ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު، ކްލައިމެޓް އިމަރޖެންސީ ބިލު ތަޞްދީޤުކުރެއްވުމާ ގުޅިގެން، ޤާނޫނު ނަންބަރު:9/2021 (ކްލައިމެޓް އިމަރޖެންސީ ޤާނޫނު) ގެ 16 ވަނަ މާއްދާގެ (ހ) ގެ ދަށުން ކްލައިމެޓް ޗޭންޖް ޑައިރެކްޓަރޭޓް ނަމުގައި ޑިޕާޓްމަންޓް ފެންވަރުގައި މި މިނިސްޓްރީގެ ދަށުން އޮފީހެއް އުފެއްދުމަށް ކަނޑައަޅާފައިވާތީވެ، މިނިސްޓްރީ އޮފް އެންވަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގެ ކްލައިމެޓް ޗޭންޖް ޑިޕާޓްމަންޓަކީ މިއަދުން ފެށިގެން ކްލައިމެޓް ޗޭންޖް ޑައިރެކްޓަރޭޓް ކަމުގައި މިނިސްޓަރ އޮފް އެންވަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ ހަމަޖައްސަވާފައިވާތީވެ، އެކަން ޢާއްމުކޮށް އަންގާ އިޢުލާނު ކުރަމެވެ.