މަޤާމް:     

އޮފީސް އެސިސްޓެންޓް

ސެކްޝަން:

އެޑްމިނިސްޓްރޭޝަން ސެކްޝަން

ބޭނުންވާ އަދަދު:

1  (އެކެއް)

ރޭންކް:                

SS 2

މަޤާމުގެ  ޝަރުޠު:

1. ލިޔަންކިޔަން ދަތުމާއެކު، މަޤާމުގެ މަސައްކަތަށް ބޭނުންވާ ތަމްރީނެއް / ސަނަދެއް ހާސިލުކޮށްފައިވުން. ނުވަތަ؛
2. މަސައްކަތުގެ ފެންވަރުބެލުމުގެ ނިޒާމުން ވަޒީފާގެ ކުރިއެރުން ޙައްޤުވާ މާކުހެއް ލިބެމުން ދިޔުމާއެކު،   SS1 ގެ ރޭންކުގައި މަދުވެގެން 2 އަހަރުދުވަހުގެ ތަޖުރިބާ ލިބިފައިވުން.

އިންޓަރވިއުގައި ސާބިތުކޮށްދޭންޖެހޭ ޤާބިލްކަން

މި މަޤާމުގައި ސިޓީއާއި ތަކެތި ބެހުމާއި، ކޯޓަށް ހުށަހެޅޭ މައްސަލަތަކާ ގުޅިގެން "ހާޒިރުވުމުގެ އަމުރު" ތަފާތު ފަރާތްތަކަށް ތަފާތު ގަޑިތަކުގައި ރައްދުކުރަންޖެހުމާއި، އޮފީހުގެ މެއިންޓަނަންސާއި ބެލެހެއްޓުމުގެ ކަންކަމުގައި އެހީތެރިވާންޖެހޭ މަޤާމެއްކަމުން ތިރީގައިވާ ސިފަތަކާއި ގާބިލްކަން ހުރިތޯ ވަޒަންކުރެވޭނެއެވެ.

1. ތަފާތު މީހުންނާ ތަފާތު ޙާލަތްތަކުގައި މުޢާމަލާތްކުރުމުގެ ހުނަރު ހުރުން.
2. ކެރުމާއި، އަމިއްލަ ނަފްސަށް އިތުބާރުކުރާ މިންވަރު.
3. އުސްތަންތަނަށް އަރައި އުޅެވޭފަދަ ޙަރަކާތްތެރި މީހެއްކަމަށް ސާބިތުކޮށްދިނުން.
4. ނުރަސްމީގަޑީގައްޔާއި ބަންދުދުވަސްތަކުގައި ގިނަވަގުތު މަސައްކަތުގައި އުޅެވޭނެ މީހަކަށްވުން.
5. ހުޅުމާލެއަށާއި ވިލިގިއްޔަށާއި، ތިލަފުށި ފަދަ ތަންތަނަށް ރަސްމީ ގަޑީގައްޔާއި ނުރަސްމީ ގަޑީގައި ލިޔުންތައް ހަވާލުކުރަން ގޮސްއުޅެވޭނެ ފަދަ މީހަކަށްވުން.

މަޤާމުގެ މައިގަނޑު        

މަސްއޫލިއްޔަތު:

1. ސިޓީއާއި ނޯޓާއި، ޗިޓާއި، އެހެނިހެން ލިޔެކިޔުންތައް ހަވާލުކުރަންޖެހޭ ފަރާތްތަކަށް ރައްދުކުރުން.
2.  ފޮޅައި ސާފުކުރުމުގައި އެހީތެރިވެދިނުމާއި، އޮފީހުގެ ދޫލައަޅާފައިވާ ތަންތަން ވެކިއުމް ކުރުން.
3. އޮފީހުގެ ބޭނުމަށް ހޯދާ ތަކެތި އޮފީހަށް ގެނައުމާއި، އޮފީހުގައި ބޭނުންކުރާ ތަކެއްޗަށް މައްސަލައެއްދިމާވެގެން އެ އެއްޗެއް މަރާމާތުކުރާ ތަނަކަށް ގެންދިޔުމަށާއި، އެތަކެތި އަނބުރާ އޮފީހަށް ގެނައުން.
4. އޮފީހުގެ ފަރުނީޗަރުތަކާއި އިކުއިޕްމަންޓްސް އެއްތަނުން އަނެއްތަނަށް (ސިޑިންމައްޗަށާއި ތިރިއަށް) ބަދަލުކުރާއިރު މި ތަކެތި އުފުލުމުގައި ޢަމަލީގޮތުން ބައިވެރިވުން.
5. އޮފީހުގެ ދިދައާއި، ޤައުމީދިދަ ނެގުމާއި، ތިރިކުރުމާއި، ބަދަލުކުރުން.
6. ސަލާމުގައި ނުވަތަ ޗުއްޓީގައި ހުންނަ މުވައްޒަފެއްގެ މަސައްކަތެއް ކުރަންޖެހިއްޖެނަމަ އެ މަސައްކަތެއްކުރުން.
7. މީގެ އިތުރުން، ވެރިން އަންގަވާ އޮފީހުގެ ރަސްމީ މަސައްކަތް ކުރުމާއި، ނުރަސްމީ ގަޑީގައި ވެސް ވެރިން އަންގަވާ ރަސްމީ މަސައްކަތް ކުރުން.

މުސާރަ:

-/3470 ރުފިޔާ (ތިންހާސް ހަތަރުސަތޭކަ ހަތްދިހަ ރުފިޔާ)

އެލަވަންސްތަކާއި ޢިނާޔަތްތައް: 

ސަރވިސް އެލަވަންސްގެގޮތުގައި މަހަކު -/ 1000 ރުފިޔާ (އެއްހާސް ރުފިޔާ) އާއި، ލިވިންގ އެލަވަންސްގެ ގޮތުގައި މަހަކު -/2850 ރުފިޔާ (ދެހާސް އަށްސަތޭކަ ފަންސާސް ރުފިޔާ) އާއި، ހަމަޖެހިފައިވާ އުޞޫލުން ޖުޑީޝަލް އެލަވަންސްގެގޮތުގައި މުސާރައިގެ %45 އާއި، އިތުރުގަޑީގައި މަސައްކަތް ކޮށްފިނަމަ ހަމަޖެހިފައިވާ އުޞޫލުން އިތުރުގަޑީގެ ފައިސާ ލިބޭނެއެވެ.