ދިވެހިރާއްޖެ
އިޢުލާނު
އިންޖީނުލީ ކަނޑު އުޅަނދުފަހަރު ދުއްވުމުގެ ލައިސަންސް ދޫކުރުމުގެ އަމަލީ ޓެސްޓް ކުރާނެ އެގްޒަމިނަރުން ހޯދުން
މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން ދޫކުރާ އިންޖީނުލީ ކަނޑު އުޅަނދުފަހަރު ދުއްވުމުގެ ލައިސަންސް ދޫކުރުމަށްޓަކައި ޢަމަލީ ޓެސްޓް ކުރާނެ އެގްޒަމިނަރުން ބޭނުންވެއްޖެއެވެ. މި މަސައްކަތަކީ އެހެން ވަޒީފާއެއްގައި އުޅެމުން ޕާޓްޓައިމްކޮށް ކުރެވިދާނެ މަސައްކަތެކެވެ.
- ބޭނުންވާ ޢަދަދު: 01
ޝަރުޠު
- ނިޔަމިކަމުގެ ސަނަދު އޮތުން.
- ދޫކުރި ތާރީޚުން ފެށިގެން 05 އަހަރު ވެފައިވާ ކަނޑުގައި ދުއްވާ އިންޖީނުލީ އުޅަނދު ދުއްވުމުގެ ލައިސަންސް ކެޓަގަރީތަކުގެ ތެރެއިން މަދުވެގެން A, A1, B, C, D ގިންތީގެ އުޅަނދު ދުއްވުމުގެ ލައިސަންސް ލިބިފައިވާ ފަރާތަކަށްވުން.
- ކަނޑު އުޅަނދު ދުއްވުމުގެ 5 އަހަރު ދުވަހުގެ ތަޖުރިބާ ލިބިފައިވާ ފަރާތެއްކަމުގައިވުން.
- ފާއިތުވި 5 އަހަރުގެ ދުވަހުގެ ތެރޭގައި ކަނޑު އުޅަނދު ދުއްވުމުގެ ޤަވާޢިދާއި ޚިލާފުވެ ކުށެއްކޮށްފައިވާކަން ސާބިތުވެފައި ނުވުން އަދި ޖިނާއީ ކުށެއްކޮށްފައިވާ މީހަކު ކަމުގައި ނުވުން.
- ޢުމުރުން 55 އަހަރު ނުވާ މީހެއްކަމުގައިވުން.
- ޓްރާންސްޕޯޓް މިނިސްޓްރީގައި ނުވަތަ ތިލަދުންމަތީ އުތުރުބުރީ އިހަވަންދޫ ކައުންސިލްގެ އިދާރާގައި ނުވަތަ ޑްރައިވިންގ ސްކޫލެއްގައި ވަޒީފާއަދާކުރާ މީހެއްކަމުގައި ނުވުން.
އުޖޫރަ
- އިމްތިޙާނުކުރާ ކޮންމެ އުޅަނދަކަށް -/30 ރުފިޔާ.
އެގްޒަމިނަރުން ހޮވުމުގައި ގިނަ ގިންތީގެ ލައިސަންސް/އޮޕްރޭޓް ކުރުމުގެ ހުއްދަ ލިބިފައިވާ ފަރާތްތަކަށް އިސްކަން ދެވޭނެއެވެ. އަދި މި ކައުންސިލުން ހަމަޖައްސާ ގަޑިތަކުގައި އެކަން ކުރެވޭނެ ފަރާތްތަކަށް ވެސް އިސްކަންދެވޭނެއެވެ.
ހުށަހަޅަންޖެހޭ ލިޔުންތައް
- އެގްޒަމިނަރުކަމަށް އެދި ހުށަހަޅާ ފޯމް
- ލައިސަންސް ފޮތުގެ ކޮޕީ އަދި ނިޔަމިކަމުގެ ސަނަދުގެ ކޮޕީ
- ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ކޮޕީ:
- ޕޮލިސް ރިޕޯޓު (ދޫކުރި ތާރީޚުން ފެށިގެން 3 މަސް ނުވާ)
- ވަޒީފާއަށް އެދޭ ފަރާތުގެ ވަނަވަރު (ސީވީ)
ވީމާ، މިކަމަށް ޝައުޤުވެރިވެ ވަޑައިގަންނަވާ ބޭފުޅުން 08 އޮކްޓޫބަރު 2026 ވަނަ ދުވަހުގެ 14.00 ގެ ކުރިން މި އިދާރާއަށް އެގްޒަމިނަރުކަމަށް އެދި ހުށަހަޅާ ފޯމް ހުށަހެޅުމަށް ދެންނެވީމެވެ. އަދި އިތުރު މަޢުލޫމާތު ސާފުކުރުމަށް ގުޅާނީ މި އިދާރާގެ ނަންބަރު 6500013 ފޯނާއެވެ. ހުށަހެޅުންތައް އީ-މެއިލް ކުރައްވާނީ، [email protected] އަށެވެ. އެގްޒަމިނަރުކަމަށް ވުމަށް އެދި ހުށަހަޅާ ފޯމް މި އިޢުލާނާއެކު ގެޒެޓް ކުރެވިފައިވާނެއެވެ. އަދި ފޯމް މި އިދާރާގެ ރިސެޕްޝަނުންވެސް ލިބެން ހުންނާނެއެވެ.
މިހެންވެ މިކަން އާންމުކޮށް އެންގުމަށްޓަކައި އިޢުލާން ކުރީމެވެ.