އިޢުލާން

މި މިނިސްޓްރީން ދެމުންގެންދާ ޚިދުމަތްތަކުގެ ތެރެއިން މިންއެޅުމާއި މިނެކިރަން ބޭނުންކުރާ ތަކެތި ހަމަތޯ ބަލައި ސީލްޖަހައިދިނުމުގެ ޚިދުމަތް ހދ. ކުޅުދުއްފުށި، ދ. ކުޑަހުވަދޫ، ލ. ފޮނަދޫ އަދި ގދ. ތިނަދޫގައި ޤާއިމުކޮށްފައިވާ ބިޒްނަސް ސެންޓަރުތަކުން މިހާރު ލިބިވަޑައިގަންނަވާނެ ވާހަކަ ދެންނެވީމެވެ.

މި ޚިދުމަތް ހޯއްދެވުމަށް އެދިވަޑައިގަންނަވާ ފަރާތްތަކުން، މިންހަމަތޯ ޗެކުކުރައްވަން ބޭނުންފުޅުވާ އިކްވިޕްމަންޓް ބިޒްނަސް ސެންޓަރުތަކަށް ގެންދެވުމުން، އެ އިކްވިޕްމަންޓެއް ޗެކުކުރުމަށްފަހު އެ އިކްވިޕްމަންޓެއްގެ މިން ހަމަނަމަ، މިން ހަމަކަން އަންގައިދޭ ފާހަގައެއް އެ އިކްވިޕްމަންޓުގައި ހަރުކޮށްދެވޭނެއެވެ.

މި ޚިދުމަތަށް އެދިވަޑައިގަންނަވާ ފަރާތްތަކުން، މިންއެޅުމާއި މިނެކިރުމާ ބެހޭ ގަވާއިދު (ގަވާއިދު ނަންބަރު: 2016/R-13) ގެ ޖަދުވަލު 1 ގައި އެކަމަށް ކަނޑައެޅިފައިވާ ފީ ދައްކަވަންޖެހޭނެއެވެ.

މި ޚިދުމަތް ދިނުމަށް ހަމަޖެހިފައިވަނީ ބަންދުނޫން ކޮންމެ ދުވަހަކު ހެނދުނު 09 ން 12 އަށެވެ.

01 ޖުމާދަލްއާޚިރާ 1437