ކައުންސިލަށް ލަފާދޭ ކޮމެޓީ އެކުލަވާލުމާ ގުޅޭ

                 ކައުންސިލުން ނިންމާ ނިންމުންތަކުގައި ރައްޔިތުންގެ ބައިވެރިވުން އިތުރުކުރުމަށާއި، އެނިންމުންތަކަކީ ޒިންމާދާރު އަދި ޖަވާބުދާރީ ވަނިވި އުޞޫލުން ނިންމާ ނިންމުންތަކެއްގެ ގޮތުގައި ބޭއްވުމަށް ލާމަރުކަޒީ ޤާނޫނުން 2010/7 އިން ލާޒިމްކުރެއެވެ. އެހެންކަމުން މިކައުންސިލްގެ 04 ވަނަ ދައުރަށް އިންތިޚާބުކުރެވުނު ކައުންސިލާއެކު އެކުލަވާލެވުނު " ކައުންސިލަށް ލަފާދޭ ކޮމެޓީ " މިކައުންސިލްގެ އޖ/2022/04/55 ނަންބަރު ބައްދަލުވުމުން އެކޮމެޓީ އުވާލައި އައުކޮމެޓީއެއް އެކުލަވާލުމަށް ވަނީ ނިންމާފައެވެ. އެހެންކަމުން މިއިދާރާގެ ނަންބަރ: (IUL)399-CA/399/2023/140 ( 05 ނޮވެމްބަރ 2023) އިޢުލާނަށް އެކަށީގެންވާ ވަރަށް ކުރިމަތިލާފައިނުވާތީ މި ކައުންސިލްގެ ލަފާދޭ ކޮމެޓީ އަލުން އެކުލަވާލުމަށްޓަކައި ކޮމެޓީގެ މެމްބަރަކަށް ވުމަށް ޝައުޤުވެރިކަން ހުރި ތިރީގައި ބަޔާންކޮށްފައިވާ ދާއިރާތަކަށް މީހުން ހޯދުމަށް ފުރުޞަތު ހުޅުވާލައި އަލުން އިޢުލާން ކުރަމެވެ.

މެމްބަރުން ބޭނުންވާ ދާއިރާތަށް:

ޞިއްޙީ/ ތަޢުލީމީ/ ދަނޑުވެރިކަން/ ފަތުރުވެރިކަން/ މަސްވެރިކަން/ ޚާއްޞަ އެހީއަށް ބޭނުންވާ ފަރާތެއް ނުވަތަ އެފަދަ ފަރާތެއް ތަމްސީލްކޮށްދޭ ފަރާތެއް/ އުމުރުން 55 އަހަރުންމަތީ މީހެއް / ވޭތުވެދިޔަ ދައުރުތަކުގައި ލ.އަތޮޅު ނުވަތަ ގަމު ކައުންސިލްގެ މެމްބަރެއް / އަންހެން ކަނބަލެއް

ވީމާ،މިކަމަށް ޝައުޤުވެރިކަން ހުރި ފަރާތްތަކުގެ ވަނަވަރާއި ކުރިމަތިލާ ދާއިރާ އެނގޭގޮތަށް    20ފެބްރުވަރީ 2024 ވަނަ ދުވަހުގެ 14:00 ގެ މިއިދާރާއަށް ހުށަހެޅުއްވުން އެދެމެވެ.

ވީމާ، މިކަން ޢާއްމުކޮށް އަންގާ އިޢުލާން ކުރީމެވެ.  

  07 ފެބްރުވަރީ 2023