ދަނޑުވެރިކަން ކުރަން ބޭނުންވާ ފަރާތްތަކުން ދަނޑުބިމަށް އެދުމުގެ ފުރުސަތު ހުޅުވާލުން.

ރ. އަނގޮޅިތީމުގައި ދަނޑުވެރިކަން އާލާކޮށް ދިރުވުމަށް ކުރެވޭ މަސައްކަތުގެ ދަށުން އެކުލަވާލެވި 23 ޖެނުއަރީ 2017 ގައި ދިވެހި ސަރުކާރުގެ ގެޒެޓްގައި ޝާއިޢު ކުރެވިފައިވާ ގަވާއިދު "ރ. އަނގޮޅިތީމުން ދަނޑުބިން ދޫކުރުމާއި ދަނޑުވެރިކަން ކުރުމުގެ ގަވާއިދު" (ގަވާއިދު ނަންބަރު : 2017/R-10)ގެ ދަށުން ދަނޑުވެރިކަން ކުރަން ބޭނުންވާ ފަރާތްތަކަށް ދަނޑުބިމަށް އެދުމުގެ ފުރުސަތު ހުޅުވާލަމެވެ. ދަނޑުބިމަށް އެދި ހުށަހަޅާނީ  " ދަނޑުވެރިކަން ކުރުމަށް ދަނޑުބިމަށް އެދޭ ފޯމް" އިންނެވެ. ދަނޑުބިމަށް އެދި ހުށަހެޅުމުގެ މުއްދަތަކީ  24 ޖެނުއަރީ 2017 އިން 06 ފެބްރުއަރީ 2017  ވަނަ ދުވަހުގެ 13:00 އަށެވެ. މި މުއްދަތުގެ ތެރޭގައި ދަނޑުބިމަށް އެދޭފޯމް ރަސްމީ ގަޑީގައި މި ކައުންސިލުން ލިބެން ހުންނާނެއެވެ. އަދި މި އިޢްލާނާއިއެކުގައި އެޓޭޗް ކުރެވިފައިވާނެއެވެ.

• ކޮންމެ ގޭބިސީއަކަށް  ދޫކުރަނީ  2000 ( ދެހާސް) އަކަފޫޓުގެ 01 (އެކެއް)  ބިން.
• ދަނޑުބިމަށް އެދޭ ގޭބިސީއަކީ މީހުން ދިރިއުޅޭތާ 01 އަހަރުވެފައިވާ ގޭބިސީއަކަށް ވާންވާނެ.
• ދަނޑުބިން ދޫކުރެވޭނީ 02 އަހަރު ދުވަހަގެ މުއްދަތަށް.
• ގޭބިސީތަކަށް ދޫކުރާ ދަނޑުބިންތަކަށް އަކަފޫޓަކަށް ފަސްލާރި މަހަކު ދައްކަން ޖެހޭނެ