ދިވެހިރާއްޖެ
ދުނިޔޭގެ ފެނުގެ ދުވަސް ( 22 މާރިޗް ) ކުލަގަދަކޮށް ފާހަގަކުރުމުގެ ގޮތުން ބޭއްވުމަށްހަމަޖެހިފައިވާ "ވޯޓަރ ރަން" ގެ އިވެންޓް މެނޭޖްކުރާނެ ފަރާތެއް ހޯދުމަށް
ދުނިޔޭގެ ފެނުގެ ( 22 މާރިޗް ) ކުލަގަދަކޮށް ފާހަގަކުރުމުގެ ގޮތުން ބޭއްވުމަށްހަމަޖެހިފައިވާ "ވޯޓަރ ރަން" އަމިއްލަ ތަކެތީގައި އަދި ސްޕޮންސަރޝިޕް މެދުވެރިކޮށް ލިބޭ ފައިނޭންސްގެ އެހީގައި އިވެންޓް މެނޭޖްކުރާނެ ފަރާތެއް ހޯދުމަށް އާއްމުކޮށް އިޢުލާންކުރަމެވެ.
މި މަސައްކަތްކުރުމަށް ހޮވޭފަރާތަކާއިއެކު ކޮންޓްރެކްޓް ކުރެވޭނީ 4 އަހަރުގެ މުއްދަތަކަށެވެ.
އިވެންޓުމެނޭޖްކުރާ ފަރާތުގެ ކިބައިގައި ހުންނަންވާ ޝަރުތުތަކުގެ ތެރޭގައި:
(ހ) އިންޓަރނޭޝަނަލް ނުވަތަ ނެޝަނަލް ލެވެލްގައި މަދުވެގެން 3000 މީހުން ހިމަނޭ ގޮތަށް މިފަދަ " ރަން " ތައް ކުލަގަދަކޮށް ރާވާ ހިންގުމުގެ ތަޖްރިބާ ހުރުން
(ށ) އިވެންޓް މެނޭޖްކުރުމަށްޓަކައި ޓެކްނިކަލް ކެޕޭސިޓީ (އެކިއެކި ފަންނީ މީހުންގެ) ހުރުން
ބީލަން އިވެލުއޭޓްކުރާނެ ގޮތުގެ ތަފްސީލް:
(ހ) މަދުވެގެން 3000 މީހުންނަށް އަމާޒުކޮށްގެން އިންޓަރނޭޝަނަލް ނުވަތަ ނެޝަނަލް ލެވެލްގައި މިފަދަ ރަންއެއް ރާވައި ހިންގާފައިވާ ފަރާތްތަކަށް – ޖުމްލަ 50 މާރކްސް ( ހިންގާފައިވާ ކޮންމެ އިވެންޓަކަށް 10 މާރކްސް ލިބޭނެގޮތަށް)
(ށ) އިވެންޓް މެނޭޖްކުރުމަށްޓަކައި ޓެކްނިކަލް ކެޕޭސިޓީ (އެކިއެކި ފަންނީ މީހުންގެ) ހުރުން - ޖުމްލަ 30 މާރކްސް (މަދުގެން އިވެންޓް މެނޭޖްކުރުމުގައި މާކެޓިންގ، ޖެނެރަލް މޭނެޖްމަންޓް، ސޭލްސް، ސަޕޯރޓް ޓީމް އެކުލެވިފައިވާ ނަމަ 20 މާރކްސް ލިބޭނެގޮތަށް )
(ނ) ފެނުގެ ދުވަހުގެ " ރަން " ކުރިއަށްގެންދިޔުމަށްޓަކައި ހުށަހަޅާ ކޮންސެޕްޓް އަދި މެތޮޑޮލޮޖީ (ހުށަހަޅާ ކޮންސެޕްއަކީ އިނޮވޭޓިވް އަދި އައު ހިޔާލެއް ނަމަ 20 މާރކްސް ލިބޭނެގޮތަށް )
ހުށަހަޅަންޖެހޭ ލިޔުންތައް:
- މަސައްކަތަށް އެދި ހުށަހަޅާ ފަރާތުގެ ޕްރޮފައިލް
- ވިޔަފާރީގެ ރެޖިސްޓްރޭޝަން ސެޓްފިކެޓްގެ ކޮޕީ އަދި ޖީ.އެސް.ޓީ ސެޓްފިކެޓްގެ ކޮޕީ
- ވޭދުވެދިޔަ 05 އަހަރު އިންޓަރނޭޝަނަލް ނުވަތަ ނެޝަނަލް ލެވެލްގައި ކުރިއަށްގެންދިޔަ މިފަދަ ރަންތަކުގެ ތަފްސީލް( ކްލައިންޓް، ބައިވެރިންގެ އަދަދު، އިވެންޓް ބޭއްވި އަހަރު )
- ފެނުގެ ދުވަހުގެ އިވެންޓް ކޮންސެޕްޓް އަދި މެތޮޑޮލޮޖީ
ސުންގަޑި:
ޝައުޤުވެރިވާ ފަރާތްތަކުން 05 ޖަނަވަރީ 2020 ވަނަ ދުވަހުގެ 12:00 ގެ ކުރިން، ޕްރޮޕޯސަލް ތިރީގައިވާ އެޑްރެހަށް ބަންދުކުރެވިފައިވާ ސިޓީއުރައެއްގައި ހުށައެޅުއްވުން އެދެމެވެ. އަދި ޕްރޮޕޯސަލްތައް ހުޅުވާނީ 5 ޖަނަވަރީ 2020ވަނަ ދުވަހުގެ 12:00 ޖަހާ އިރު އެ މީޓިންގައި ބައިވެރިވާން ބޭނުންވާ ބޭފުޅުންގެ ކުރިމަތީގައެވެ.
ޕްރޮޕޯސަލް ފޮނުވަންޖެހޭ އެޑްރެސް:
މިނިސްޓްރީ އޮފް އެންވަޔަރަންމަންޓް
ހަނދުވަރީ ހިނގުން،މާފަންނު، މާލެ، 20392، ދިވެހިރާއްޖެ
މާފަންނު، ހަނދުވަރީ ހިނގުން
ފޯނު ނަންބަރު: 3018446
ޕްރޮޕޯސަލް ހުށަހަޅަންވާނީ ބަންދު ކުރެވިފައިވާ ސީޓީ އުރައެއްގައެވެ.