އިޢުލާން

ޢުމްރާ ދަތުރަށް ރަޖިސްޓަރީ ކުރުމަށް ހުޅުވާލުން

1437 ވަނަ އަހަރުގެ ރަމަޟާން މަހުގެ ފުރަތަމަ ދިހަދުވަހަށް ރޭވިފައިވާ ޢުމްރާ ދަތުރުގައި ދިއުމަށް އެދޭ ފަރާތްތަކުން 5 މޭ 2016 މި ތާރީޚުގެ ކުރިން ރަޖިސްޓަރީވުމަށް ފުރުޞަތު ހުޅުވާލަމެވެ. މި ޢުމްރާގެ ޖުމުލަ އަގަކީ -/25,965 ރުފިޔާއެވެ.  ޢުމްރާ ދަތުރު ކުރުމަށް ހަމަޖެހިފައިވަނީ ޖޫން 6 ން ޖޫން 16 އަށެވެ.

4 ބޭފުޅުންގެ ގްރޫޕަކުން ޢުމްރާއަށް ދާން ރަޖިސްޓަރީ ކުރައްވާނަމަ ޚާއްޞަ ޑިސްކައުންޓަކާއެކު ބޭފުޅަކަށް ދައްކަވަންޖެހޭނީ ޖުމުލަ -/24,965 ރުފިޔާއެވެ. އަދި 10 ބޭފުޅުންގެ ގްރޫޕަކުން ރަޖިސްޓަރީ ކުރައްވާނަމަ ޚާއްޞަ ޑިސްކައުންޓަކާއެކު ބޭފުޅަކަށް ދައްކަވަންޖެހޭނީ ޖުމުލަ -/24,465 ރުފިޔާއެވެ.  އަދި މީގެ އިތުރުން 12 އަހަރުން ދަށުގެ ކުދިން ހިމެނޭގޮތަށް ޢާއިލާތައް ރަޖިސްޓަރީވާނަމަ ވަރަށް ޚާއްޞަ ޑިސްކައުންޓެއް ލިބޭނެއެވެ.

ވީމާ، ޢުމްރާ ދަތުރުގައި ބައިވެރިވުމަށް އެދޭ ފަރާތްތަކުން "ޢުމްރާއަށް ދިޔުމަށް އެދި ހުށަހަޅާ ފޯމު" ފުރިހަމަ ކުރައްވައި ފައިސާއާއެކު 5 މޭ 2016 ގެ ކުރިން މި ކޯޕަރޭޝަނަށް ހުށަހެޅުއްވުން އެދެމެވެ.