މުސާރަ

މަހަކު -/17000 ރުފިޔާ

މަސައްކަތް ކުރަންޖެހޭ ތަން

މިނިސްޓްރީ އޮފް ލޯ އެންޑް ޖެންޑަރ  / ޑިސެބިލިޓީ ޑިވިޜަން

މަސައްކަތުގެ މުއްދަތު

މާރިޗު 2016 އިން ޑިސެމްބަރ 2016 ގެ ނިޔަލަށް ( 10 މަސް ދުވަހަށް)

ފެންވަރު ނުވަތަ ޝަރުތު

• ސޯޝަލް ސައެންސްގެ ދާއިރާއަކުން އެމް.ކިޔު.އޭއިން ގަބޫލުކުރާ ފެންވަރުގެ ޑިޕްލޮމާ ނުވަތަ އެއަށްވުރެ މަތީގެ ފާހެއް އޮތުން ނުވަތަ ނުކުޅެދުންތެރިކަމާ ގުޅުން ހުރި ދާއިރާއަކުން މަތީ ތަޢުލީމު ހާސިލުކޮށްފައިވުން.
• ނުކުޅެދުންތެރިކަން ހުރި ފަރާތްތަކާއެކު މަދުވެގެން 2 އަހަރުދުވަހު މަސައްކަތް ކޮށްފައިވުން.
• ވަޒީފާގެ ބާޒާރު ނުވަތަ ކެރިއަރ ގައިޑެންސްގެ ދާއިރާއެއްގައި މަދުވެގެން 1 އަހަރުދުވަހު މަސައްކަތް ކޮށްފައިވުން.
• ނުކުޅެދުންތެރިކަން ހުންނަ ފަރާތްތަކަށް ތަމްރީން ދިނުމާއި ވަޒީފާދޭ ފަރާތްތަކަށް ތަމްރީން ދިނުމުގެ ތަޖުރިބާ ހުރުން.
• ނުކުޅެދުންތެރިކަން ހުންނަ މީހުންގެ ޙައްޤުތައް ޙިމާޔަތްކުރުމާއި މާލީ އެހީތެރިކަން ފޯރުކޮށްދިނުމުގެ ޤާނޫނު 8/2010 އަދި އެއާ ވިދިގެން ހަދާފައިވާ ނުކުޅެދުންތެރިކަން ހުންނަ ފަރާތްތަކަށް ޚާއްޞަ ކުރެވިފައިވާ ގަވާއިދުތަކަށް އަހުލުވެރިވެފައިވުން.
• ނުކުޅެދުންތެރިކަން ހުންނަ ފަރާތްތައް ރައްކާތެރި ކުރުމާއި ގުޅޭގޮތުން ރާއްޖޭގައި ކުރެވިފައިވާ ހުރި މަސައްކަތްތަކަށް އަހުލުވެރިވެފައިވުން.
• ނުކުޅެދުންތެރިކަން ހުންނަ ފަރާތްތަކަށް މުޢާމަލާތުކުރުމާއި ލިއުމުގެ ޤާބިލުކަން ލިބިފައިވުން. މީގެ އިތުރަށް ސައިން ލެންގުއޭޖުން ވާހަކަ ދައްކަން އެނގޭ ފަރާތްތަކަށް އިސްކަން ދެވޭނެއެވެ.
• މަޢުލޫމާތު އެއްކުރުމާއި، މަޢުލޫމާތުގެ އަލީގައި އެނެލިސިސް ހަދައި ރިޕޯޓްތައް އެކުލަވައިލުމުގެ ތަޖުރިބާ ލިބިފައިވުން.
• ކޮމްޕިއުޓަރ ބޭނުންކުރުމުގެ ހުނަރު ލިބިފައިވުން (ވާރޑް، އެކްސެލް، ޕަވަރޕޮއިންޓް)

ކުރަންޖެހޭ މައިގަނޑު މަސައްކަތްތައް

1. ނުކުޅެދުންތެރިކަން ހުންނަ ފަރާތްތަކަށް ވަޒީފާ ދިނުމަށް ޝައުޤުވެރިވާ ފަރާތްތައް ހޯދައި އެކުލަވައިލުން.
2. ނުކުޅެދުންތެރިކަން ހުންނަ ފަރާތްތަކުގެ ތެރެއިން ވަޒީފާގެ މައިދާނަށް ނުކުތުމަށް ޝައުޤުވެރިކަން ހުރި ފަރާތްތައް ހޯދައި އެ މީހުންގެ ދަފުތަރެއް އެކުލަވައިލުން.
3. އަދި ނުކުޅެދުންތެރިކަން ހުންނަ މީހުންނަށް ބޭނުންވާ ތަމްރީން ޕްރޮގްރާމްތައް ރާވައި ހިންގުން އަދި އެމީހުން އެކަމަށް ތައްޔާރު ކުރުން.
4. ނުކުޅުދުންތެރިކަން ހުންނަ ފަރާތްތަކުގެ ތެރެއިން އެފަރާތުގެ ހުންނަ ނުކުޅެދުންތެރިކަމަށް ބަލައިގެން އެކަށީގެންވާ ވަޒީފާ ހޯދައި ދިނުމުގެ މަސައްކަތް ކުރުން.
5. ނުކުޅެދުންތެރިކަން ހުންނަ ފަރާތްތަކަށް ވަޒީފާގެ މައިދާނުގައި ހުރި ފުރުޞަތުތަކާ ގުޅޭގޮތުން މިނިސްޓްރީގައި މަޢުލޫމާތުދޭ ޑެސްކެއް އެކުލަވައިލައި ވަޒީފާއާ ގުޅޭގޮތުން ނުކުޅެދުންތެރިކަން ހުންނަ ފަރާތްތައް ހޭލުންތެރި ކުރުވުން. (ލީފްލެޓް، ޕޯސްޓަރ، ވެބްސައިޓުގައި ޝާއިޢުކުރުން... މީޑިއާ މެދުވެރިކޮށް).
6. ވަޒީފާދޭ ފަރާތްތަކަށް ނުކުޅެދުންތެރިކަން ހުންނަ ފަރާތްތަކާއި ނުކުޅެދުންތެރިކަމާ ގުޅޭ މަޢުލޫމާތުދީ ތަމްރީން ޕްރޮގްރާމް ހިންގުން.
7. ވަޒީފާގެ މައިދާނަށް އަހުލުވެރިކުރުމަށްޓަކައި ނުކުޅެދުންތެރިކަން ހުންނަ ފަރާތްތަކަށް އަމާޒުކޮށް (ވޮކޭޝަނަލް) ތަމްރީން ހިންގުން.
8. މަސައްކަތުގެ މައިދާނުގައި ދިމާވާ މައްސަލަތައް ޙައްލު ކުރާނެ ގޮތުގެ އުސޫލެއް އެކުލަވައިލުން.
9. ނުކުޅެދުންތެރިކަން ހުންނަ ފަރާތްތަކަށް އެހެން މީހުންނެކޭ އެއްފަދައިން އެ މީހަކު އިޚުތިޔާރު ކުރާ ވަޒީފާއެއް އަދާކުރުމުގެ ނުވަތަ މަސައްކަތެއް ކުރުމުގެ ހަމަހަމަ ފުރުޞަތުތަކެއް ވަޒީފާގެ މައިދާނުގައި ހޯދައި ދިނުމަށް މަސައްކަތް ކުރުން.