އިޢުލާން

މި އޮތޯރިޓީގައި ބޭނުންކޮށްފައިހުރި ބައެއް ތަކެތި (ފަރުނީޗަރު، ކޮމްޕިއުޓަރު، އަދި އެހެނިހެން ތަކެތި) 2016 ޑިސެންބަރު 17 ވާ ހޮނިހިރުދުވަހު ނީލަމުގައި ވިއްކާލުމަށް ވަނީ ހަމަޖެހިފައެވެ.

ނީލަން އޮންނަ ތަން:    ކެޕިޓަލް މާކެޓް ޑިވެލޮޕްމަންޓް އޮތޯރިޓީ

                ހ. އޯކިޑް 3 ވަނަ ފަންގިފިލާ

               އަމީރު އަޙްމަދު މަގު / މާލެ

މުދާ ބެލޭނެ އިންތިޒާމާއި ނަން ނޯޓުކުރުން: ނީލަމުގައި ވިއްކާ މުދާ ބެލޭނެ އިންތިޒާމު 2016 ޑިސެންބަރު 17 ވާ ހޮނިހިރު ދުވަހުގެ ހެނދުނު 11:00 ގައި އޮންނާނެއެވެ. އަދި 11:15 ގެ ކުރިން ކެޕިޓަލް މާރކެޓް ޑިވެލޮޕްމަންޓް އޮތޯރިޓީގައި، ނީލަމުގައި ބައިވެރިވުމަށް އެދި ނަން ނޯޓުކުރަންވާނެއެވެ.

ނީލަން ގަޑި:     ހެނދުނު 11:30 (17 ޑިސެންބަރު 2016 ވާ ހޮނިހިރު ދުވަހު)

ފައިސާ ދެއްކުން:   ނީލަން ކާމިޔާބުކުރާ ފަރާތްތަކުން އެ މުދަލެއްގެ ނީލަން ނިމޭ އަގު، ނީލަން ނިމުމުން އެ ގަޑީގައި ދައްކަންވާނެއެވެ.

މުދާ ގެންދިއުން:   ނީލަމުން ނަގާ މުދާ، ޖެހިގެން އަންނަ މަސައްކަތު ދުވަހުގެ 16:00 ގެ ކުރިން އޮތޯރިޓީން ގެންދަންވާނެއެވެ. މިގޮތަށް ނުގެންގޮސް ހުންނަ މުދާ އިތުރު އެންގުމަކާ ނުލައި ނައްތާލެވޭނެއެވެ.

އިތުރުމަޢުލޫމާތު:    ނީލަން ލިސްޓުގައި ނަން ނޯޓުނުކުރާ ފަރާތްތަކަށް، ނީލަމުގައި ބައިވެރިވުމުގެ ފުރުޞަތު ނުދެވޭނެ ވާހަކަ ދަންނަވަމެވެ.

މި ނީލަމާ ބެހޭ އިތުރު މަޢުލޫމާތު ހޯއްދެވުމަށް، އޮތޯރިޓީގެ ނަންބަރު 3014105/3336619 ފޯނަށް ގުޅުއްވުން އެދެމެވެ. 

06 ރަބީޢުލްއައްވަލް 1438