މަޤާމު

ސީނިއަރ މެނޭޖަރ

ބޭނުންވާ ޢަދަދު

01

ވަޒީފާގެ ބާވަތް

 01 އަހަރު ދުވަހުގެ ކޮންޓްރެކްޓް (03 މަސް ޕްރޮބޭޝަން) 1 އަހަރު ދުވަހުގެ ކޮންޓްރެކްޓް ފުރިހަމަކުރުމުން ދާއިމީ ކުރެވޭނެއެވެ

ވަޒީފާ އަދާކުރަންޖެހޭ ތަން:

 ޕްރޮކިއުމަންޓް ޑިޕާރޓްމަންޓް /މިފްކޯ ހެޑް އޮފީސް

މުސާރަ

  ރުފިޔާ15,500.00  

އިތުރު ޢިނާޔަތްތައް:

އެގްޒެކެޓިވް އެލަވަންސް:  8,250.00    ރުފިޔާ

ސީނިއަރ ސްޓާފް އެލަވަންސް:  8,250.00    ރުފިޔާ

ޝަރުޠު:

ޖީ.ސީ.އީ އޯ ލެވެލް ހާސިލްކޮށްފައިވުން.

ދިވެހިރާއްޖޭގެ ޤައުމީ ސަނަދުގެ އޮނިގަނޑު ލެވެލް 7 ނުވަތަ 8 ގެ ސެޓްފިކެޓް ހާސިލްކޮށްފައިވުން.

މަގާމާގުޅޭ ދާއިރާއަކުން މަދުވެގެން 01 އަހަރު ދުވަހުގެ ތަޖުރިބާ ލިބިފައިވުން.

އަދި މީގެ އިތުރުން އިންޓަރވިއުގައި މި މަސައްކަތަށް ގާބިލްމީހެއްކަން ސާބިތުކޮށްދިނުން.

މަޤާމުގެ މަސްޢޫލިއްޔަތު:

