ކޮވިޑް-19 އާއި ގުޅިގެން ވަޒީފާގެ ހާލަތައް ބަދަލެއް އައިސްފައިވާނަމަ، މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ޖޮބް ސެންޓަރަށް ރިޕޯޓް ކުރުމަށް ވަނީ ހުޅުވާލެވިފައެވެ. މި ގޮތުން ކުޅުދުއްފުށި ކައުންސިލް އިދާރާ މެދުވެރިކޮށް ޖޮބް ސެންޓަރަށް ފޯމް ހުށަހެޅުމުގެ ފުރުސަތު ވަނީ ހަމަޖެހިފައެވެ. މެއި 2020 ގެ އެލަވެންސްއާއި ގުޅޭ ފޯމް ބަލައިގަތުމަށް ހަމަޖެހިފައިވަނީ ކުޅުދުއްފުށި ކައުންސިލް އިދާރާގެ ކައުންޓަރުން ތިރީގައިވާ ތަވާލްގައިވާ ތަފްސީލާއި އެއްގޮތަށެވެ.

         ފޯމް ހުށައަޅުއްވާއިރު ފޯމުގައިވާ ހުރިހާ މައުލޫމާތެއް ފުށިހަމަ ކުރެއްވުމަށާއި، ފޯމާއިއެކު ހުށައަޅަންޖެހޭ ލިޔުންތައް ހުށައެޅުއްވުމަށް ސަމާލުކަން ދެއްވުން އެދެމެވެ. ޖޮބް ސެންޓަރަށް ހުށައަޅަންޖެހޭ ފޯމާއި ލިޔެކިޔުންތައް އެ ސެންޓަރުގެ ވެބްސައިޓް https://jobcenter.mv/ އިން ލިބެން ހުންނާނެއެވެ.

ޖޮބް ސެންޓަރުގައި ރިޕޯޓް ކުރުމަށް އެހީތެރިކަން ބޭނުންފުޅުވާނަމަ ޖޮބްސެންޓަރުގެ ކޯލް ސެންޓަރުގެ ނަންބަރު 1475 އަށް ގުޅުއްވުން އެދެމެވެ. ޖޮބް ސެންޓަރު ހުޅުވިފައި ހުންނާނީ އާދީއްތަ ދުވަހުން ބުރާސްފަތި ދުވަހުގެ ހެނދުނު 10:00 އިން މެންދުރުފަހު 15:00 އަށެވެ.