މިނިސްޓްރީ އޮފް ހަޔަރ އެޑިޔުކޭޝަން
ދިވެހިރާއްޖެ
މަތީ ތަޢުލީމުގެ ލޯނު އެހީގެ ފުރުޞަތު

ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދަން ލޯނު ދިނުން

770 ފުރުޞަތު

ލޯނު ފުރުޞަތުގެ އަދަދު:

ހ. ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ފެންވަރު 5 ން ފެށިގެން ފެންވަރު 10 ގެ ނިޔަލަށް.

ށ. ލައިސަންސް ނުވަތަ ޕްރޮފެޝަނަލް ޕްރޮގްރާމްތައް.

ފެންވަރު:

"ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދަން ލޯނު ދިނުމުގެ އުޞޫލު" ގެ ޖަދުވަލު 1 ގައި ހިމަނާފައިވާ ދާއިރާތައް.

ދާއިރާ:

ލޯނު އެހީ ދިނުމުގެ ޝަރުތުތައް "ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދަން ލޯނު ދިނުމުގެ އުޞޫލު" ގެ 5 ވަނަ މާއްދާގައި ބަޔާންކޮށްފައި ވާނެއެވެ.

ޝަރުތުތައް:

ލޯނަށް އެދި ފޯމު ހުށަހަޅާނީ  https://myedu.egov.mvޕޯޓަލް މެދުވެރިކޮށެވެ. ޕޯޓަލް މެދުވެރިކޮށް ފޯމް ހުށަހެޅުމުގައި ޗެކްލިސްޓަށް ސަމާލުކަންދެއްވުން އިލްތިމާސްކުރަމެވެ.

ލޯނަށް އެދި ފޯމު ހަށަހަޅާނެ ގޮތް:

4 މާރިޗު 2021 ވާ ބުރާސްފަތި 13.30

އެޕްލިކޭޝަން ހުށަހެޅޭނެ ސުންގަޑި:

- "ރާއްޖެއާއި ރާއްޖެއިން ބޭރުން މަތީ ތަޢުލީމާއި ތަމްރީނު ހޯދަން ލޯނު ދިނުމުގެ އުޞޫލު" އާއި، އެއުޞޫލުގެ ޖަދުވަލުތައް މި އިޢުލާނާއިއެކު ވާނެއެވެ. މިއުޞޫލާއި ޖަދުވަލުތަކުގައި ލޯނުއެހީއަށް ދަރިވަރުން ހޮވުމުގައި އަމަލުކުރާނެގޮތް ބަޔާންކޮށްފައިވާނެއެވެ. ވީމާ، ލޯނުއެހީއަށް އެދޭ ފަރާތްތަކުން މިއުސޫލާއި ޖަދުވަލުތަކުގައިވާ ކަންކަމަށް ސަމާލުކަން ދިނުން އެދެން.

- މި ސްކީމުގެ ދަށުން އަލަށް ކިޔަވަންފަށާ ދަރިވަރުންގެ ގޮތުގައި ބަލާނީ 1 ޖެނުއަރީ 2021 ގެ ފަހުން ކިޔަވަން ފަށާ ދަރިވަރުންނެވެ.

- މި ސްކީމްގެ ދަށުން މިހާރު ކިޔަވަމުންދާ ދަރިވަރުންގެ ގޮތުގައި ބަލާނީ 1 ޖެނުއަރީ 2021 ގެ ކުރިން  ކޯހެއްގައި ކިޔަވަން ފަށާފައިވާ ދަރިވަރުންނެވެ.

- ކޮންމެ ދަރިވަރަކުވެސް ހުށަހަޅަންވާނީ އެއް އެޕްލިކޭޝަން ފޯމު.

- ބެޗްލަރސް ޑިގްރީ ފުރިހަމަކޮށް، އެއަށްވުރެ މަތީ ފެންވަރުގެ ކޯހެއްގައި ކިޔެވުމަށް އެދޭ ފަރާތްތަކުން ހުށަހަޅާ ޓްރާންސްކްރިޕްޓަކީ މުޅި ކޯހުގެ މުއްދަތަށް ލިބިފައިވާ ޓްރާންސްކްރިޕްޓެއްކަން ކަށަވަރުކުރުން. ޓްރާންސްކްރިޕްގެ ދެފުށް ހުށަހަޅަންވާނެއެވެ.

