އިސްލާމިކް މިނިސްޓްރީން އެކުލަވާލާފައިވާ ފަޤީރުންނާއި މިސްކީނުންގެ ދަފްތަރުގައި އަލަށް ރަޖިސްޓްރީވުމަށް އެދޭ ފަރާތްތަކަށް، 14 ޖަނަވަރީ 2024 ވާ އާދީއްތަ ދުވަހުން ފެށިގެން 01 ފެބްރުއަރީ 2024 ވާ ބުރާސްފަތި ދުވަހުގެ 13:00 ގެ ނިޔަލަށް ވަނީ ފުރުޞަތު ހުޅުވާލާފައެވެ. ދަފްތަރުގައި ރަޖިސްޓްރީ ވުމަށް އެދޭ ފޯމު ރަސްމީ ބަންދު ނޫން ކޮންމެ ދުވަހެއްގެ 8:00 ން 14:00 އަށް ކައުންސިލުން ލިބެންހުންނާނެއެވެ.

ވީމާ، ދަފްތަރުގައި ރަޖިސްޓްރީވުމަށް އެދޭ ފަރާތްތަކުން ފޯމުގައި ދެވިފައިވާ އިރުޝާދުތަކާއި އެއްގޮތަށް ލިޔުންތައް ހަމަކޮށް، 01 ފެބްރުއަރީ 2024 ވާ 13:00 ގެ ކުރިން ހުށައެޅުއްވުމަށް ދަންނަވަމެވެ. އަދި ފޯމު ހުށައެޅުމަށް ދީފައިވާ މުއްދަތުގެ ފަހުން ހުށައަޅާ ފޯމުތައް ބަލައިނުގަންނާނެ ކަމުގައި ދެންނެވީމެވެ.