އެކްސްޕްރެޝަން އޮފް އިންޓްރެސްޓް ހުށަހެޅުއްވުމުގެ ދަޢުވަތު

ފިނިކުރާ ނިޒާމްތަކުގައި ބޭނުންކުރަމުންދާ އޯޒޯން ފަށަލައަށް ގެއްލުންދޭ މާއްދާތައް ބޭނުންކުރުން ހުއްޓާލުމަށް ކުރަމުންދާ މަސައްކަތްތަކުގެ ތެރެއިން ދިވެހިރާއްޖެއަށް އެތެރެކުރެވޭ ހައިޑްކްލޯރޯފްލޯރޯކާބަންސް މިހާރުވަނީ %64 މިންވަރު ދަށްކުރެވިފައެވެ. މިއަހަރު ދިވެހިރާއްޖެއަށް އެތެރެކުރެވޭނީ 22 މެޓްރިކްޓަނެވެ. އަދި 2020 ވަނަ އަހަރު މިއަދަދު %97.5 އަށް ދަށްކުރެވޭއިރު 2025-2020 އަށް ސާރވިސިންގ ގެ ގޮތުގައި %2.5 ބޭނުންކުރެވޭނެއެވެ.

މިކަމަށްޓަކައި، ފިނިކުރާ ނިޒާމްތަކުން އޯޒޯން ފަށަލައަށް ގެއްލުންދޭ މާއްދާތައް ރިކްލެއިމް ކުރާނެ އިކްއިޕްމަންޓްސްގެ ޒަރީއާއިން ރިކަވާ ކުރާ ގޭސްތައް އަލުން ބޭނުންކުރެވޭނެ ގޮތް ހެދުމަށްޓަކައި ރިކްލެމޭޝަން ސެންޓަރެއް ޤާއިމްކޮށް އެ ޚިދުމަތް ދިނުމަށް ޝަޢުގުވެރިވެލައްވާ ފަރާތެއް ހޯދުމަށް ބޭނުންވެއެވެ. ރިކްލެމޭޝަން އިކްއިޕްމަންޓްސް މިނިސްޓްރީ އޮފް އެންވަޔަރަންމަންޓްގެ ފަރާތުން ހިލޭ ފޯރުކޮށްދޭނެއެވެ. އަދި މި ޚިދުމަތް ދީގެން ލިބޭ މަންފާ ލިބޭނީ ޚިދުމަތް ދޭ ފަރާތަށެވެ.

ވީމާ، މިކަމަށް ޝައުގުވެރިވެލައްވާ ފަރާތްތަކުން 12 މާރިޗު 2019 ގެ ކުރިން އެކްސްޕްރެޝަން އޮފް އިންޓްރެސްޓް ހުށަހެޅުއްވުމުގެ ފުރުޞަތު ހުޅުވާލަމެވެ.

އެޓޭޗް ކުރެވިފައިވާ އެނެކްސް-1 ފޯމް ފުރިހަމަކުރުމަށް ފަހު ތިރީގައިވާ މެއިލް އަށް ނުވަތަ މި މިނިސްޓްރީގެ ކައުންޓަރަށް ހުށަހެޅުއްވުން އެދެމެވެ.

އެންވަޔަރަންމަންޓް ޑިޕާޓްމަންޓް

މިނިސްޓްރީ އޮފް އެންވަޔަރަމަންޓް،

ހަނދުވަރީ ހިނގުން، މާފަންނު، މާލެ، 20392، ދިވެހިރާއްޖެ.

އީމެއިލް: [email protected]

ވެބްސައިޓް: www.environment.gov.mv

ފޯން: 3018368، 3018366

ފެކްސް: 3018301