ދިވެހިރާއްޖެ
1- ދިވެހިސަރުކާރުގެ ފަރާތުން މިނިސްޓްރީ އޮފް އެންވަޔަރަންމަންޓް އެންޑް އެނަރޖީން އޭޝިއަން ޑިވެލޮޕްމަންޓް ބޭންކުގެ ހިލޭ އެހީގައި ހިންގަމުންދާ ޕްރިޕެއަރިންގ އައުޓަރ އައިލެންޑްސް ފޮރ ސަސްޓެއިނެބަލް އެނަރޖީ ޑިވެލޮޕްމަންޓް (ޕޮއިސްޑް) ޕްރޮޖެކްޓްގެ ދަށުން 8 މެގަވޯޓުގެ ޑީސަލް ޖެނެރޭޓަރ ސިސްޓަމެއް ޓާރން-ކީ އުސޫލުން ޤާއިމުކުރުމަށް ވަނީ ހަމަޖެހިފައެވެ.
2- ވީމާ، ޕްރިޕެއަރިންގ އައުޓަރ އައިލެންޑްސް ފޮރ ސަސްޓެއިނެބަލް އެނަރޖީ ޑިވެލޮޕްމަންޓް (ޕޮއިސްޑް) ޕްރޮޖެކްޓްގެ ބޭނުމަށް 8 މެގަވޯޓުގެ ޑީސަލް ޖެނެރޭޓަރ ސިސްޓަމެއް ޑިޒައިންކޮށް، ސަޕްލައިކޮށް އަދި އިންސްޓޯލް ކޮށްދީ ޓާރން-ކީ އުސޫލުން ޤާއިމުކޮށް ބެލެހައްޓުމަށް ޝަރުޠު ހަމަވާ، އެކަށީގެންވާ ތަޖުރިބާ ހުރި، އަދި މިފަދަ މަސައްކަތެއް ކުރުމުގެ ޤާބިލުކަން ލިބިފައިވާ ފަރާތްތަކަށް ބީލަން ހުށަހެޅުމުގެ ދަޢުވަތު އަލުން ހުޅުވާލަމެވެ.
3- މި މަސަތްކަތް ކުރާނެ ފަރާތެއް ހޮވާނީ ބައިނަލްއަޤުވާމީ ވާދަވެރި ބީލަމުގައި، އޭޝިއަން ޑިވެލޮޕްމަންޓް ބޭންކުގެ ގައިޑްލައިންސްއާ އެއްގޮތްވާ ގޮތުގެ މަތިން، ޝަރުޠު ހަމަވާ ހުރިހާ ފަރާތްތަކަށް ހުޅުވާލެވިގެންނެވެ.
4- ރަޖިސްޓްރޭޝަން ފީ ބަލައިގަންނާނީ 12 އޮގަސްޓު 2015 އިން 27 ސެޕްޓެންބަރު 2015އަށް، ބަންދުނޫން ކޮންމެ ދުވަހަކު 08:30 އިން 14:30އަށް މި މިނިސްޓްރީންނެވެ. ރަޖިސްޓްރޭޝަން ފީ އެއްގެ ގޮތުގައި -/100 އެމެރިކާ ޑޮލަރު (އެއް ސަތޭކަ) އެމެރިކާ ޑޮލަރު ދެއްކެވުމުން ބީލަން ފޮތްތައް ސޮފްޓްކޮޕީ ފޯމެޓްގައި ލިބިވަޑައިގަންނަވާނެއެވެ.
5- މި ޕްރޮޖެކްޓުގެ ޕްރީބިޑް ބައްދަލުވުން އޮންނާނީ 27 އޮގަސްޓު 2015 ވާ ބުރާސްފަތި ދުވަހުގެ 1100 ގައި މިނިސްޓްރީ އޮފް ފިނޭންސް އެންޑް ޓްރެޜަރީގެ ޖަލްސާކުރާ މާލަމުގައެވެ.
6- މި ޕްރޮޖެކްޓާ ގުޅޭގޮތުން އެއްވެސް ސުވާލެއްވާނަމަ 3 ސެޕްޓެންބަރު 2015ވާ ބުރާސްފަތި ދުވަހުގެ 14:00 ކުރިން މިމިނިސްޓްރީ އީމެއިލް އެޑްރެސް [email protected] އަށް ހުށަހެޅުއްވުން އެދެމެވެ.
7- ބިޑްސެކިޔުރިޓީގެ ގޮތުގައި ބިޑް ޑޮކިއުމަންޓުގައި ބަޔާންކޮށްފައިވާ އަދަދު ހުށަހަޅަންޖެހޭނެއެވެ.. ބިޑް ސެކިޔުރިޓީގެ މުއްދަތަކީ ބިޑް ހުށަހަޅާ ތާރީޚުން ފެށިގެން 208 ދުވަހެވެ.
8- ބިޑް ހުޅުވުން އޮންނާނީ 28 ސެޕްޓެންބަރު 2015ވާ ހޯމަ ދުވަހުގެ 14:00ގައި މިނިސްޓްރީ އޮފް ފިނޭންސް އެންޑް ޓްރެޜަރީގެ ޖަލްސާކުރާ މާލަމުގައެވެ. ބީލަންތައް ހުންނަންވާނީ ބަންދުކުރެވިފައިވާ ސިޓީއުރައެއްގައެވެ. ބޭރުގައި ބީލަމަށް ދެވިފައިވާ ނަން، ހުޅުވަން ކަނޑައެޅިފައިވާ ތާރީޚާއި ވަގުތު އަދި ކޮންޓްރެކްޓަރުގެ ނަން ލިޔެވިފައި އޮންނަންވާނެއެވެ.
9- އިތުރު މައުލޫމާތު ތިރީގައިވާ އެޑްރެހުން ލިބިވަޑައިގަންނަވާނެއެވެ.
ޓެންޑަރ އިވެލުއޭޝަން ސެކްޝަން
މިނިސްޓްރީ އޮފް ފިނޭންސް އެންޑް ޓްރެޜަރީ،
އަމީނީމަގު،
މާލެ، ދިވެހިރާއްޖެ،
ޓެލެފޯން: 960.3349106 /+ 3349266960 +
ފެކްސް:960.3320706+
އީމެއިލް:[email protected]
10. އަދި މި އިޢުލާން މިނިސްޓްރީގެ ވެބްސައިޓުން www.finance.gov.mv ގައި އަޕްލޯޑް ކުރެވިފައިވާނެއެވެ.
