މަޤާމު / ރޭންކް:

ޑީން (ކުއްލިއްޔާ އޮފް އިކޮނޮމިކްސް އެންޑް މެނޭޖްމަންޓް ސްޓަޑީޒް)،

ޕަބްލިކް ސަރވިސް ރޭންކް 10

ބޭނުންވާ އަދަދު: 1

މުއްދަތު: އައްޔަނުކުރާ ދުވަހުން ފެށިގެން

4 އަހަރު ދުވަހަށް

އޮފީސް:

ދިވެހިރާއްޖޭގެ އިސްލާމީ ޔުނިވަރސިޓީ

މަސައްކަތްކުރަން ޖެހޭ ތަން:

ދިވެހިރާއްޖޭގެ އިސްލާމީ ޔުނިވަރސިޓީ (މެއިން ކެމްޕަސް، މާލެ)

މުސާރަ:

އަސާސީ މުސާރަ

21,123 ރުފިޔާ

ޖޮބް އެލަވަންސް

12,097 ރުފިޔާ

ހާޟިރީ އެލަވަންސް

327 ރުފިޔާ (ހާޟިރުވާ ކޮންމެ ދުވަހަކަށް)

ޔުނިވަރސިޓީ އެންރޯލްމަންޓް އެލަވަންސް

• ދަރިވަރުންގެ ޢަދަދު 1200 ނުވަތަ އެއްށްވުރެ ގިނަނަމަ މަހަކު 6,000 ރ ގެ އެލަވަންސް ލިބޭނެއެވެ.
• ދަރިވަރުންގެ ޢަދަދު 800 އާ 1199 އާ ދެމެދުނަމަ މަހަކު 5,000 ރ ގެ އެލަވަންސް ލިބޭނެއެވެ.
• ދަރިވަރުންގެ ޢަދަދު 400 އާއި 799 އާ ދެމެދުނަމަ މަހަކު 4,000 ރ ގެ އެލަވަންސް ލިބޭނެއެވެ.
• ދަރިވަރުންގެ ޢަދަދު 1 އާއި 399 އާ ދެމެދުނަމަ މަހަކު 3,000 ރުފިޔާގެ އެލަވަންސެއް ލިބޭނެއެވެ.

ދަރިވަރަކު ނެތްކަމުގައިވާނަމަ މި އެލަވަންސް ނުދެވޭނެއެވެ.

މަޤާމުގެ ޝަރުޠުތައް:

• މަގާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 10 ގެ ސަނަދެއް ހާސިލްކޮށްފައިވުމާއެކު، މަގާމު ގެ މަސައްކަތުގެ ދާއިރާއެއްގައި 4 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން. އެ މުއްދަތުގެ ތެރެއިން މަދުވެގެން 2 އަހަރު ދުވަހުގެ ހިންގުމުގެ ތަޖުރިބާ ލިބިފައިވުން.
• ނުވަތަ،
• މަގާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 ގެ ސަނަދެއް ހާސިލްކޮށްފައިވުމާއެކު، މަގާމުގެ މަސައްކަތު ގެ ދާއިރާއެއްގައި 8 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން. އެ މުއްދަތު ގެ ތެރެއިން މަދުވެގެން 2 އަހަރު ދުވަހުގެ ހިންގުމުގެ ތަޖުރިބާ ލިބިފައިވުން.

މަޤާމުގެ މަސައްކަތްތަކާ ގުޅޭ ތަޢުލީމީ ދާއިރާތައް:

ފެކަލްޓީ / ސެންޓަރ / ކުއްލިއްޔާއާ ގުޅޭ ތަޢުލީމީ ދާއިރާތައް

މަސައްކަތުގެ ތަޖުރިބާ ގުނުމުގައި ބަލާނެ ދާއިރާތައް:

މަތީ ތަޢުލީމު ދޭ އިދާރާއެއްގައި ނުވަތަ ތަޢުލީމާ ދޭ އިދާރާއެއްގައި ނުވަތަ މަތީ ތަޢުލީމާ ގުޅޭ މަސައްކަތްތައްކުރާ ސަރުކާރުގެ އިދާރާއެއްގައި ނުވަތަ ތަޢުލީމާ ގުޅޭ މަސައްކަތްތައްކުރާ ސަރުކާރުގެ އިދާރާއެއްގައި ނުވަތަ ޔުނިވަރސިޓީ ޤަބޫލުކުރާ އިދާރާއެއްގެ މަތީ ފަންތީގެ މެނޭޖީރިއަލް، ޕޮލިސީ ނުވަތަ ފަންނީ މަސައްކަތްތައް

