ވަޒީފާގެ ފުރުޞަތު

އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގައި އެންމެ ޤާބިލު އަދި ތަޖުރިބާހުރި މި ކުންފުނީގެ ވަޒީފާ އަދާކުރާހިތްވާ، ކަމަށް ޤާބިލު އުފެެއްދުންތެރި ހީވާގި އަދި ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމަށް ކުރިމަތިލުމުގެ ފުރުޞަތު ހުޅުވާލަމެވެ.

މަޤާމު: ލީގަލް ކައުންސެލް

ބޭނުންވާ އަދަދު: 01  

މަސައްކަތް ކުރަންޖެހޭ ތަން: އިބްރާހީމް ނާސިރުއިންޓަނޭޝަނަލް އެއަރޕޯޓް (ހުޅުލެ)/ ކޮމްޕެނީ ލީގަލް އެފެއާޒް.

ޝަރުޠު: އެލްއެލް އެމް ސެޓްފިކެޓް ހާސިލުކޮށްފައިވުމާއެކު ޕްރޮފެޝަނަލް ލީގަލް ދާއިރާގައި 2 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން. ނުވަތަ އެލްއެލްބީ ސެޓްފިކެޓް ހާސިލުކޮށްފައިވުމާއެކު ޕްރޮފެޝަނަލް ލީގަލް ދާއިރާގައި 5 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން.

މުސާރައާއި އިނާޔަތްތައް: ދެފަރާތް އެއްބަސްވާ ގޮތަށް.

ވަޒީފާގައި ކުރަންޖެހޭ މައިގަނޑު މަސައްކަތް:

• ކޯޓުން ނިންމަންޖެހޭ މައްސަލަތައް މެނޭޖްކުރުމާއި ކޮންޑަކްޓް ކުރުމުގެ ޤާބިލުކަން ހުރުން.
• މިނިވަންކަމާއެކު، މެނޭޖްމަންޓަށް ޤާނޫނީ ލަފާއެރުވުމުގެ ޤާބިލުކަން ލިބިފައިވުން.
• ކުންފުންޏަށް ބޭނުންވާ މުހިއްމު އެއްބަސްވުންތަކާއި ލިޔެކިއުންތައް، ކުންފުންޏަށް ފައިދާހުރި އަދި ގެއްލުން ކުޑަވާގޮތަށް ތައްޔާރުކުރުމުގެ ތަޖުރިބާއާއި ޤާބިލުކަން ލިބިފައިވުން.
• ކޮމާޝަލް އެއްބަސްވުންތައް ހެދުމުގެ ތަޖުރިބާއާއި ޤާބިލުކަން ލިބިފައިވާ ފަރާތަކަށްވުން. އަދި ޚާއްޞަކޮށް އެއްބަސްވުންތަކުގައި ނެގޯޝިއޭޓްކުރުމާއި އަދި އެޑްމިނިސްޓްރޭޓިވް މަސައްކަތްކުރުން.
• ސެންސިޓިވް މައްސަލަތައް ނިންމުމުގައި ހިކުމަތްތެރިކަމާއި ޤާބިލުކަމާއެކު ނިންމުން.
• ލޭބަރ ލޯއާއި ކޯޕަރޭޓް ލޯ އަދި ކޮންޓްރެކްޓް ލޯއާބެހޭ ތަޖުރިބާ ލިބިފައިވާ ފަރާތެއްކަމުގައިވުން.
• ފަރިތަކަމާއެކު އިނގިރޭސި އަދި ދިވެހި ބަހުން މުޢާމަލާތުކުރުމާއި ލިޔަން އެނގުން.

ހުށަހަޅަންޖެހޭ ލިޔުންތައް:

• ސީވީއާއި ތަޢުލީމީ ސެޓްފިކެޓްތަކުގެ ކޮޕީ
• ސްކޫލް ލީވިންގ ސެޓްފިކެޓް ކޮޕީ
• ދިވެހި ރައްޔިތެއްކަން އަންގައިދޭ ކާޑު ކޮޕީ  
• ކުރިން އަދާކޮށްފައިވާ ވަޒީފާތަކާ ގުޅޭ ލިޔެކިޔުންތަކުގެ ކޮޕީ
• 3 މަސް ދުވަސް ހަމަނުވާ ޕޮލިސް ރިޕޯޓް

ކުރިމަތިލުމުގެ ސުންގަޑި: 12 އޮގަސްޓު 2015 ގެ 14:00

ވަޒީފާއަށް އެދޭ ސިޓީ އެޑްރެސް ކުރައްވާނީ:

ޖެނަރަލް މެނޭޖަރ، ހިއުމަން ރިސޯސަސް

މޯލްޑިވްސް އެއަރޕޯޓްސް ކޮމްޕެނީ ލިމިޓެޑް

ކޯރޕަރޭޓް އޮފީސް، ހުޅުލެ، ދިވެހިރާއްޖެ

އިތުރު މަޢުލޫމާތު: ފޯނު – 3325511 

މި މަޤާމަށް އެދި ހުށަހަޅާ ފަރާތްތަކުގެ ތެރެއިން ޝަރުޠު ހަމަނުވާ ފަރާތްތަކާއި، ލިޔުންތަކުގެ ކޮޕީ ނެތް ފަރާތްތަކުގެ ސިޓީ އަދި ފޯމު ބަލައި ނުގަނެވޭނެ ވާހަކަ ދަންނަވަމެވެ.

21 ޝައްވާލް 1436