ހަވިއްތަ ސަރަހައްދު ތަރައްޤީކުރުމަށް، ބޮޑުތަކުރުފާނުމަގު އަދި ހަތްތެލިމަގު ގުޅޭ ސަރަހައްދުގެ ދެކުނުފަރާތުން އިމާރާތްކުރާ (ފުނަވައްތި މާލަމް)، ސަރަހައްދުގައި ހުރި ރުއްގަހުގެ ބަދަލުމައްސަލަ ނިންމުމަށް އެ ރުއްގަހުގެ ވެރިން ހޯދުމަށްޓަކައި، އެ ބިމުގައިހުރި ރުއްގަހުގައި މިހާރުވާނީ ކަޅުކުލައިގެ ދަވާދުން، 01R- އަދި 01H- އިން 12H- އަށް، (އިނގެރޭސި އަދި ހިސާބް އަކުރުން) ނަމްބަރު ޖަހާފައެވެ.

           ވީމާ، މަތީގައި ބަޔާންކޮށްފައިވާ ރުއްގަހުގެ ވެރިން، އެރުއްގަހުގައިވާ ނަންބަރު ނޯޓުކުރުމަށްފަހު 26 ޖަނަވަރީ 2023 ވާ ބުރާސްފަތި ދުވަހުގެ 12:00ގެ ކުރިން މި ކައުންސިލަށް ސިޓީއަކުން ހުށަހެޅުއްވުން އެދެމެވެ. އަދި އެތަނުގައިހުރި ނަގައިގެން ގެންދެވޭފަދަ ރުއްގަހާއި، ތަކެތި މިދެންނެވި މުއްދަތުގެތެރޭގައި ނެންގެވުމަށް ދަންނަވަމެވެ. ދަންނަވާފައިވާ ތާރީޚުގެ ފަހުން، ހުށަހަޅާ ރުއްގަހުގެ ސިޓީތަކަށް ބަދަލުދެވޭނީ ޝަރުޢީ ކޯޓެއް މެދުވެރިކޮށް ކަމުގައި ދަންނަވަމެވެ.