ކަމާބެހޭ އެންމެހައި ފަރާތްތަކުގެ މަޢުލޫމާތަށްޓަކައި ދަންނަވަމެވެ.

ޔުނިވަރސިޓީ ކައުންސިލްގެ 12 އޮގަސްޓު 2026 ގެ ނިންމުން ނަންބަރު: UC-2026-77 އާ އެއްގޮތްވާ ގޮތުގެ މަތިން، މި އިދާރާގެ ނަން "ފެކަލްޓީ އޮފް މެރިޓައިމް ސްޓަޑީޒް" (Faculty of Maritime Studies) ގެ ނަމަށް ބަދަލުކުރެވިފައިވާ ވާހަކަ ދަންނަވަމެވެ.

މީގެއިތުރުން، މި ގެނެވުނު އިދާރީ ބަދަލާ ގުޅިގެން، މި މަރުކަޒުގެ 'ހެޑް އޮފް ސެންޓަރ' ގެ މަޤާމުގައި ހުންނެވި ކެޕްޓަން މުޙައްމަދު ޒައިދު ގެ މަޤާމުގެ ނަން، 'ޑީން' (Dean) ގެ މަޤާމަށް ބަދަލުވެފައިވާ ވާހަކަވެސް ދެންނެވީމެވެ.

ވީމާ، މި ތާރީޚުން ފެށިގެން މި އިދާރާއާ ގުޅޭ އެންމެހައި ރަސްމީ މުޢާމަލާތްތަކާއި ސިޓީތައް "ފެކަލްޓީ އޮފް މެރިޓައިމް ސްޓަޑީޒް" ގެ ނަމުގައި ކުރެއްވުމަށާއި، އިދާރާގެ އިސްވެރިޔާއަށް އެޑްރެސްކުރައްވާ ސިޓީތައް 'ޑީން' އަށް އެޑްރެސްކުރެއްވުން އެދެމެވެ.

މިކަން އާންމުކޮށް އަންގައި އިޢުލާން ކުރީމެވެ.