ހުށަހަޅަންޖެހޭ ތަކެތި:

1. ވަޒީފާއަށް އެދި ހުށަހަޅާ ފޯމު (ވޭސްޓް މެނޭޖްމެންޓް ކޯޕަރޭޝަން ލިމިޓެޑްގެ މައި އޮފީހުގެ ކައުންޓަރުން އަދި މި ކޯޕަރޭޝަންގެ ވެބްސައިޓް (www.wamco.com.mv) އިން ލިބިވަޑައިގަންނަވާނެ).
2. ވަޒީފާއަށް އެދި ހުށަހަޅާ ފަރާތުގެ ވަނަވަރު
3. ލިބިފައިވާ ތައުލީމީ ސެޓުފިކެޓުތަކުގެ (އެޓެސްޓްކޮށް އެކްރެޑިޓް ކުރެވިފައިވާ) ކޮޕީ،
4. ޕޮލިސް ރިޕޯޓު (ދޫކުރިފަހުން ފަހުން 03 މަސްދުވަސް ހަމަނުވާ)
5. މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތައް.
6. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (ދެފުށުގެ ލިޔުންތައް ކިޔަން އެނގޭ ފަދަ ސާފު) ކޮޕީ

ސުންގަޑި އަދި ވަޒީފާއަށް އެދި ހުށަހަޅުއްވާނެ ތަން:

2017 އެޕްރީލު 23 ވާ އާދީއްތަ ދުވަހުގެ މެންދުރު 12:00 ގެ ކުރިން، ވޭސްޓް މެނޭޖްމެންޓް ކޯޕަރޭޝަން ލިމިޓެޑް (ވެމްކޯ)ގެ މައި އޮފީހަށް (މއ. ޖަންބުގަސްދޮށުގެ، 3 ވަނަ ފަންގިފިލާ) ހުށަހެޅުއްވުން.

އިންޓަރވިއު:

- އިންޓަރވިއުއާއި އިމްތިޙާނުކުރުން 2017 އެޕްރީލު 25 ން މެއި 05 އަށް ކުރިއަށް ގެންދެވޭނެއެވެ.

އިތުރު މަޢުލޫމާތު:

މި ވަޒީފާއަށް އެދިފައިވާ ޝަރުޠު ހަމަވާ ފަރާތްތަކުގެ އަދަދު 5 އަށްވުރެ ގިނަނަމަ، ތަޢުލީމާއި މަސައްކަތުގެ ތަޖުރިބާއަށް ބަލައި 5 ފަރާތެއް ޝޯޓް ލިސްޓް ކުރެވޭނެއެވެ.

ކޯޕަރޭޝަނުން އިންޓަވިއުއާއި އިމްތިޙާންކުރުމަށް ގުޅާނީ، ޝޯޓް ލިސްޓް ކުރެވޭ ފަރާތްތަކަށް އެކަންޏެވެ.

މަޢުލޫމާތު ފުރިހަމަ ނުވާ ފޯމު، އަދި ލިޔެކިޔުންތައް ހަމަ ނުވާ އެޕްލިކޭޝަން ބާޠިލުކުރުމުގެ ޙައްޤު ކޯޕަރޭޝަނަށް ލިބިގެންވެއެވެ.

މަޢުލޫމާތު ސާފުކުރެއްވުމަށް – ނަންބަރު 3000581 ނުވަތަ 7584070 ފޯނަށް ގުޅުއްވުން އެދެމެވެ.

19 ރަޖަބު 1438

16 އެޕްރީލު 2017