- މިހާރު ކިޔަވަމުންދާ ދަރިވަރުންގެ ކެޓެގަރީން އެޕްލިކޭޝަން ހުށަހަޅާ ދަރިވަރުން މިހާރު ކިޔަވަމުންދާކަމާއި ކޯސް ނިންމުމަށް އޮތް މުއްދަތު އެނގޭނެ، ކިޔަވަމުންދާ މަރުކަޒުގެ ލިޔުމެއް ހުށަހަޅުން

- ލޯނު ހޯދައިގެން ކިޔަވަން ހުށަހަޅާ ފެންވަރަށް ކިޔެވުމުގެ އެއްވެސް ޚަރަދެއް ލިބިފައިވާނަމަ، ކޯސް  ފެށުމަށް ލިބިފައިވާ ފީ ސްޓްރަކްޗަރ އެޕްލިކޭޝަންއާއިއެކު ހުށަހެޅުން.

އިތުރު މަޢުލޫމާތު:

- ރާއްޖޭގައި ފުރިހަމަކުރެވޭ ކޯސްތަކުގެ ލިސްޓްގައި ހިމެނޭ ކޯހަކަށް ދިވެހިރާއްޖޭގެ އެމްބަސީތަކުގައި މަސައްކަތްކުރާ ފަރާތްތަކާއި، އެ ފަރާތްތަކުގެ އާއިލާ ނުވަތަ ޤާނޫނީ ގޮތުން ބެލެނިވެރިކަން މަތިކޮށްފައިވާ ފަރާތްތެއް ކުރިމަތިލާނަމަ، އެފަރާތެއް ރާއްޖޭން ބޭރުގައި ދިރިއުޅެމުންދާކަމުގެ ރަސްމީ (ދިރިއުޅެމުންދާ ޤައުމުގެ އެމްބަސީގެ) ލިޔުމެއް ހުށަހެޅުން.

- އެމްބީބީއެސް/ޑެންޓިސްޓްރީ ކޯހަކަށް އެދި ހުށަހަޅާ ފަރާތްތަކުން މޯލްޑިވްސް މެޑިކަލް އެންޑް ޑެންޓަލް ކައުންސިލުން ކޯހަށް ކަނޑައަޅާފައިވާ ޝަރުތު ފުރިހަމަވުން.

- އެމްބީބީއެސް/ޑެންޓިސްޓްރީ ކޯހަކަށް އެދި ހުށަހަޅާ ފަރާތްތަކުގެ ތެރެއިން ޕްރީ މެޑިސިން ފުރިހަމަކޮށްފައިވާ ފަރާތެއްނަމަ، ފުރިހަމަކޮށްފައިވާ ޕްރީ މެޑިސިން ކޯހަކީ މޯލްޑިވްސް މެޑިކަލް އެންޑް ޑެންޓަލް ކައުންސިލުން ޤަބޫލްކުރާ ކޯހެއް ކަމުގެ ލިޔުން ހުށަހެޅުން.

 

- ލޯނަށް އެދި ހުށަހަޅާއިރު ސެކަންޑްރީ/ހަޔަރ ސެކަންޑްރީ އިމްތިހާނަކަށް ނުވަތަ އައިބީ ޑިޕްލޮމާ ފިޔަވައި ރާއްޖޭން ބޭރުގައި ކިޔަވައިގެން ހާޞިލްކޮށްފައިވާ ރާއްޖޭގައި އާއްމުކޮށް ބޭނުންނުކުރާ ސެޓްފިކެޓެއް ހުށަހަޅާނަމަ އެސެޓްފިކެޓްގެ ފެންވަރު ބަޔާންކޮށްދޭ މޯލްޑިވްސް ކޮލިފިކޭޝަންސް އޮތޯރިޓީ (އެމް.ކިއު.އޭ) ގެ ލިޔުމެއް ހުށަހެޅުން.

- ރާއްޖޭން ބޭރުގެ ތަނަކުން ދޫކޮށްފައިވާ މަތީ ތަޢުލީމުގެ ސެޓްފިކެޓެއް ހުށަހަޅާނަމަ، އެ ސެޓްފިކެޓެއް އޮންނަންވާނީ މޯލްޑިވްސް ކޮލިފިކޭޝަންސް އޮތޯރިޓީން ވެލިޑޭޓްކޮށްފައި.

