އަންދާސީހިސާބު ހުށަހެޅުއްވުމުގެ ދަޢުވަތު

އެފް.އެސް.އެމް ކ.ތިލަފުށި ބޯޓުޔާޑުގައި މަސައްކަތްކުރާ މުވައްޒަފުން ދިރިއުޅުމަށާއި، ގުދަނެއްގެ ގޮތުގައި ބޭނުންކުރުމަށް، ބިނާކުރުމަށް ހަމަޖެހިފައިވާ ފަސްބުރީގެ އައު ޢިމާރާތް ބިނާކުރުމުގެ މަސައްކަތް ފެށްޓުމުގެ ކުރިން އަންނަނިވި މަސައްކަތް ކޮށްދެއްވާނެ ފަރާތެއް ހޯދުމަށް ބޭނުންވެއެވެ.

• 3750 އަކަފޫޓު ސަރަޙައްދުގެ ބިންގަނޑު 12 ފޫޓު ފުންމިނަށް ކޮނެ، ކުނިބުނި ނަގައި، ތަން ސާފުކޮށް، ކުނިތައް އުކާލުން
• ބިމުގެ ލެވެލަށްވުރެ 1 ފޫޓު އުސްކޮށް، ކޮންނަ ތަނަށް އަލުން ރީތި ފަސް އަޅައި، ފަސްގަނޑު ބާރުކޮށް ލެވެލްކުރުން

ވީމާ، މި މަސައްކަތްތައް ކޮށްދެއްވުމަށް ޝައުޤުވެރިވެވަޑައިގަންނަވާ ފަރާތްތަކުން 2016 ނޮވެންބަރު 6 ވާ އާދީއްތަދުވަހުގެ 11:00 އަށް، އެސްޓީއޯ އައިފާނު ބިލްޑިންގގެ 4 ވަނަ ފަންގިފިލާގައި ހުންނަ މިކުންފުނީގެ މައިއޮފީހަށް ވަޑައިގެން މަޢުލޫމާތު ސާފުކުރެއްވުމަށްފަހު، 2016 ނޮވެންބަރު 14 ވާ ހޯމަދުވަހުގެ 11:00 އަށް އަންދާސީހިސާބު ހުށަހެޅުއްވުން އެދެމެވެ.

ގަޑިއަށް ވަޑައިނުގަންނަވާ ފަރާތްތަކާއި، މަޢުލޫމާތު ދިނުމުގެ ބައްދަލުވުމަށް ވަޑައިނުގަންނަވާ ފަރާތްތަކުގެ އަންދާސީހިސާބު ބަލައިނުގަނެވޭނެ ވާހަކަވެސް ދެންނެވީމެވެ.

އިތުރު މަޢުލޫމާތު ހޯއްދެވުމަށް 3331453 ނުވަތަ 3331457 ނަންބަރު ފޯނަށް ގުޅުއްވުން އެދެމެވެ. ނުވަތަ [email protected] އަށް އީމެއިލް ކުރެއްވުން އެދެމެވެ.