އިޢުލާން

ވަޒީފާގެ ފުރުޞަތު:

މި އޮތޯރިޓީއަށް، ތިރީގައިމިވާ މަޤާމަށް މީހަކު ބޭނުންވެއެވެ.

މަޤާމް: ޑެޕިއުޓީ ޗީފް އެގްޒެކެޓިވް އޮފިސަރ

ބޭނުންވާ އަދަދު: 1 (އެކެއް)

އަސާސީ މުސާރަ: މަހަކު -/20،000 ރުފިޔާ

ފިކްސްޑް އެލަވަންސް: މަހަކު -/11،000 ރުފިޔާ 

ޢިނާޔަތް: އިތުރުގަޑީގައި މަސައްކަތް ކޮށްފިނަމަ، ހަމަޖެހިފައިވާ އުސޫލުން އިތުރުގަޑީގެ ފައިސާ ލިބޭނެއެވެ.

މަޤާމުގެ ޝަރުޠު:

- އިކޮނޮމިކްސް، ފައިނޭންސް، އެކައުންޓިންގ، ބޭންކިންގ ނުވަތަ ގުޅުންހުރި ދާއިރާއަކުން މާސްޓާރސް ޑިގްރީ ނުވަތަ ޤައުމީ ސަނަދުތަކުގެ އޮނިގަނޑުގެ ލެވެލް 9 އަށް ފެތޭ ސަނަދެއް ހާސިލުކޮށްފައިވުމާއެކު، ކެޕިޓަލް މާކެޓް ރެގިއުލޭޓަރީ އޮތޯރިޓީ، ނުވަތަ ސްޓޮކް އެކްސްޗޭންޖް ނުވަތަ ރާއްޖެއާއި ރާއްޖެއިން ބޭރުގައި މިބާވަތުގެ މަސައްކަތްކުރާ ތަނެއްގައި 5 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން (މީގެ ތެރެއިން 3 އަހަރުދުވަހު މެނެޖީރިއަލް ފެންވަރުގެ ނިންމުންތައް ނިންމާ ލެވެލްގައި މަސައްކަތްކޮށްފައިވުން). ނުވަތަ؛

- އިކޮނޮމިކްސް، ފައިނޭންސް، އެކައުންޓިންގ، ބޭންކިންގ ނުވަތަ ގުޅުންހުރި ދާއިރާއަކުން ބެޗެލަރސް ޑިގްރީ ނުވަތަ ޤައުމީ ސަނަދުތަކުގެ އޮނިގަނޑުގެ ލެވެލް 8 އަށް ފެތޭ ސަނަދެއް ހާސިލުކޮށްފައިވުމާއެކު، ކެޕިޓަލް މާކެޓް ރެގިއުލޭޓަރީ އޮތޯރިޓީ، ނުވަތަ ސްޓޮކް އެކްސްޗޭންޖް ނުވަތަ ރާއްޖެއާއި ރާއްޖެއިން ބޭރުގައި މިބާވަތުގެ މަސައްކަތްކުރާ ތަނެއްގައި 10 އަހަރުދުވަހު މަސައްކަތްކޮށް، މަސައްކަތުގެ ތަޖުރިބާ ލިބިފައިވުން (މީގެ ތެރެއިން 5 އަހަރުދުވަހު މެނެޖީރިއަލް ފެންވަރުގެ ނިންމުންތައް ނިންމާ ލެވެލްގައި މަސައްކަތްކޮށްފައިވުން).

އެހެނިހެން ޝަރުޠު:

- މުޢާމަލާތު ކުރުމުގެ ހުނަރާއި، ކަންކަން ރާވައި ހިންގުމުގެ ހުނަރާއި، މައްސަލަ ޙައްލުކުރުމާއި ނިންމުންތައް ނިންމުމުގެ ހުނަރު.

- ނަޒާހަތްތެރިކަމާއި ރަނގަޅު އަޚްލާޤު

މަޤާމުގެ މަސްއޫލިއްޔަތު:

- އޮތޯރިޓީ ހިންގުމުގައި ޗީފް އެގްޒެކެޓިވް އޮފިސަރަށް އެހީތެރިވުމާއި، ސީ.އީ.އޯއަށް މަސައްކަތަށް ހާޒިރުވެވެން ނެތް ޙާލަތެއްގައި އޮފީސް ހިންގުމުގެ މަސްއޫލިއްޔަތު އަދާކުރުން.

- އޮތޯރިޓީގެ އިންޓަރނޭޝަނަލް ރިލޭޝަންސްގެ ބެލެހެއްޓުން. 

ނޯޓު: ޝަރުޠު ފުރިހަމަވާ ފަރާތެއް ނުލިބިއްޖެނަމަ، މި ދާއިރާއިން ދަށްވެގެން މާސްޓަރސްް ޑިގްރީ ހާސިލުކޮށްފައިވާ ފަރާތަކަށް ވަޒީފާގެ ފުރުޞަތު ދެވިދާނެއެވެ. އަދި ވަޒީފާ ދިނުމުގައި މަސައްކަތުގެ ތަޖުރިބާ ލިބިފައިވާ ފަރާތްތަކަށް އިސްކަންދެވޭނެއެވެ.

ހުށަހަޅަންޖެހޭ ލިޔުންތައް:

- އެޕްލިކޭޝަން ފޯމު

- ކަރިކިއުލަމް ވިޓާ (ސީވީ)

- ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ކޮޕީ.

- ލިބިފައިވާާ ތަޢުލީމީ ސެޓުފިކެޓުތަކުގެ ކޮޕީ.

