ޏ. ފުވައްމުލަކު، ދޫނޑިގަން، 'ކުނަހަގާލިގެ' ވެރިފަރާތް ކަމުގައިވާ އަލްމަރްޙޫމް އަޙްމަދު ޖަމާލުގެ ވާރިޘުންގެ ފަރާތުން އެގޯތީގައި އަޅާފައިހުރި މުސްކުޅި ޢިމާރާތުން ބޭރުގައި ޗަކަ ބިން ހިމެނޭ ސަރަޙައްދުގައި ޢިމާރާތްކުރަމުން އަންނަ ކަމުގެ ޝަކުވާ ޢާއްމުންގެ ފަރާތުން މިކައުންސިލަށް ވަނީ ލިބިފައެވެ.

މިޝަކުވާތަކާއި ގުޅިގެން މިއޮފީހުގެ ނަންބަރު 468-LID/INDIV/2020/138 ސިޓީއިން ވަނީ އެގޯތީގައި ޢިމާރާތްކުރުމުގެ މަސައްކަތް މިވަގުތައް ހުއްޓާލުމަށް އެންގިފައެވެ.

           ނަމަވެސް ގޯތީގެ އިމުން ބޭރުކަމަށްބެލެވޭ ސަރަޙައްދުގައި ޢިމާރާތްކުރުމުގެ މަސައްކަތް ކުރިޔަށްގެންދާތީވެ އެކަން ހުއްޓާލުމަށް މިކައުންސިލުން އެފަރާތްތަކަށް އަންގައި އެކަން ޢާއްމުކޮށް އިޢުލާން ކުރަމެވެ.