މަޤާމު، ރޭންކް އަދި ބާވަތް:

ލީގަލް އޮފިސަރ (ދާއިމީ)

ބޭނުންވާ އަދަދު: 1

މަސައްކަތްކުރަން ޖެހޭ ތަން:

ދިވެހިރާއްޖޭގެ އިސްލާމީ ޔުނިވަރސިޓީ (މާލޭ ކެންޕަސް)

މަޤާމުގެ ޝަރުޠުތައް:

މަޤާމުގެ މަސައްކަތާއި ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑު ލެވެލް 7 ނުވަތަ 8 ގެ ސަނަދެއް ހާސިލުކޮއްފައިވުން

މަޤާމުގެ މަސައްކަތާއި ގުޅޭ ތަޢުލީމީ ދާއިރާތައް

ލޯ ، ޝަރީޢާ އެންޑް ލޯ

މަސައްކަތުގެ ތަޖުރިބާ ގުނުމުގައި ބަލާނެ ދާއިރާތައް

ޤާނޫނީ ދާއިރާގެ ޢަމަލީ މަސައްކަތްތައް

މަގާމަށް ޢައްޔަން ކުރާއިރު ބޭނުންވާ ލައިސަންސްތަކާއި ފުރިހަމަކުރުން ލާޒިމު ތަމްރީނުތައް:

ދިވެހިރާއްޖޭގައި ޤާނޫނީ ވަކީލެއްގެ ހައިސިއްޔަތުން މަސައްކަތްކުރުމުގެ ހުއްދަ

މަޤާމުގެ އަސާސީ މުސާރައާއި އެލަވަންސްތައް:

ލީގަލް އޮފިސަރ

އަސާސީ މުސާރަ: 12,870.00 ރުފިޔާ

މަޤާމުގެ އެލަވަންސް: 6,005.00 ރުފިޔާ

ހާޒިރީ އިނާޔަތް: 160 ރުފިޔާ (ހާޒިރުވާ ކޮންމެ ދުވަހަކަށް)

މަޤާމުގެ މަސްއޫލިއްޔަތު:

1. ޔުނިވަރސިޓީގެ މަސައްކަތްތަކާ ގުޅިގެން އެކި ފަރާތްތަކާއެކު  ވެވޭ އެއްބަސްވުންތަކާއި ފަހުމުނާމާތަކާއި، އެހެނިހެން ޤާނޫނީ ލިޔެކިޔުންތައް ތައްޔާރުކުރުމާއި، މުރާޖަޢާކުރުމާއި، ފައިނަލްކުރުމުގައި އެހީތެރިވެދިނުން.
2. ގާނޫނީ ދިރާސާތައް ކުރުމާއި، ކުރު ޚުލާސާތަކާއި، ޤާނޫނީ ބްރީފްތަކާއި، ރައުޔުތައް ތައްޔާރުކުރުން.
3. ޔުނިވަރސިޓީގެ ގަވާއިދުތަކާއި، އުސޫލުތަކާއި ސިޔާސަތުތައް އެކުލަވާލުމުގައްޔާއި، އެ ތަކެތި ޤާނޫނާ އެއްގޮތްކަން ކަށަވަރުކުރުމުގައި އެހީތެރިވުން.
4. އެކި ޤާނޫނީ އިޖުރާއަތްތަކާ ގުޅިގެން ތައްޔާރުކުރަންޖެހޭ ލިޔެކިޔުންތައް ތައްޔާރުކުރުމުގައި އެހީތެރިވުން.
5. ޤާނޫނީ ފައިލުތަކާއި، ޑޭޓާބޭސްތަކާއި، ރެކޯޑުތައް ބެލެހެއްޓުމާއި އަޕްޑޭޓްކުރުން.
6. ޔުނިވަރސިޓީގެ ލީގަލް ކައުންސެލްގެ އިރުޝާދާ އެއްގޮތްވާ ގޮތުގެމަތިން، ޤާނޫނީ ކަންކަމުގައި ޔުނިވަރސިޓީގެ ކުއްލިއްޔާތަކާއި، މަރުކަޒުތަކާއި، ސެންޓަރުތަކާއި، ޔުނިވަރސިޓީގެ ޑިޕާޓްމަންޓްތަކާއި، ސެކްޝަންތަކާ ގުޅިގެން މަސައްކަތްކުރުން.
7. ޤާނޫނީ އަދި ކޮމްޕްލަޔަންސް ކަންކަމާ ގުޅޭ ލިޔުންތަކާއި، މެމޯތަކާއި، ރިޕޯޓްތައް ތައްޔާރުކުރުން.
8. ޤާނޫނީ ބައްދަލުވުންތަކާއި، އަޑުއެހުންތަކާއި، މަޝްވަރާތަކުގައި އިދާރީ އެހީތެރިކަން ފޯރުކޮށްދިނުން.
9. ކަނޑައެޅިފައިވާ ވަގުތުތަކަށް ނިންމަންޖެހޭ ޤާނޫނީ މަސައްކަތްތައް ނިންމުމާއި، ފައިލުތައް އަދާހަމަ ކުރުމާއި، މަސައްކަތާ ގުޅިގެން އެކި މުއައްސަސާތަކުން ހޯދަންޖެހޭ ލިޔެކިޔުންތައް ހޯދުން.
10. ލީގަލް އެފެއާޒް ޑިޕާރޓްމަންޓް ހަރުދަނާ ގޮތެއްގައި ހިންގުމަށްޓަކައި ހަވާލުކުރެވޭ އެހެނިހެން މަސްއޫލިއްޔަތުތައް އަދާކުރުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

