މާލޭގައި ވަރަށް ގިނަ ޢިމާރާތްތައް ގަވާއިދާއި ޚިލާފަށާއި ސަލާމަތީގޮތުން ނުރައްކާތެރި ގޮތްގޮތަށް ހުންނަކަން މިމިނިސްޓްރީއަށް ވަނީ ފާހަގަކުރެވިފައެވެ. އަދި ސަލާމަތީ މިންގަނޑުތަކަށް ނުބަލައި ޢިމާރާތްކުރުމުގެ މަސައްކަތް ކުރަމުންދާކަމަށްވެސް ފާހަގަ ކުރެވިފައިވެއެވެ.

ވީމާ، 6 ޑިސެންބަރު 2015 ވާ އާދީއްތަ ދުވަހުން ފެށިގެން މުޅި މާލޭގެ ސާރވޭ މަސައްކަތްތަކެއް ކުރުމަށް މި މިނިސްޓްރީން ވަނީ ނިންމާފައެވެ. މި ސާރވޭ ކުރިއަށްދާނީ ސަރުކާރު ބަންދު ނޫން ދުވަސްދުވަހެއްގެ ހެނދުނު 09:00 އާއި 17:00 އާ ދޭތެރޭގައެވެ. މި ސާރވޭ ފަށަން ހަމަޖެހިފައިވަނީ ހެންވޭރުންނެވެ. ވީމާ، މިކަމަކީ ހުރިހާ ރައްޔިތުންގެވެސް ސަލާމަތާއި ރައްކާތެރިކަމާ ގުޅިފައިވާކަމަކަށްވާތީ، މިކަމުގައި އެންމެހާ ބޭފުޅުންގެ އެއްބާރުލުން ދެއްވުމަށް އެދި ދެންނެވީމެވެ.

21 ޞަފަރު 1437