މަޤާމްގެ މަސްއޫލިއްޔަތުތަކާއި ވާޖިބުތައް:

1. ހޮސްޕިޓަލުން ނެރޭ ނޫސްބަޔާން، ރިޕޯރޓްފަދަ ލިޔުންތައް ޑިޕާޓްމަންޓުގެ ހެޑްގެ މަޝްވަރާގެ މަތިން ލިޔުމާއި، މީޑިއާތަކަަށް ފޮނުވަންޖެހޭ ލިޔުންތައް ފޮނުވުން.
2. ހޮސްޕިޓަލުގެ ޚިދުމަތްތައް ރޭވިފައިވާގޮތާއި އަލަށް ތައާރަފްކުރެވޭ ޚިދުމަތްތަކާއި ގުޅޭ މައުލޫމާތު ޓީވީ އަދި ރޭޑިއޯ ޗެނަލްތައް މެދުވެރިކޮށް އާއްމުންނަށް އަންގައި ދިނުމަށް ތަފާތު ޕްރޮގްރާމްތައް ހިންގުން.
3. ހޮސްޕިޓަލުން ނިންމާ ނިންމުންތައް  ހޮސްޕިޓަލުގެ  ވެބްސައިޓަށްލުމާއި ހޮސްޕިޓަލުގެ  ރަސްމީ ސޯޝަލްމީޑިއާ އެކައުންޓްތައް މެދުވެރިކޮށް ޚަބަރު ފެތުރުމުގެ އެންމެހާ މަސައްކަތްތައް ކުރުން
4. ހޮސްޕިޓަލުން ކުރިއަށްގެންދާ މަޝްރޫޢުތަކާއި، އިވެންޓްތަކާއި، ހަފްލާތަކާ ގުޅޭގޮތުން މީޑިއާތަކަށް މަޢުލޫމާތު ފޯރުކޮށްދިނުމުގެ އެންމެހައި އިންތިޒާމްތައް ހަމަޖެއްސުން
5. މިހޮސްޕިޓަލާއި ބެހޭގޮތުން ޚަބަރުފަތުރާ ފަރާތްތަކުން ފަތުރާ މަޢުލޫމާތާއި ޚަބަރު މޮނިޓަރކޮށް، އޭގެ ރިކޯޑްތައް ބެލެހެއްޓުމާއި، އެފަދަ ޚަބަރުތަކާ ގުޅިގެން ޖަވާބިދީ ކަމެއް އޮޅުންފިލުވައިދޭން ޖެހިއްޖެ ހާލަތެއްގައި އެކަމަށް  މަގުފަހިކޮށްދީ، ވެރިންގެ ލަފާގެ މަތިން މަޢުލޫމާތު ދޭނެގޮތެއް ކަނޑައަޅައި ހަމަޖެއްސުން
6. ހޮސްޕިޓަލުން ރާވައި ހިންގާ އިވެންްޓްތަކަށް ބޭނުންވާ މީޑިއާ ކަވަރޭޖުގެ ކަންކަން ރާވައި އިންތިޒާމްކުރުމާއި، ވެބްސައިޓަށާއި ހޮސްޕިޓަލުން ބޭނުންކުރާ ސޯޝަލް މީޑިއާ ސައިޓްތަކުގައި  އެފަދަ ކަންކަން ދުރާލައި ހިމެނުން
7. މީޑިއާތަކުން ހޮސްޕިޓަލާއި ގުޅޭގޮތުން ގެނެސްދޭ ޚަބަރުތައް ދިރާސާކޮށް، ކަމާގުޅޭ މައުލޫމާތު، ވެރިންނާ ހިއްސާކުރުން
8. ކޮންމެ އަހަރަކުވެސް އެއަހަރެއްގެ ޑިސެންބަރުމަހު ނިމުމުގެ ކުރިން، އަހަރު ތެރޭގައި ކުރެވުނު މަސައްކަތާއިބެހޭ ރިޕޯޓް ތައްޔާރުކުރުން
9. ހޮސްޕިޓަލުން ތައްޔާރުކުރަން ބޭނުންވާ ޕްރެޒެންޓޭޝަން، މީޑިއާކިޓް، ލުއިފޮތް، މައުލޫމާތު ކަރުދާސް، ލީފްލެޓް ފަދަ ތަކެތި، ލޭއައުޓް ހަދައި ފަރުމާކޮށް ، ތައްޔާރުކުރުން