ކުއްލިއްޔާ އޮފް އިކޮނޮމިކްސް އެންޑް މެނޭޖްމަންޓް ސްޓަޑީޒްއަށް ކަނޑައަޅާފައިވާ ތަޢުލީމީ ދާއިރާތައް

އިކޮނޮމިކްސް، އެކައުންޓިންގ، ފައިނޭންސް، ކޮމަރސް، ބިޒްނަސް މެނޭޖްމެންޓް، ޓީޗިންގް މެނޭޖްމެންޓް، ހަޔަރ އެޑިޔުކޭޝަން މެނޭޖްމެންޓް، އިސްލާމިކް ފައިނޭންސް މެނޭޖްމެންޓް، ބިޒްނަސް އެޑްމިނިސްޓްރޭޝަން، އެޑިޔުކޭޝަން ލީޑަރޝިޕް، އެޑިޔުކޭޝަން މެނޭޖްމެންޓް، ހިއުމަން ރިސޯސަސް މެނޭޖްމެންޓް، އަދި އިސްވެދެންނެވުނު ދާއިރާތަކުގެ (ބިސްނަސް ސްޓްރީމްގެ މާއްދާތަކުގެ) ޓީޗިންގ

މަޤާމުގެ މަސްއޫލިއްޔަތު:

މި މަޤާމުތަކުގެ މަސްއޫލިއްޔަތުތަކާއި ޒިންމާތައް މި އިޢުލާނާއެކު އެޓޭޗުކުރެވިފައިވާ "ޑީނުން ޢައްޔަނުކުރުމާގުޅޭ އުޞޫލު" ހިމެނޭ ކަރުދާހުގައި ބަޔާން ކުރެވިފައިވާނެއެވެ.

ނޯޓު: މި މަޤާމުގައި ހުންނަ މީހަކު، ވަޒީފާގެ ބޭރުން އިތުރު މަސައްކަތެއް ކުރެވޭނީ ޔުނިވަރސިޓީގެ ޑީނުން އައްޔަންކުރުމާގުޅޭ އުސޫލު އަދި ޔުނިވަރސިޓީގައި އަމަލުކުރަމުންދާ ގަވާއިދުތަކާ މިންގަނޑުތަކުގައިވާ ގޮތުގެ މަތިންނެވެ.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

ލިބިފައިވާ ތަޢުލީމް (ގުޅޭ ދާއިރާއިން)

ލިބިފައިވާ މަސައްކަތުގެ ތަޖުރިބާ (ގުޅޭ ދާއިރާއިން)

ލިބިފައިވާ ހުނަރު (އިންޓަރވިއު އަދި ޕްރެކްޓިކަލްސް)

-ފަރިތަކަމާއެކު އަރަބި އަދި އިނގިރޭސި ބަހުން މުޚާތަބުކުރެވޭ ކެންޑިޑޭޓުންނަށް އިސްކަން ދެވޭނެއެވެ.

ވަޒީފާއަށް ހުށަހަޅަންޖެހޭ ލިޔެކިޔުންތައް:

• ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ފޯނު ނަންބަރާއެކު)
• ދިވެހިރައްޔިތެއްކަން އަންގައިދޭ ކާޑުގެ ސާފު ކޮޕީ ނުވަތަ ޕާސްޕޯޓުގެ ޑޭޓާ ޕޭޖުގެ ސާފު ކޮޕީ
• ވަޒީފާގައި އުޅުއްވާ ނުވަތަ އުޅުއްވާފައިވާ ބޭފުޅެއްނަމަ އަދާކުރައްވާ ނުވަތަ އަދާ ކުރެއްވި ވަޒީފާގެ މަސްއޫލިއްޔަތު އަދި ވަޒީފާ އަދާކުރި މުއްދަތު އެނގޭނެ ރަސްމީ ލިޔުމެއް
• ވަޒީފާއަށް ކުރިމަތިލާ ފަރާތުގެ މަސައްކަތް ބެލެހެއްޓެވި ސްޕަވައިޒަރަކު އެފަރާތެއްގެ މަސައްކަތާ މެދު ދެކޭ ގޮތުގެ ލިޔުމެއް
• ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛
• މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ،
• ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ.
• ރާއްޖޭގެ މަތީ ތަޢުލީމުދޭ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

ވަޒީފާއަށް އެދި ހުށަހަޅާނެ ގޮތް:

ވަޒީފާއަށް އެދި ހުށަހަޅާނީ ތިރީގައި މި ވާ ލިންކް ބޭނުންކޮށްގެންނެވެ.

https://jobs.ium.edu.mv/

އަޕްލޯޑްކުރާ އެންމެހާ ލިޔެކިޔުންތައް ހުންނަންވާނީ ސާފުކޮށް ކިޔަން އެނގޭނެ ފަދަ ގޮތަކަށެވެ.

