ބަންދާމެދު ގޮތެއް ނިންމުމުގެ މަޖިލިސް ބާއްވާ ވަގުތު ކަނޑައެޅުން

ގަވާއިދު ނަންބަރު: 2021-SC-REG-01 "ޝަރީޢަތްކުރުމާބެހޭ ޖިނާއީ އިޖުރާއަތުގެ ގަވާއިދު" ގެ 6 ވަނަ މާއްދާއާއި، 2026 އޮކްޓޫބަރު 1 ވަނަ ދުވަހުން ފެށިގެން ޢަމަލުކުރަން ފެށުމަށް ހަމަޖެހިފައިވާ ގަވާއިދު ނަންބަރު: 2026/R-60 'މެޖިސްޓްރޭޓް ކޯޓުތަކުގެ ގަވާއިދު' ގެ 20 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެ މަތިން، އދ. ޖުޑީޝަލް ދާއިރާގެ މެޖިސްޓްރޭޓް ކޯޓުތަކުން ކުށެއްގެ ތުހުމަތުގައި ބަންދުކޮށްފައި ހުންނަ މީހެއްގެ ބަންދާމެދު ގޮތެއް ނިންމުމުގެ މަޖިލިސްތައް ރަމަޟާން މަހާއި އެނޫން މަސްތަކުގައި ކުރިއަށް ގެންދިއުމަށް ހަމަޖެހިފައިވާ ދުވަސްތަކާއި ގަޑިތައް ތިރީގައި މިދަންނަވަނީއެވެ.

• ރަސްމީ ދުވަސްތަކު މެންދުރު 12:00 އިން މެންދުރުފަހު 14:00 އަށް އަދި ރޭގަނޑު 21:00 އިން 22:00 އަށް
• ބަންދު ދުވަސްތަކު މެންދުރުފަހު 15:00 އިން ހަވީރު 16:00 އަށް އަދި ރޭގަނޑު 21:00 އިން 22:00 އަށް
• ރަމަޟާންމަހު ރަސްމީ ދުވަސްތަކު ހެނދުނު 11:00 އިން މެންދުރު 12:00 އަށް އަދި ރޭގަނޑު 21:30 އިން 22:30 އަށް
• ރަމަޟާންމަހު ބަންދު ދުވަސްތަކު މެންދުރުފަހު 14:00 އިން ހަވީރު 15:00 އަށް އަދި ރޭގަނޑު 21:30 އިން 22:30 އަށް

ވީމާ، މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.

19 ރަބީޢުލްއާޚިރު 1448

30 ސެޕްޓެންބަރު 2026