މިރަށު ރައްޔިތުންނަށް ސަރުކާރުން ހަދިޔާ ކޮށްފައިވާ 85 ފޫޓްގެ ފައިބަރު މަސްދޯނި ކުއްޔަށް ދޯކޮށްގެން ދުއްވުމަށް 2020 މެއި 5 ވަނަ ދުވަހު ބޭއްވި ކައުންސިލްގެ ތިންވަނަ ދައުރުގެ، 139 ވަނަ ޖަލްސާއިން ވަނީ ނިންމާފައެވެ. މިގޮތުން ދޯނި ކުއްޔަށް ދޫކުރުމަށް ކަނޑައެޅިފައިވާ ގޮތްތަކާއި ދޯންޏާއިބެހޭ މަޢުލޫމާތުތައް ތިރީގައި މިވަނީއެވެ.

ދޯނީގެ މަޢުލޫމާތު:

ދޯނީގެ ރަޖިސްޓްރީ ނަމްބަރ: G1042B-01-10-T          ދޯނީގެ ނަން: ދުރުރާސްތާ 3

ދޯނީގެ ދިގުމިން: 25.910 މީޓަރ                      ދޯނީގެ ފުޅާމިން: 7.320 މީޓަރ

ފުންމިން: 3.380 މީޓަރ                            ކޮޑިމީޓަރ: 92.860

ގްރޮސްޓަނޭޖް: 22.230                            ދޯނީގެ ބާވަތް: ފައިބަރު

އިންޖީނުގެ ބާވަތް އަދި ހޯސްޕަވަރ: ޔަންމާ (350)

ކުއްޔަށް ދޫކުރުމަށް ކަނޑައެޅިފައިވާ ޝަރުރުތައް:

ދޯނި ކުއްޔަށް ދުކުރެވޭނީ ރައްޔިތުންގެ ފައިސާއިން ޚަރަދުނުކޮށް މިހާރު ދޯނި އޮތް ޙާލަތުގައެވެ. އަދި ދޯނި ކުއްޔަށް ހިފާފަރާތަކީ ރަށުގެ ރައްޔިތަކަށް ވާންވާނެއެވެ. ( ރަށުގެ މީހެއްކަމުގައި ބެލެވޭނީ މިރަށު ރަޖިސްޓްރީގައި އޮތް މީހަކަށެވެ.) އަދި ދޯނި ދުއްވަންވާނީ މިރަށުގައެވެ. އޭރަކު މަސްވެރިކަން ހުންނަ ސަރަޙައްދުތަކަށްގޮސް މަސްވަރިކަންކުރުން އިސްތިސްނާވާނެއެވެ. މިދޯންޏަކީ މަސްވެރިކަން ކުރުމަށް ބޭނުންވާ އާލާތްތައްހުރި ދޯންޏަކަށް ނުވާތީ އެފަދަ އާލާތްތައް ހޯދަންވާނީ ކުއްޔަށްހިފާ ފަރާތުންނެވެ.

ބީލަމުގައި ބައިވެރިވުން:

މިދޯނި ކުއްޔަށް ދޫކުރުމަށް އަގު ހުށަހެޅުމަށް ހަމަޖެހިފައިވަނީ ސިޓީލާ ބީލަމު އުސޫލުންނެވެ. މިގޮތުން ބީލަމުގައި ބައިވެރިވެވޭނީ ޑިޕޮސިޓްގެ ގޮތުގައި -/3000ރ ( ތިންހާސް ރުފިޔާ ) ދެއްކުމަށް ފަހުގައެވެ. ޑިޕޮސިޓްގެ ގޮތުގައި ދައްކާ ފައިސާ ބީލަން ނިމުމުން، ބީލަމުގައި ބައިވެރިވި ފަރާތްތަކަށް ދޫކުރެވޭނެއެވެ. ނަމަވެސް ބީލަން ކާމިޔާބު ވުމަށްފަހު، ބީލަން ދޫކޮށްލާނަމަ އެފަރާތެއްގެ ޑިޕޮސިޓް ފައިސާ އަނބުރާ ނުދެވޭނެއެވެ. ދޯނި ކުއްޔަށް ހިފަން ބޭނުންވާ ފަރާތްތަކުން އަގުޖައްސަވާ ސިޓީ ފޮނުވަންވާނީ ކޮންމެ ރަސްމީ ދުވަހަކު ހެނދުނު 08:00 އިން 13:30 އަށް މިއިދާރާ އަށެވެ. އަދި ސިޓީއާއިއެކު ހުށަހަޅާ ފަރާތުގެ އައިޑީ ކާޑުގެ ކޮޕީ ފޮނުވަންވާނެއެވެ. މެއިލް ކުރައްވާނަމަ madifushi.gov.mvinfo@ އަށެވެ.

ބީލަން ފެށޭ އަގާއި ބީލަން ކާމިޔާބުކުރުން

ދޯނި ކުއްޔަށް ދޫކުރުމަށް ފެށޭ އަގަކީ -/20،000ރ ( ވިހިހާސް ރުފިޔާ ) އެވެ. އިތުރު ކުރެވޭނީ މަދުވެގެން ފަހަރަކު -/1،000ރ ( އެއްހާސް ރުފިޔާ ) އެވެ. އަދި ބީލަން ކާމިޔާބު ކުރެވޭނީ ރަސްމީ ބަންދު ދުވަސްތައް ފިޔަވައި ޖެހިޖެހިގެން 5 ދުވަހު އެއްއަގެއް އޮވެއްޖެނަމަ، އެއަގެއް ހުށަހެޅި ފަރާތަކަށެވެ. އަދި އެދުވަހެއްގައި ލިބޭ އަގުތައް އެދުވަހުގެ 14:00 ގެ ފަހުން ކައުންސިލްގެ އިދާރާއިން ނޯޓިސް ޢާންމުކުރާ ބޯޑުތަކުގައި ޢާންމުކުރެވޭނެއެވެ. ބީލަން ކާމިޔާބުކުރާ ފަރާތުގެ މަޢުލޫމާތު ކައުންސިލަށް ހުށަހެޅުމަށްފަހު އެފަރާތަކާއެކު ކަނޑައެޅިފައިވާ އެއްބަސްވުމުގެ ދަށުން ދޯނި ކުއްޔަށް ދޫކުރެވޭނެއެވެ. މިގޮތުން އެއްބަސްވުމުގެ ދަށުން އެޑްވާންސް ޕޭމެންޓްގެ ގޮތުގައި ކުއްޔަށް ހިފާ ފަރާތުން 2މަހުގެ ކުލި ދައްކަންޖެހޭނެއެވެ.

ވީމާ، ދޯނި ކުއްޔަށް ހިފުމަށް ޝަޢުޤުވެރިވާ ފަރާތްތަކަށް މިއަދުން ފެށިގެން ބީލަން ހުށަހެޅުމުގެ ފުރުޞަތުވަނީ ހުޅުވާލެވިފައެވެ. އިތުރު މަޢުލޫމާތު ސާފުކުރެއްވުމަށް ގުޅުއްވާނީ މިއިދާރާގެ ނަމްބަރ 6780034 އަށެވެ.

                     މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.