• ލިބިފައިވާ ތަޢުލީމާއި ތަމްރީނު
• ލިބިފައިވާ މަސައްކަތުގެ ތަޖުރިބާ (ގުޅޭ ދާއިރާއިން)
• ލިބިފައިވާ ހުނަރު (އިންޓަރވިއު/ޕްރެކްޓިކަލްސް)

ވަޒީފާއަށް އެދި ހުށަހަޅަންޖެހޭ ލިޔެކިޔުންތައް:

• ދިވެހިރައްޔިތެއްކަން އަންގައިދޭ ކާޑުގެ ސާފު ކޮޕީ (ދެ ފުށް ފެންނާނެހެން ކިޔަން އެނގޭ ފަދަ ސާފު ކޮޕީއެއް)
• ވަޒީފާގައި އުޅުއްވާ ނުވަތަ އުޅުއްވާފައިވާ ބޭފުޅެއްނަމަ އަދާކުރައްވާ ނުވަތަ އަދާ ކުރެއްވި ވަޒީފާގެ މަސްއޫލިއްޔަތު އެނގޭނެ ރަސްމީ ލިޔުމެއް
• ވަޒީފާއަށް ކުރިމަތިލާ ފަރާތުގެ މަސައްކަތް ބެލެހެއްޓެވި ސްޕަވައިޒަރަކު އެފަރާތެއްގެ މަސައްކަތާ މެދު ދެކޭ ގޮތުގެ ލިޔުމެއްއޮތްނަމަ، އެފަދަ ލިޔުމެއްގެ ކޮޕީ
• ލިބިފައިވާ ތަޢުލީމީ ސެޓްފިކެޓްތަކާއި ޓްރާންސްކްރިޕްޓްތަކުގެ ކޮޕީ (ރާއްޖެއިން ބޭރުގެ ޔުނިވަރސިޓީ އަކުން ނުވަތަ ކޮލެޖަކުން ހަދާފައިވާ ކޯހެއްނަމަ އެކްރިޑިޓް ނުވަތަ ވެލިޑޭޓް ކޮށްފައިވާ ކޮޕީ) 
• ވަޒީފާއަށް ކުރިމަތިލާ ފަރާތުގެ ވަނަވަރު (ގުޅޭނެ ފޯނު ނަންބަރާއެކު)

ވަޒީފާއަށް އެދި ހުށަހަޅާނެ ގޮތް:

• ވަޒީފާއަށް އެދި ހުށަހަޅާނީ ތިރީގައި މި ވާ ލިންކް ބޭނުންކޮށްގެންނެވެ.

    https://sl1nk.com/qvy3su1

• އަޕްލޯޑްކުރާ އެންމެހާ ލިޔެކިޔުންތައް ހުންނަންވާނީ ސާފުކޮށް ކިޔަން އެނގޭނެ ފަދަ ގޮތަކަށެވެ.

