މާއުނގޫދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބެލުމުގެދަށުގައިވާ ބިން (ދަނޑުބިން)، މި އިދާރާއިން އާންމުކޮށްފައިވާ "މާއުނގޫދޫ އ.ތ.މ ކޮމިޓީގެ ދަނޑުބިން ކުއްޔަށްދޫކުރުމުގެ މިންގަނޑު" އާ އެއްގޮތަށް 5 އަހަރު ދުވަހުގެ މުއްދަތަށް ކުއްޔަށް ދޫކުރުމަށް ބޭނުންވެއެވެ. އެގޮތުން، ބިން ކުއްޔަށް ދޫކުރުމަށް ހަމަޖެހިފައިވަނީ ތިރީގައިވާ މުއްދަތުގެ ތެރޭގައި ނީލަން އުސޫލުން އެންމެ މަތީ އަގު ހުށަހަޅާ ފަރާތަކަށެވެ.

• ބިމުގެ ބޮޑުމިން: 4000 އަކަފޫޓު
• ބިން އޮތް ސަރަހައްދު: ރަށްދެބައިމަގުން، މާއުނގޫދޫ ވޭސްޓް މެނޭޖްމަންޓް ސެންޓަރ ކައިރިން ދެކުނަށް
• ފަށާ އަގު: މަހަކަށް -/1000 (އެއްހާސް) ރުފިޔާ
• އަގަށް އިތުރުކުރެވޭނެ އެންމެ ކުޑަ މިންވަރު: -/50 (ފަންސާސް) ރުފިޔާ
• ކުއްޔަށް ދޫކުރެވޭ މުއްދަތު: 5 (ފަހެއް) އަހަރު
• ފޯމާއެކު ހުށަހަޅަންޖެހޭ އެހެނިހެން ތަކެތި: ކުއްޔަށް ނަގާ ފަރާތުގެ އައި.ޑީ ކާޑުގެ ކޮޕީ
• އަގު ހުށަހެޅުމުގެ ސުންގަޑި: 22 އޮކްޓޫބަރު 2026 | 13:00

ބިން ކުއްޔަށް ދޫކުރެވޭނެ ފަރާތްތަކާއި، ބިމުގައި ކުރެވޭނެ މަސައްކަތްތަކާއި، އެހެނިހެން މަޢުލޫމާތު "މާއުނގޫދޫ އ.ތ.މ ކޮމިޓީގެ ދަނޑުބިން ކުއްޔަށްދޫކުރުމުގެ މިންގަނޑު" ގައި ހިމެނިފައިވާނެއެވެ.

ވީމާ، މި ބިން ކުއްޔަށް ނަގަން ބޭނުންވާ ފަރާތްތަކުން، ކައުންސިލްގެ އިދާރާއަށް ދުރުވެ " ކުލީބިމަށް އެދި އަގު ހުށަހަޅާ ފޯމް" ހުށަހެޅުއްވުން އެދެމެވެ.