- މޯލްޑިވްސް ކޮލިފިކޭޝަންސް އޮތޯރިޓީން ވެލިޑޭޓްނުކުރާ ޕްރޮވިޝަނަލް ސެޓްފިކެޓާއި ފައުންޑޭޝަން ކޯހުގެ ސެޓްފިކެޓް ފަދަ ސެޓްފިކެޓެއް ހުށަހަޅާނަމަ ފުރިހަމަކޮށްފައިވާ ކޯހަކީ  މޯލްޑިވްސް ކޮލިފިކޭޝަންސް އޮތޯރިޓީން ޤަބޫލްކުރާ ފެންވަރެއްގެ ކޯހެއްކަން އަނގައިދޭ މޯލްޑިވްސް ކޮލިފިކޭޝަންސް އޮތޯރިޓީގެ ލިޔުން ހުށަހެޅުން. އަދި އެސެޓްފިކެޓާއެކު އޭގެ ޓްރާންސްކްރިޕްޓް ހުށަހެޅުން.

ވެލިޑޭޓްކުރުމާއި އަސްލާއިއެއްގޮތްކަމަށް ތައްގަނޑުޖެހުން:

- އެޕްލިކޭޝަން ހުށަހަޅާނީ މި މިނިސްޓްރީގެ މައި އެޑިއު ޕޯޓަލް މެދުވެރިކޮށް އޮންލައިންކޮށެވެ.

- އެޕްލިކޭޝަން ހުށަހަޅާ ފަރާތްތަކުގެ ތެރެއިން ލޯނަށް ހޮވޭ ފަރާތްތައް އެޕްލިކޭޝަނާއިއެކު ހުށަހެޅި ލިޔެކިޔުންތަކުގެ އަސްލު އަދި އެޓެސްޓެޑް އަސްލު ހުށަހެޅުމަށް ތައްޔާރުކޮށްފައި ބަހައްޓަންވާނެއެވެ.

- އެޕްލިކޭޝަން ބެލުމަށްފަހު އެކި މަރުހަލާތަކުގައި ތިރީގައި ބަޔާންކޮށްފައިވާ ސްޓޭޓަސްތަކަށް އެޕްލިކޭޝަންގެ ސްޓޭޓަސް ބަދަލުކުރެވޭނެ.

Pending verification: މާނައަކީ އެޕްލިކޭޝަން ވެރިފައިކުރަމުންދަނީ

Incomplete Application: މާނައަކީ އެޕްލިކޭޝަންގައިވާ މަޢުލޫމާތު ފުރިހަމައެއްނޫން

Complete Application: މާނައަކީ އެޕްލިކޭޝަންގައިވާ މަޢުލޫމާތު ފުރިހަމަ

Selected: މާނައަކީ ލޯނު ފުރުސަތަށް ހޮވިފައި

Not selected within the allocated slots based on the final score: މާނައަކީ، ޝަރުތު ފުރިހަމަވެ އެޕްލިކޭޝަން ފޯމުގައިވާ މަޢުލޫމާތު ފުރިހަމަވި ނަމަވެސް، އެހެން ފަރާތްތަކަށްވުރެ ދަށް ޖުމުލަ މާކުހެއް ލިބިފައިވާތީ ކަނޑައެޅިފައިވާ ޖާގައަށް ހޮވިފައެއްނުވޭ

:Disqualified މާނައަކީ ލޯނުގެ ފުރުޞަތަށް ޝަރުތު ފުރިހަމަނުވޭ

- އިއުލާނުގެ މުއްދަތު ހަމަވުމުގެ 7 ދުވަސްކުރިން (26 ފެބްރުއަރީ 2021 ދުވަހުގެ ކުރިން) ހުށަހަޅާ އެޕްލިކޭޝަންތައް މިނިސްޓްރީއިން  ބެލުމަށްފަހު ރަނގަޅު ކުރަންޖެހޭނަމަ އެކަން އަންގައި ރަނގަޅު ކުރުމަށް ފުރުސަތު ދެވޭނެއެވެ. މި އިއުލާނުގެ މުއްދަތުގެފަހު 7 ދުވަހު (26 ފެބްރުއަރީ 2021 ފެށިގެން) ހުށަހަޅާ އެޕްލިކޭޝަންތަކަށް މި ފުރުސަތު ދެވެން ނޯންނާނެއެވެ.މިފުރުޞަތު ދެވޭ ފަރާތްތަކުންވެސް އެޕްލިކޭޝަން ހުށަހެޅުމުގެ ސުންގަޑި 4 މާރިޗު 2021 ވާ ބުރާސްފަތި ދުވަހުގެ 13.30 ގެ ކުރިން އެޕްލިކޭޝަން ފޯމް ރީސަބްމިޓްކުރަންވާނެއެވެ.

އެހެނިހެން:

  އިތުރު މަޢުލޫމާތު ސާފުކުރަން ގުޅާނީ 3026971، 3026927، 3026924 ފޯން ނަމްބަރަށެވެ.

11 ފެބުރުވަރީ 2021
ހޯދާ