މ.ދިއްގަރު ވޮލީ ކޯޓަށާއި، ބައެއް މަގުބައްތިތަކަށް ކަރަންޓް ކޭބަލް އެޅުމުގެ މަސައްކަތްކުރުމަށް މި ކައުންސިލްއިން ބޭނުންވެއެވެ. ވީމާ މަސައްކަތުގެ މަޢުލޫމާތު ޝީޓާއި އެއްގޮތަށް، މި މަސައްކަތް ކުރުމަށް ޝައުޤުވެރިވެލައްވާ އެންމެހާ ފަރާތްތަކުން، 2026 އޮކްޓޫބަރ 7 ވާ ބުދަ ދުވަހުގެ ހެނދުނު 11:00 އަށް މިއިދާރާއަށް ދުރުވެ 'މަސައްކަތުގެ އަގު ފޯމު' ހުށަހެޅުއްވުން އެދެމެވެ.

މަސައްކަތުގެ އަގު ހުށަހެޅޭނީ އަމިއްލަ ފަރުދުންގެ ވިޔަފާރިއެއް ނުވަތަ ކުންފުންޏެއްގެ ނަމުގައެވެ. އަދި އަގު ފޯމް ހުށަހަޅާ ފަރާތްތަކުގެ ތެރެއިން މަސައްކަތް ހަވާލުކުރުމަށް ހަމަޖެހިފައިވަނީ، އެންމެ ކުޑަ އަގެއް ހުށަހަޅާ ފަރާތަކަށެވެ. އަދި ކުޑަ އަގު ހުށަހެޅި ފަރާތްތައް އެއްވަރުވާ ހާލަތްތަކުގައި ދެން ބަލާނީ މަސައްކަތް ނިންމުމަށް ހުށަހަޅާފައިވާ މުއްދަތަށެވެ.

މަސައްކަތުގެ މަޢުލޫމާތު ޝީޓާއި، މަސައްކަތުގެ އަގު ފޯމް ރަސްމީގަޑީގައި މި އިދާރާގެ ކައުންޓަރުން ލިބެން ހުންނާނެ ކަމުގައި ދަންނަވަމެވެ.