`          

މާޅޮސްމަޑުލު ދެކުނުބުރީ ކުޑަރިކިލު ކައުންސިލްގެ އިދާރާ

ކުޑަރިކިލު، ދިވެހިރާއްޖެ

Secretariat of the Kudarikilu Council, South Maalhosmadulu

Kudarikilu, Rep of, Maldives

  (IUL)313-MI/313/2023/16 : ނަންބަރު

އިޢުލާން  

ގެސްޓްހައުސްގެ ވިޔަފާރިކުރުމަށްޓަކައި މާޅޮސްމަޑުލު ދެކުނުބުރީ ކުޑަރިކިލުގެ އުތުރުފަރާތުން 3 ބިން 50 އަހަރަށް ކުއްޔަށްދިނުމާއި ގުޅޭ

މާޅޮސްމަޑުލު ދެކުނުބުރީ ކުޑަރިކިލުގެ އުތުރުފަރާތުން 3 ބިން، 50 އަހަރަށް ކުއްޔަށް ދިނުމަށް ހުޅުވާލަމެވެ. މީގެ ތެރޭގައި ހިމެނެނީ 513.6 އަކަމީޓަރުގެ ބިމަކާއި، 509.7 އަކަ މީޓަރުގެ ބިމަކާއި އަދި 437.4 އަކަމީޓަރުގެ ބިމެކެވެ. މި ބިންތައް ދިނުމަށް ހަމަޖެހިފައިވަނީ ބިޑުފޮތް ވިއްކައިގެންނެވެ. ބިޑުފޮތް ވިއްކާނީ  07 މާރޗް 2023 އިން 30 މާރޗް 2023 އަށް ސަރުކާރު ބަންދުނޫން ކޮންމެ ދުވަހެއްގެ ހެންދުނު 9:00 އިން 14:00 އަށް މާޅޮސްމަޑުލު ދެކުނުބުރީ ކުޑަރިކިލު ކައުންސިލްގެ އިދާރާއިންނެވެ. ބިޑުފޮތުގެ އަގަކީ، ދިވެހި ކުންފުންޏެއް ނަމަ 1500ރ (ފަނަރަސަތޭކަ ރުފިޔާ) އެވެ. ރާއްޖެއިން ބޭރުގެ ފަރާތްތަކަށް ވިއްކާ އަގަކީ 3000ރ (ތިންހާސް ރުފިޔާ) އެވެ. ބިޑު ކުރާ ހުރިހާ ފަރާތްތަކުންވެސް 150،000ރ (އެއްލައްކަ ފަންސާސްހާސް ރުފިޔާ) ގެ ބިޑު ސެކިއުރިޓީއެއް ހުށަހަޅަންވާނެއެވެ. މި ބިޑު ސެކިއުރިޓީއަކީ، ރާއްޖޭގައި ހިންގާ ބޭންކަކުން ނުވަތަ ސަރުކާރުން ޤަބޫލުކުރާ ފައިނޭންޝަލް އިންސްޓްޓިއުޝަނަކުން ދޫކުރެވިފައިވާ، ބިޑު ހުޅުވާ ތާރީހުން ފެށިގެން 150 (ސަތޭކަ ފަންސާސް) ދުވަހުގެ މުއްދަތަށް ސައްހަކަން ދެމިއޮންނާނެގޮތަށް ދޫކޮށްފައިވާ ބިޑު ސެކިއުރިޓީއަކަށް ވާންވާނެއެވެ. ބިޑް ކާމިޔާބު ކުރެވިއްޖެނަމަ ބިން ކުއްޔަށް ލިބިގަތުމުގެ ފީ އެއްގެ ގޮތުން އެންމެ މަދުވެގެން 300،000ރ (ތިންލައްކަ ރުފިޔާ) ކައުންސިލްއަށް ދައްކަންޖެހޭނެއެވެ.

މިއީ ނޫނުން ނުވަތަ ގަވާއިދުން ނުވަތަ އެއްބަސްވުމުގެ ދަށުން ދައްކަންޖެހޭ އެހެން ހުރިހާ ފީއަކާއި އަގަކާއި ފައިސާއެއްގެ އިތުރުން ހުށަހަޅާ ފީއެކެވެ. ކައުންސިލްގެ އަމިއްލަ އިޚްތިޔާރުގައި ނުވަތަ ބިޑް ހުށަހަޅަން ބިޑް ފޯމް ގަނެފައިވާ ފަރާތަކުން ސާފުކުރަން އެދޭ މަޢުލޫމާތަކާ ގުޅިގެން ނުވަތަ އެނޫންވެސް ސަބަބަކާހުރެ ބިޑް ޑޮކިއުމަންޓަށް، 20  މާރޗް 2023 ވަނަ ދުވަހުގެ މެންދުރުފަހު 13:30 ގެ ކުރިން، އިޞްލާޙު ގެނައުމުގެ ފުރިހަމަ އިޚްތިޔާރު، ކައުންސިލަށް ލިބިގެންވެއެވެ. ކައުންސިލުން ބިޑް ޑޮކިއުމަންޓަށް ގެންނަ ކޮންމެ އިޞްލާޙެއްވެސް، ބިޑް ޑޮކިއުމަންޓް ގަނެފައިވާ ހުރިހާ ފަރާތްތަކަށް ފޯރުކޮށްދެވޭނެއެވެ.

           ބީލަންތައް ހުށަހަޅަންވާނީ ބަންދުކޮށްފައިވާ ސިޓީއުރައެއްގައި، ބިޑްގެ 1 އޮރިޖިނަލް އޮންނަ ގޮތަށެވެ. އެ ސިޓީއުރައިގައި ކައުންސިލްގެ އިދާރާގެ ފުރިހަމަ އެޑްރެސް އޮންނަންވާނެއެވެ. އަދި އަންނަނިވި ޢިބާރާތް ސިޓީއުރައިގައިގެ  ބޭރުގައި ފުރިހަމައަށް ލިޔެފައި އޮންނަންވާނެއެވެ ." ޓޫރިސްޓް ގެސްޓްހައުސް ހެދުމަށްޓަކައި ބިން ކުއްޔަށް ހިފުމަށް ހުށަހަޅާ ބިޑް، 09 އޭޕްރިލް 2023 ".  ސިޓީއުރައިގެ ބޭރުގައި، ބިޑް ހުށަހަޅާ ފަރާތުގެ ނަމާއި އެޑްރެސް ލިޔެފައި އޮންނަންވާނެއެވެ. އަދި ސިޓީއުރައިގެ ކަނާތްފަރާތު މަތީކަނުގައި ބިޑްގެ ސީރިއަލް ނަންބަރު ލިޔެފައި އޮންނަންވާނެއެވެ.

           މިހެންވެ މިކަން އާންމުކޮށް އެންގުމަށްޓަކައި އިޢުލާން ކުރީމެވެ.

              14 ޝައުބާން  1444

             06  މާރޗް   2023