|
މޯލްޑިވްސް މީޑިއާ ކައުންސިލުން ދޭ ނޫސްވެރިކަމުގެ އިނާމުގެ ކަންކަން ވަޒަންކުރަން ފަނޑިޔާރުންގެ ޕޫލެއް އެކުލަވާލަން ބޭނުންވެއެވެ. ވީމާ، މިޕޫލްގައި ރަޖިސްޓްރީވުމަށް މިދާއިރާގެ މަސައްކަތްކުރަށްވާ ފަރާތްތަކަށް ހުޅުވާލަމެވެ.
|
|
މަޤާމު:
|
ފަނޑިޔާރުން
|
|
ވަޒީފާ އަދާކުރަން ޖެހޭ ތަން:
|
މޯލްޑިވްސް މީޑިއާ ކައުންސިލް، ކ. މާލެ
|
|
މުސާރަ:
|
5000 ރުފިޔާ
|
|
އެހެނިހެން އެލަވަންސް
|
ހަމަޖެހިފައިވާ އުޞޫލުން ފަޑިޔާރެއް ނިސްބަތްވާ ޕެނަލްއަކުން މާރކް ކުރާ ކޮންމެ އުފެއްދުމަކަށް 150 ރުފިޔާ ރޭޓޫން ދެވޭނެއެވެ.
|
|
ޝަރުޠުތައް:
|
- މީޑިއާ ނުވަތަ ޖާނަލިޒަމް ނުވަތަ ސޯޝަލް ސައިންސްގެ ދާއިރާއިން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުން ދަށްވެގެން ލެވެލް 4 ގެ ސަނަދެއް ހާސިލްކޮށްފައިވުމާއެކު، ސަރުކާރުގައި، ނުވަތަ ޕަބްލިކް ނުވަތަ ޕްރައިވެޓް ސެކްޓަރގައި، ނުވަތަ ޤައުމީ ނުވަތަ ބައިނަލްއަޤްވާމީ ޖަމްޢިއްޔާ ނުވަތަ ޖަމާޢަތެއްގައި މަދުވެގެން 3 އަހަރުދުވަހު މަސައްކަތްކޮށް، ފަޑިޔާރުކަމުގެ މަޤާމަށް ކަނޑައަޅާފައިވާ މަޤާމުގެ މަސައްކަތާގުޅޭ ތަޖުރިބާ ލިބިފައިވުން.
- މުސްލިމަކުކަމުގައިވުން.
- ދިވެހި ރައްޔިތެއްކަމުގައިވުން.
- ބުއްދި ސަލާމަތުން ހުރުން.
- އުމުރުން 35 (ތިރީސް ފަހެއް) އަހަރު ފުރިފައިވުން.
- އިސްލާމްދީނުގައި ޙައްދެއް ކަނޑައެޅިފައިވާ ކުށެއް، ނުވަތަ ޚިޔާނާތުގެ ކުށެއް، ނުވަތަ ރިޝްވަތުގެ ކުށެއް ކުރިކަން ޝަރީޢަތަށް ސާބިތުވެފައިވާ މީހަކު ކަމުގައި ނުވުން.
- ދައުލަތުގެ އިދާރާއަކަށް ދައްކަންޖެހިފައިވާ ފައިސާއެއް އޮވެ، ކަނޑައަޅާފައިވާ ގޮތުގެމަތިން ދައްކަމުންނުދާ މީހަކު ކަމުގައި ނުވުން.
- ޖިނާއީ ކުށެއް ސާބިތުވެ ޙުކުމް ތަންފީޛުކުރަމުންދާ މީހަކުކަމުގައި ނުވުން.
- ޤާނޫނުއަސާސީގެ ދަށުން ނުވަތަ ޤާނޫނެއްގެ ދަށުން އިންތިޚާބުކުރެވޭ ނުވަތަ ޢައްޔަންކުރެވޭ މަޤާމެއް، ނުވަތަ ސިޔާސީ މަޤާމެއް ފުރަމުންދާ މީހަކު ކަމުގައި ނުވުން.
|
|
މައިގަނޑު މަސްއޫލިއްޔަތުތަކާއި ވާޖިބުތައް:
|
- 'ނޫސްވެރިކަމުގެ އިނާމް 2022' ގެ އެވޯޑަށް ނަން ހުށަހެޅި ފަރާތްތަކުގެ ލިޔުންތެރިކަމުގެ އެޕްލިކޭޝަންތައް އިވެލުއޭޓްކޮށް މާކްސް ދީ ނިމުމުން ކައުންސިލަށް ރިޕޯޓް ހުށަހަޅަންވާނެއެވެ.