1. ހޮސްޕިޓަލުން ބާއްވާ މީޑިއާ ކޮންފަރެންސް ، ނިއުސް ކޮންފަރެންސް، އިވެންޓްތަކުގެ އިންތިޒާމް ހަމަޖައްސައި ބެލެހެއްޓުން

11. މީޑިއާ  ޔުނިޓްގެ އިދާރީ ގޮތުން ކުރަންޖެހޭ އެންމެހާ މަސައްކަތްތައް  މީޑިއާ ޔުނިޓްގެ އިސްވެރިން ނިންމާ ގޮތަކަށް އިންތިޒާމްކޮށް  ބެލެހެއްޓުން އަދި ހޮސްޕިޓަލުގެ އިވެންޓްތަކާއި ޖަލްސާތަކުގެ އިންތިޒާމް  ހަމަޖައްސައި  އެއިވެންޓް / ޖަލްސާތަކުގެ  ނިންމުންތައް ތަންފީޒްކުރުމުގެ މަސައްކަތްތައް ސެކްޝަނުގެ އެހެނިހެން މުވައްޒަފުންނާއި ގުޅިގެން ކުރުން
12. މީޑިއާތަކަށް  ހޮސްޕިޓަލުން ނެރޭ ނޫސްބަޔާން، ދެންނެވުން އަދި ސާކިއުލާރ ފަދަ ތަކެތި ތައްޔާރުކުރުމާއި އިނގިރޭސީ ބަހުންނާއި ދިވެހި ބަހުން ނެރެންޖެހޭ ނޫސްބަޔާން، ދެންނެވުން ތައްޔާރކޮށް ސަރކއިުލޭޓްކޮށް ބެލެހެއްޓުން

އާންމުން ހޭލުންތެރިކުރުމުގެ ގޮތުން ހޮސްޕިޓަލުން ހިންގާ ޕްރޮގްރާމްތައް/ ޕޯސްޓަރ/ ބެނަރ ފަދަ އެންމެހާ މަސައްކަތްތައް ރާވާ  ހިންގާ ބެލެހެއްޓުމާއި ލިޔެކިޔުންތަކުގެ އެންމެހާ މަސައްކަތްތައްކޮށް ފައިލްކޮށް ބެލެހެއްޓުން

މަޤާމުގެ ޝަރުތުތައް:

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލެވޭނެ ކަންތައްތައް:

ސާނަވީ ނުވަތަ އެއާ އެއް ފެންވަރުގެ އިމްތިހާނަކުން 2 މާއްދާއިން ދަށްވެގެން "ޑީ" ގްރޭޑް ލިބިފައިވުމާއެކު، އޭގެ އިތުރުން "ސެކަންޑަރީ ސްކޫލް" ނުވަތަ "ހަޔަރ ސެކަންޑަރީ ސްކޫލް" ސެޓްފިކެޓް އިމްތިހާނުގައި "ދިވެހި" މި މާއްދާއިން ދަށްވެެގެން "ސީ" ގްރޭޑް ލިބިފައިވުން.

• ހާސިލްކޮށްފައިވާ މީޑިއާ އާއި ގުޅޭ ތައުލީމާއި ތަމްރީނަށް ބަލައިގެން
• މީޑިއާ ނުވަތަ ގުޅޭ ދާއިރާއެއްގައި މަސައްކަތުގެ ދާއިރާއިން ލިބިފައިވާ ތަޖުރިބާއަށް ބަލައިގެން.
• ގާބިލްކަން ކަށަވަރުކުރުމަށް އިންޓަރވިއުކޮށްގެން.