• އޮޕަރޭޝަނަލް އަދި ޕްރޮޑަކްޝަން ބޭނުންތަކާ އެއްގޮތަށް، މުދާ ހޯދުމަށް ހުށަހަޅާ ރިކުއިޒިޝަންތަކާއި، ޕާޗޭސް އޯޑަރުތައް ލަސްނުކޮށް ކުރިއަށް ގެންދިއުމާއި، މުދާ ލިބެންޖެހޭ ވަގުތަށް ލިބޭކަން ކަށަވަރުކޮށް ދުވަހުން ދުވަހަށް ކުރަންޖެހޭ މަސައްކަތްތައް މެނޭޖްކުރުން.
• ރާއްޖެއާއި ބޭރުގައުމުތަކުން މުދާ ހޯދުމުގެ މަސައްކަތްތައް ސުޕަވައިޒްކުރުން؛ މީގެ ތެރޭގައި މުދާ ގަންނާނެ ފަރާތްތައް ހޯދުމާއި، ކޯޓޭޝަންތައް އިވެލުއޭޓްކުރުމާއި، އަގު މުާމަލާތްކުރުމާއި، އޯޑަރު ދިނުމުގެ އިތުރުން މުދާ ލިބެންދެން ކުރަންޖެހޭ ފޮލޯއަޕްތައް ހިމެނެއެވެ.
• ކަމާގުޅޭ ދާއިރާތަކާ ގުޅިގެން ޕްރޮކިއުމަންޓް ޕްލޭންތަކާއި ބަޖެޓް ތައްޔާރުކުރުމާއި، ޚަރަދުތައް މޮނިޓަރކުރުމުގެ އިތުރުން، އޮޕަރޭޝަނަލް ބޭނުންތަކަށާއި ކަނޑައެޅިފައިވާ ބަޖެޓަށް ރިއާޔަތްކޮށް އިސްކަންދޭންޖެހޭ ކަންކަން ތަރުތީބުކުރުން.
• މުދާ ފޯރުކޮށްދޭ ފަރާތްތަކާ އެކު ގުޅުން ގާއިމުކޮށް ދެމެހެއްޓުމާއި، އެފަރާތްތަކުގެ މަސައްކަތުގެ ފެންވަރު ވަޒަންކުރުމާއި، އެންމެ ފައިދާހުރި އަގުތަކާއި ފައިސާ ދައްކާނެ ގޮތްތަކާ މެދު އެއްބަސްވުމާއި، އަދި ކޮންޓްރެކްޓްގެ އުސޫލުތަކަށް އަމަލުކުރޭތޯ ބެލުން.
• ބޭރުން ގެންނަ މުދާ ފޮނުވުމާއި، ފްރައިޓް ފޯވާޑިންގ، ޝިޕިންގ ތާވަލުތައް ބެލެހެއްޓުމާއި، ކަސްޓަމްސް ކްލިއަރެންސްގެ މަސައްކަތްތަކާއި ސަރުކާރުގެ ކަމާބެހޭ އިދާރާތަކުން ހޯދަންޖެހޭ ހުއްދަތައް ވިލަރެސްކޮށް، މުދާ ގަޑިއަށް ލިބޭނެކަން ކަށަވަރުކުރުން.
• މުހިންމު މުދަލުގެ ސްޓޮކް ހުރި މިންވަރު ބެލުމާއި، އަލުން އޯޑަރު ކުރަންޖެހޭ މިންވަރުތައް ކަނޑައަޅައި މުރާޖައާކުރުމުގެ އިތުރުން، މުދާ ހުސްވިޔަނުދީ މަސައްކަތްތައް މެދުނުކެނޑި ކުރިއަށް ގެންދިއުމަށްޓަކައި އޮޕަރޭޝަނަލް އަދި ޕްރޮޑަކްޝަން ޓީމުތަކާ ގުޅިގެން މަސައްކަތްކުރުން
• ޓެންޑަރ ކުރުމުގެ މަރުހަލާތައް ވިލަރެސްކުރުމާއި، ޕްރޮކިއުމަންޓާ ގުޅޭ ލިޔެކިޔުންތައް ތައްޔާރުކޮށް މުރާޖައާކުރުމާއި، ބިޑް އިވެލުއޭޝަންގެ ކަންކަން ބެލެހެއްޓުމާއި، ކޮމިޓީ ބައްދަލުވުންތައް އިންތިޒާމުކުރުމުގެ އިތުރުން ބޭނުންވާ ހުއްދަތައް ހޯދުމަށް ރިކޮމެންޑޭޝަންތައް ހުށަހެޅުން.
• ޕްރޮކިއުމަންޓްގެ ހުރިހާ ހަރަކާތްތަކެއް ކުންފުނީގެ ސިޔާސަތުތަކާއި، ގާނޫނީ އުސޫލުތަކާއި، ކަނޑައެޅިފައިވާ ހުއްދަތަކުގެ އިމުގެ ތެރެއިން ކުރިއަށްދާކަން ކަށަވަރުކުރުމާއެކު، ޕްރޮކިއުމަންޓާއި ސަޕްލައި ޗެއިންއާ ގުޅުންހުރި ނުރައްކާތައް ދެނެގަނެ، އެކަންކަން ހައްލުކުރުމަށް ފިޔަވަޅު އެޅުން.
• ޕްރޮކިއުމަންޓް މުވައްޒަފުންގެ މަސައްކަތްތައް ސުޕަވައިޒްކުރުމާއި، މަސައްކަތްތައް ބަހާލުމާއި، ފެންވަރު ބެލުމުގެ އިތުރުން، ޕްރޮކިއުމަންޓް ބޭނުންތައް ފުއްދުމަށްޓަކައި ފައިނޭންސް، އޮޕަރޭޝަންސް، ޕްރޮޑަކްޝަން އަދި އެހެނިހެން ދާއިރާތަކާ ގުޅިގެން މަސައްކަތްކުރުން.

