އިޢުލާން

ޓްރެއިނިންގ ހިންގައިދޭނެ ފަރާތެއް ހޯދުން   

މި އޮތޯރިޓީގެ މުވައްޒަފުންނަށް ތިރީގައިވާ މައުޟޫޢުތަކަށް ކުރުމުއްދަތުގެ ތަމްރީނު ޕްރޮގްރާމް ހިންގައިދޭނެ ފަރާތެއް ހޯދުމަށް ކުރެވުނު ނަންބަރު (IUL)450-CA/1/2016/16 އިޢުލާނުގެ ސުންގަޑިއަށް ޕްރޮޕޯޒަލް ހުށަހަޅާފައިވަނީ 2 ފަރާތުންކަމަށްވާތީ، އެ އިޢުލާން ބާޠިލުކޮށް، އަލުން އެ ފުރުޞަތު ހުޅުވާލަމަވެ. ވީމާ، ތިރީގައިވާ މައުޟޫޢުތަކަށް ކުރުމުއްދަތުގެ ތަމްރީނު ޕްރޮގްރާމް ހިންގައިދޭނެ ނުވަތަ އެ މައުޟޫޢުތަކަށް މިހާރުވެސް ހިންގަމުންދާ ޓްރެއިނިންގ ޕްރޮގްރާމްތަކުގައި މި އޮތޯރިޓީގެ މުވައްޒަފުން ބައިވެރިކޮށްދޭނެ ފަރާތެއް ހޯދަން ބޭނުންވެއެވެ.

• Formal language (English) Written & spoken
• Presentation skills with Body Language
• Report Writing Skills
• Research Skills (Statistical Analysis)
• Basic and Advance Photoshop & CorelDraw
• Advance Microsoft Excel & Word
• Project Management skills
• Monitoring and Evaluation Skills

ވީމާ، ތިރީގައިވާ މަޢުލޫމާތުގެ މައްޗަށް ބިނާކޮށް 31 މޭ 2016 ވަނަ ދުވަހުގެ 14:00 އަށް މި އޮތޯރިޓީއަށް ހާޒިރުވެ ޕްރޮޕޯޒަލް ހުށަހެޅުއްވުން އެދެމެވެ.

ޕްރޮޕޯޒަލް އެކުލަވާލުމުގައި ސަމާލުވާންވީ ބައެއް ނުކުތާތައް

• ކޮންމެ ޕްރޮގްރާމެއް ތައްޔާރުކޮށް ކުރިއަށް ގެންދާނެ ގޮތާއި، ތަމްރީނު ޕްރޮގްރާމް ގިނަވެގެން ހިންގާނެ މުއްދަތު ކަނޑައަޅާނީ ޕްރޮގްރާމް ހިންގާ ފަރާތުންނެވެ. ނަމަވެސް ކޮންމެ ޕްރޮގްރާމަކީ މަދުވެގެން 12 ގަޑިއިރުގެ "ކޮންޓެކްޓް އަވަރސް" ފުރިހަމަކުރާ ޕްރޮގްރާމަކަށް ވާންވާނެއެވެ. 
• ތަމްރީނު ހިންގަން ހުށަހަޅާ ފަރާތަކީ، މިފަދަ ތަމްރީނުތައް އެހެން އިދާރާތަކަށް ހިންގައިދީފައިވާ ނުވަތަ މިފަދަ ތަމްރީނުތައް ހިންގުމުގެ ޤާބިލުކަން ހުރި ފަރާތަކަށް ވާންވާނެއެވެ.
• ތަމްރީނު ޕްރޮގްރާމުގައި ކިޔަވައިދެއްވާ ފަރާތްތަކަކީ، ކަމާ ގުޅުންހުރި ދާއިރާއިން ތަޖުރިބާ ލިބިފައިވާ ނުވަތަ ތަމްރީނު ލިބިފައިވާ ފަރާތްތަކެއް ކަމުގައިވާންޖެހޭނެއެވެ.
• ތަމްރީނު ހިންގާނެ ކްލާސްރޫމާއި ޕްރޮޖެކްޓަރ އަދި ޕްރޮގްރާމާ ގުޅޭ އެހެނިހެން އިދާރީ ކަންތައްތަކުގެ އިންތިޒާމު ހަމަޖެއްސުމުގެ ހުރިހާ ޚަރަދުތަކަށް ޒިންމާވާނީ ތަމްރީނު ޕްރޮގްރާމް ހިންގާ ފަރާތުންނެވެ.
• ތަމްރީނު ފުރިހަމަކުރާ މުވައްޒަފުންނަށް ސެޓުފިކެޓެއް ދިނުން.

ޕްރޮޕޯޒަލްގައި ހިމަނަންވީ ބައިތައް:

• ޕްރޮގްރާމެއް ހިންގުމަށް ބޮލަކަށް ހުށަހަޅާ އަގު
• ޕްރޮގްރާމުގެ ކޮންޓެންޓް
• ޕްރޮގްރާމް ހިންގާނެ ގޮތުގެ ތަފުސީލު
• ޕްރޮގްރާމް ހިންގުމަށް ހުށަހަޅާ ތާރީޚުތަކާއި ވަގުތުތައް  
• ޕްރޮގްރާމް ހިންގާ ފަރާތުގެ (ފެސިލިޓޭޓަރ) ސީވީ އަދި ތަޢުލީމީ ސެޓުފިކެޓުތަކުގެ ކޮޕީ
• އަންދާސީހިސާބު ހުށަހަޅާ ކުންފުނީގެ ޕްރޮފައިލް (ރަޖިސްޓްރޭޝަން އަދި ޖީއެސްޓީ ސެޓުފިކެޓުގެ ކޮޕީއާއެކު) އަމިއްލަ ފަރާތެއްނަމަ އައި.ޑީކާޑުގެ ކޮޕީ
• މީގެ ކުރިން މިފަދަ މަސައްކަތެއް ކޮށްފައިވާނަމަ އެކަމުގެ ތަފުސީލު އެނގޭނެ ލިޔުންތައް

ޕްރޮޕޯޒަލްގައި ހިމަނަންޖެހޭނެ ބައިތަކާއި މާކްސް ދިނުމުގައި ބަލާނެ މިންގަނޑުތައް

• ތަމްރީނު ޕްރޮގްރާމްގެ ކޮންޓެންޓް - %30
• ތަމްރީނު ހިންގާ ފަރާތުގެ ކޮލިފިކޭޝަނާއި ތަޖުރިބާ - %30
• ތަމްރީނު ހިންގުމަށް ބޮލަކަށް ހުށަހަޅާ ފީ - %25
• ތަމްރީނު ހިންގަން ފެށުމަށް ހުށަހަޅާ ތާރީޚު - % 15

އިތުރު މަޢުލޫމާތު ހޯދުމަށް

ފޯން: 3010551

ފެކްސް: 3010552

އީ-މެއިލް: [email protected]

16 ޝަޢުބާން 1437