އިޢުލާނުގައި ބަޔާން ކުރެވިފައިވާ ހުރިހާ ލިޔެކިޔުންތައް އެޕްލިކޭޝަނާއެކު ފޮނުވަން ޖެހޭނެއެވެ.

އިޢުލާނުގެ މުއްދަތު ހަމަވާ ތާރީޚް

2023 ޑިސެންބަރު 25 ވާ ހޯމަ ދުވަހުގެ 23:59 އަށް

އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ އެޕްލިކޭޝަންތައް ބަލައިގަނެވޭނެއެވެ.

ނޯޓު

ބިދޭސީ މުވައްޒަފެއް މި މަގާމަށް ހަމަޖެއްސޭނީ ކޮންޓްރެކްޓް އުސޫލުން، ނޭޝަނަލް ޕޭ ފްރޭމްވަރކްގެ ޔުނިވަރސިޓީ އެކެޑަމިކް ޕްރޮފެޝަނަލުންގެ އޮނިގަނޑަށް އަމަލުކުރުމުގެ ކުރިން ބޭނުންކުރަމުން އައި ޔުނިވަރސިޓީގެ އޮނިގަނޑުގެ ސްޕައިންއަކަށެވެ.

އިޢުލާނުގެ މުއްދަތުގެ ތެރޭގައި ފޮނުވާ އެއްވެސް އެޕްލިކޭޝަނަކަށް، އިޢުލާނުގެ މުއްދަތު ހަމަނުވަނީސް ޢަމަލެއް ނުކުރާނެއެވެ.

އިޢުލާނުގައި ބަޔާންކޮށްފައިވާ ލިޔެކިޔުންތައް ފުރިހަމަ ނުވާ އެޕްލިކޭޝަންތައް ބާޠިލުވާނެއެވެ.

އިންޓަރވިޔު ކުރެވޭނީ އިޢުލާނުގައި ބަޔާންކުރެވިފައިވާ މަޤާމަށް ޝަރުޠު ހަމަވާ ކެންޑިޑޭޓުންގެ ތެރެއިން ޝޯޓްލިސްޓް ކުރެވޭ ފަރާތްތަކާ އެކަންޏެވެ.

މަޤާމަށް ނުހޮވޭ ކެންޑިޑޭޓުންނަށް ސިޓީ ފޮނުވޭނީ އިންޓަވިއުކޮށް ނިމުމަށް ފަހުގައެވެ.

މި މަޤާމަށް ހޮވޭ މުވައްޒަފަކު އާއްމުގޮތެއްގައި މަސައްކަތް ކުރައްވަން ޖެހިވަޑައިގަންނަވާނީ ހެނދުނު 8:00 އިން މެންދުރު 14:00 އަށެވެ. އެހެން ނަމަވެސް، ޔުނިވަރސިޓީއިން ބޭނުންވެއްޖެ ހިނދެއްގައި މަސައްކަތު ގަޑިއަށް ބަދަލުގެނެވިދާނެއެވެ.

އިތުރު މަޢުލޫމާތު:

މަޢުލޫމާތު ސާފުކުރުމަށް ގުޅާނީ، 3022160 ނަންބަރު ފޯނާއެވެ. އީމެއިލް އަކީ [email protected] އެވެ.

މި މަޤާމަށް ހޮވޭ ކެންޑިޑޭޓަކު ވަޒީފާއަށް ނުކުންނަ ތާރީޚުން ފެށިގެން ފުރަތަމަ 3 މަސްދުވަސް ބެލެވޭނީ، ވަޒީފާގެ ޕްރޮބޭޝަން މުއްދަތުގެ ގޮތުގައެވެ. މި މުއްދަތުގެ ތެރޭގައި މުވައްޒަފުގެ މަސައްކަތުގެ ފެންވަރާއި، މަސައްކަތްތަކުގެ އަޚުލާޤަށް ބަލައި،  އެއްވެސް ނޯޓިހެއް ދިނުމަކާނުލައި، ވަޒީފާގެ އެއްބަސްވުން އުވާލައި، މުވައްޒަފު ވަޒީފާއިން ވަކިކުރުމުގެ އިޚުތިޔާރު ޔުނިވަރސިޓީއަށް ލިބިގެންވެއެވެ.