• ޕްރޮކިއުމަންޓް ރިޕޯޓްތައް ތައްޔާރުކުރުމާއި، އަވަސް ބޭނުންތަކާއި ސަޕްލަޔަރުންނަށް ފައިސާ ދެއްކުމުގައި ހުރި މައްސަލަތައް ފާހަގަކޮށް ހައްލު
• ހުށަހެޅުމާއި، އަދި ޖެނެރަލް މެނޭޖަރ - ޕްރޮކިއުމަންޓް ދެއްވާ އިރުޝާދުތަކާއި ޕްރޮކިއުމަންޓް ސްޓްރެޓެޖީތައް ތަންފީޒުކުރުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލެވޭނެ ކަންތައް:

ހ. މަސައްކަތުގެ ދާއިރާއިން ލިބިފައިވާ ތަޖުރިބާއަށް ބަލައިގެން.

ށ. ޤާބިލުކަން ކަށަވަރުކުރުމަށް އިންޓަރވިއު ކުރުން.

އިންޓަރވިއުކުރުން:

އިންޓަރވިއުއަށް ދަޢުވަތު ދެވޭނީ ވަޒީފާއަށް ކުރިމަތިލާ ފަރާތްތަކުގެ ތެރެއިން ޝޯޓްލިސްޓް ކުރެވޭ ފަރާތްތަކަށެވެ.

ހުށަހަޅަންޖެހޭ ލިޔެކިޔުންތައް:

ހ- ދިވެހި ރައްޔިތެއްކަން އަންގައިދޭ ކާޑުގެ މުއްދަތު ހަމަނުވާ  ސާފު ކޮޕީ (ދެފުށް ފެންނާނޭހެން).

ށ. ލިބިފައިވާ ތަޢުލީމާއި ތަމްރީން ދެނެގަތުމަށް ބޭނުންވާ ލިޔެކިޔުންތަކާއި އަދި މަސައްކަތުގެ ތަޖްރިބާ ދެނެގަތުމަށް މަސައްކަތް ކޮށްފައިވާ އިދާރާތަކުން ދޫކޮށްފައިވާ ލިޔުންތައް.

ނ- ވަޒީފާއަށް އެދޭ ފަރާތުގެ ވަނަވަރު / ސީ.ވީ (ގުޅޭނެ ފޯންނަމްބަރާއި އަދި އީމެއިލް އެޑްރެސް ހިމެނޭގޮތަށް)

ރ- ވަޒީފާއަށް އެދި ހުށަހަޅާ ސިޓީ.

ބ- ޕޮލިސްރިޕޯޓް.

ތަކެތި ހުށަހަޅަންޖެހޭ އޮފީސް:

• ވަޒީފާއަށް އެދި ހުށަހަޅުއްވާނީ މިފްކޯ ހެޑްއޮފީސް ރިސެޕްޝަން އަށް ނުވަތަ

  އީމެއިލް ކުރައްވާނީ  [email protected] އަށެވެ.

• ވަޒީފާއަށް އެދި ހުށަހަޅަންޖެހޭ ސުންގަޑިއަކީ  27 އޮކްޓޯބަރ   2026 ވަނަ ދުވަހު މެންދުރު  12:00 ގެ ކުރިންނެވެ.
• މިމަޤާމަށް ޝަރުތު ފުރިހަމަނުވާ ފަރާތްތަކުގެ ފޯމުތަކާއި ހުށަހަޅަންޖެހޭ ލިޔުންތައް ފުރިހަމަނުވާ ފޯމުތައް ބާތިލްކުރެވޭނެއެވެ.

 ނޯޓް: މިއިޢުލާނާ ގުޅިގެން މިމަޤާމަށް ކުރިމަތިލާ ފަރާތްތަކުގެ ތެރެއިން ޝަރުޠުހަމަވާ ފަރާތްތައް އިންޓަރވިއުކުރުމަށްފަހު އެންމެ މަތީމާކުސް ލިބޭ އަދި އެންމެ ޤާބިލުކަމަށް ފެންނަ ފަރާތަކަށް މިވަޒީފާ ހަމަޖައްސައިދެވޭނެއެވެ. މި އިޢުލާނާ ގުޅިގެން އިތުރު މަޢުލޫމާތު ހޯއްދެވުމަށް  3323932ފޯނަށް ގުޅުއްވުން އެދެމެވެ.