• އިޢުލާނުގައި ބަޔާން ކުރެވިފައިވާ ހުރިހާ ލިޔެކިޔުންތައް އެޕްލިކޭޝަނާއެކު ފޮނުވަން ޖެހޭނެއެވެ.

އިޢުލާނުގެ މުއްދަތު ހަމަވާ ތާރީޚް:

• 07 އޮކްޓޫބަރ 2026 ދުވަހުގެ 23:59 އަށް

ނޯޓް:

• އިޢުލާނުގެ މުއްދަތުގެ ތެރޭގައި ފޮނުވާ އެއްވެސް އެޕްލިކޭޝަނަކަށް، އިޢުލާނުގެ މުއްދަތު ހަމަނުވަނީސް ޢަމަލެއް ނުކުރާނެއެވެ.
• އިޢުލާނުގައި ބަޔާންކޮށްފައިވާ ލިޔެކިޔުންތައް ފުރިހަމަ ނުވާ އެޕްލިކޭޝަންތައް ބާޠިލުވާނެއެވެ.
• އިންޓަރވިޔު ކުރެވޭނީ އިޢުލާނުގައި ބަޔާންކުރެވިފައިވާ މަޤާމަށް ޝަރުޠު ހަމަވާ ކެންޑިޑޭޓުންގެ ތެރެއިން ޝޯޓްލިސްޓް ކުރެވޭ ފަރާތްތަކާ އެކަންޏެވެ.
• މަޤާމަށް ނުހޮވޭ ކެންޑިޑޭޓުންނަށް ސިޓީ ފޮނުވޭނީ އިންޓަވިއުކޮށް ނިމުމަށް ފަހުގައެވެ.

• މިމަޤާމަށް ހޮވޭ މުވައްޒަފަކު މަސައްކަތް ކުރައްވަން ޖެހިވަޑައިގަންނަވާނީ ހެނދުނު 8:00 ން ރޭގަނޑު 23:00 އާ ދެމެދު ޔުނިވަރސިޓީއިން އަންގާ ގޮތެއްގެ މަތިން ދުވާލަކު 6 ގަޑިއިރެވެ.

• މި މަގާމަށް މީހަކު ހޮވުމަށް އިންޓަރވިއުކުރުން އޮންނާނީ 08 އޮކްޓޫބަރ 2026 ވަނަ ދުވަހުން 08 ނޮވެންބަރ 2026 ވަނަ ދުވަހުގެ މުއްދަތުގެ ތެރޭގައެވެ. އިންޓަރވިއު އޮންނާނެ ތަނަކާއި ވަގުތު ކެންޑިޑޭޓުންނަށް ދުރާލާ އެންގޭނެއެވެ. ވުމާއެކު ވަޒީފާއަށް ކުރިމަތިލާ ފަރާތްތަކުން، މަތީގައިވާ ތާރީޚުތަކުގައި އިންޓަރވިއުއަށް ހާޒިރުވުމަށް ތައްޔާރުވެގެން ތިއްބެވުން އެދެމެވެ.

އިތުރު މަޢުލޫމާތު:

• މަޢުލޫމާތު ސާފުކުރުމަށް ގުޅާނީ، 1405 ހޮޓްލައިނަށެވެ.
• މި މަޤާމަށް ހޮވޭ ކެންޑިޑޭޓަކު ވަޒީފާއަށް ނުކުންނަ ތާރީޚުން ފެށިގެން ފުރަތަމަ 3 މަސްދުވަސް ބެލެވޭނީ، ވަޒީފާގެ ޕްރޮބޭޝަން މުއްދަތުގެ ގޮތުގައެވެ. މި މުއްދަތުގެ ތެރޭގައި މުވައްޒަފުގެ މަސައްކަތުގެ ފެންވަރާއި، މަސައްކަތްތަކުގެ އަޚުލާޤަށް ބަލައި،  އެއްވެސް ނޯޓިހެއް ދިނުމަކާނުލައި، ވަޒީފާގެ އެއްބަސްވުން އުވާލައި، މުވައްޒަފު ވަޒީފާއިން ވަކިކުރުމުގެ އިޚުތިޔާރު ޔުނިވަރސިޓީއަށް ލިބިގެންވެއެވެ.