-  ވަޒީފާގައި އުޅޭ ނުވަތަ އުޅެފައިވާ ފަރާތެއްނަމަ، އަދާކުރާ ނުވަތަ އަދާކުރި ވަޒީފާގެ މަސްއޫލިއްޔަތު އެނގޭ ރަސްމީ ލިޔުމެއް.

- ސަރުކާރުގެ ނުވަތަ ސިވިލް ސަރވިސްގެ އޮފީހެއްގެ ބޮންޑެއްގައިހުރި މުވައްޒަފެއްނަމަ، ސީ.އެމް.ޑީ.އޭގެ ވަޒީފާއަށް ބަދަލުވުމުގެ އިޢުތިރާޒެއް ނެތްކަމުގެ ލިޔުމެއް.

މުއްދަތު:

މި ވަޒީފާއަށް ހޮވޭ ފަރާތް ދާއިމީ މުވައްޒަފެއްގެގޮތުގައި ހަމަޖެއްސޭނީ، 3 މަސްދުވަހުގެ ޕްރޮބޭޝަނަކަަށްފަހު، މަސައްކަތަށް ރަނގަޅުނަމައެވެ.

ނޯޓު:

- އިންޓަވިއުއަށް ދަޢުވަތު ދެވޭނީ ހަމައެކަނި ޝޯޓްލިސްޓް ކުރެވޭ ފަރާތްތަކަށެވެ. މި މަޤާމަށް ޝޯޓް ލިސްޓް ކުރެވޭ ފަރާތްތަކުގެ އިންޓަވިއު ކުރިޔަށްގެންދާނީ، ސީ.އެމް.ޑީ.އޭގެ ޑިރެކްޓަރުންގެ ބޯޑުންނެވެ.

- މި މަޤާމަށް މުވައްޒަފަކު ހޮވާނީ، ތަޢުލީމީ ފެންވަރަށާއި، ތަޖުރިބާއަށާއި، އިންޓަވިއުއަށް ބަލައި، އެންމެ މަތިން މާކްސްލިބޭ ފަރާތެކެވެ. އަދި މި މަޤާމަށް ހޮވާ ފަރާތެއްގެ ކުށުގެ ރެކޯޑް ބަލާ ފޯމު ފުރުމަށްފަހު، ވޭތުވެދިޔަ 5 އަހަރުދުވަހު އެއްވެސް ކުށުގެ ރިކޯޑެއް އޮތްތޯ ބެލޭނެއެވެ.

- ވަޒީފާއަށް ހޮވޭ ފަރާތުން މެޑިކަލް ރިޕޯޓު ހުށަހަޅަންވާނެއެވެ.

- މި މަޤާމަށް ހޮވޭ ފަރާތުން މޯލްޑިވްސް ކޮލިފިކޭޝަން އޮތޯރިޓީން އެކްރެޑިޓްކުރައްވާފައިވާ ތަޢުލީމީ ސެޓުފިކެޓާއި ޓްރާންސްކްރިޕްޓްތަކުގެ ކޮޕީ (އެޓެސްޓް ކޮށްފައިވާ) ހުށަހަޅަންވާނެއެވެ.

- މި މަޤާމަށް މީހަކު ހޮވުމުން، ވަޒީފާ ހަމަޖެހުމުގެ ކުރިން މެޑިކަލް ރިޕޯޓް ހުށަހަޅަންވާނެއެވެ. އަދި ވަޒީފާއަށް ހޮވާނީ، ކުށުގެރެކޯޑް ބަލާ ފޯމު ފުރުމަށްފަހު، ވޭތުވެދިޔަ 5 އަހަރުގެ ކުށުގެ ރެކޯޑެއް ނެތްނަމައެވެ.

- މަޤާމުގެ މަސްއޫލިއްޔަތާ ގުޅޭގޮތުން އިތުރު މަޢުލޫމާތު ހޯދުމަށް ތިރީގައިވާ ނަންބަރު ފޯނަށް ގުޅުން އެދެމެވެ.

ސުންގަޑި:

މި މަޤާމަށް ޝައުޤުވެރިވާ ފަރާތްތަކުން، 2016 ޑިސެންބަރު 1 ވާ ބުރާސްފަތި ދުވަހުގެ 11:00 ގެ ކުރިން، ކެޕިޓަލް މާރކެޓް ޑިވެލޮޕްމަންޓް އޮތޯރިޓީގެ ވަޒީފާއަށް އެދި، ތިރީގައިވާ އެޑްރެހަށް ސިޓީ ނުވަތަ ފޯމު ހުށަހެޅުން އެދެމެވެ. ވަޒީފާއަށް އެދި ހުށަހަޅާ ފޯމު މި އޮތޯރިޓީގެ ވެބްސައިޓުން ޑައުންލޯޑް ކުރެވެން ހުންނާނެއެވެ.

އެޕްލިކޭޝަން ހުށަހަޅަންޖެހޭ އެޑްރެސް:

ކެޕިޓަލް މާރކެޓް ޑިވެލޮޕްމަންޓް އޮތޯރިޓީ، ހ. އޯކިޑް 3 ވަނަ ފަންގިފިލާ

އަމީރު އަޙްމަދު މަގު، މާލެ، ދިވެހިރާއްޖެ

ފޯނު: 3014105، ފެކްސް: 3336624

އީމެއިލް: [email protected]  ވެބްސައިޓް: www.cmda.gov.mv

17 ޞަފަރު 1438