- ކައުންސިލުން ހަވާލުކުރެވޭ އެޕްލިކޭޝަންތައް އިވެލުއޭޓްކޮށް ނިމުމުން ކައުންސިލަށް އަނބުރާ ރައްދުކުރަންވާނެއެވެ.
- ފެންވަރުބަލައި މަސައްކަތް ވަޒަންކޮށް ފަނޑިޔާރުން މާކުސް ދެއްވުމުގައި ނަޒާހާތްތެރިކަމާއި ތެދުވެރިކަމާއި، ހަމަހަމަކަމާއި އެކު ހަޤީގަތާއި އެއްގޮތައް އިންސާފުވެރިކަމާއި އެކު މިންކުރުން.
- އިނާމަށް އެދި ހުށަހަޅާފައިވާ ފޯމުތަކާއި ލިއުންތައް ކައުންސިލުން ކަނޑައަޅާ މުއްދަތެއްގެ ތެރޭގައި ނިންމަންވާނެއެވެ.
- އިނާމަށް ހުށަހެޅި ފަރާތްތަކުގެ ހުށަހެޅުންތައް އިވެލުއޭޓްކޮށް ނިމޭތާ 10 ދުވަސް ތެރޭގައި "ފަނޑިޔާރުންގެ ރިޕޯޓް" ކައުންސިލަށް ހުށަހަޅަންވާނެއެވެ. މި ރިޕޯޓުގައި ކަންކޮށްފައިވާގޮތާއި ދިމާވި ދަތިތަކާއި ކުރިއަށް އޮތްތަނުގައި ރަނގަޅުކުރާނެ ކަންކަން ހިމަނަންވާނެއެވެ.
|
|
ހުށަހަޅަންޖެހޭ ލިޔުންތައް:
|
- ފުރިހަމަ ކޮށްފައިވާ ވަޒީފާއަށް އެދޭ ފޯމު. މޯލްޑިވްސް މީޑިއާ ކައުންސިލުގެ ވެބްސައިޓުންނާއި (www.mmc.org.mv) ކައުންޓަރުން ލިބެންހުންނާނެއެވެ.
- ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
- ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
- ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ (ރާއްޖޭގެ މަރުކަޒަކުން ހޯދާފައިވާ ސެޓްފިކެޓެއްނަމަ އެކްރިޑިޓް ނުވަތަ ވެލިޑޭޓް ކުރާކަށް ނުޖެހޭނެއެވެ. ނަމަވެސް ރާއްޖެއިން ބޭރު މަރުކަޒަކުން ނަމަ އެކްރިޑިޓް ނުވަތަ ވެލިޑޭޓް ކުރަން ޖެހޭނެއެވެ)
- ލިބިފައިވާ ތަޖުރިބާތަކުގެ ރެފެރަންސް ސިޓީގެ ކޮޕީ.
|
|
އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:
|
ތައުލީމް (%40)
ތަޖުރިބާ (%60)
|
|
އެދެންވީގޮތާއި ސުންގަޑި:
|
މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ (22 މެއި 2023) ގެ (13:00) ގެ ކުރިން، މޯލްޑިވްސް މީޑިއާ ކައުންސިލް (ގ. ބިއްލޫރިޖެހިގެ، 2 ވަނަ ފަންގިފިލާ، މަޖީދީމަގު) އަށެވެ. ވަޒީފާއަށް އެދޭ ފޯމާއި ލިޔުންތައް އީ-މެއިލް [email protected] މެދުވެރިކޮށް ވެސް ބަލައިގަނެވޭނެއެވެ. (އީމެއިލް މެދުވެރިކޮށް ފޮނުވާ އެޕްލިކޭޝަން ފޯމުތައް އޮފީހަށް ލިބުނުތޯ ޔަޤީން ކުރުމަކީ އެޕްލިކޭޝަން ހުށައަޅާ ފަރާތުގެ ޒިންމާއެކެވެ.
ނޯޓް: އީ މެއިލް މެދުވެރިކޮށް ފޮނުވާ ލިޔެކިއުންތައް އެއް ފައިލެއްގައި (ލިޔެފައިވާ ލިޔުންތައް ކިޔަންއެނގޭ ގޮތަށް) ޕީޑީއެފް (PDF) ފޯމެޓްގައި މެއިލް ކޮށްދެއްވުން އެދެމެވެ.
|
|
މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3003995 ނަންބަރު ފޯނާއެވެ.
އީ-މެއިލް ކުރާނީ [email protected]އަށެވެ.
|
