ސައުދީ ޢަރަބިއްޔާގެ ރިޔާދުގައި މި އަހަރު ނޮވެމްބަރ 16 އިން 19 އަށް ބޭއްވުމަށް ހަމަޖެހިފައިވާ ސިޓީސްކޭޕް ގްލޯބަލް އެގްޒިބިޝަން ގައި ބައިވެރިވުމުގެ ފުރުސަތު ދިވެހިރާއްޖެ އަށް ހުޅުވާލެވިފައިވާކަމުގެ މައުލޫމާތު ސައުދީ އަރަބިޔާގެ ސަރުކާރުން ވަނީ މި މިނިސްޓްރީ އާއި ހިއްސާކުރައްވާފައެވެ. މި މަޢުރަޒުގައި ރާއްޖޭގެ ކުންފުނިތަކާއި ކަމާއި ގުޅޭ ފަރާތްތަކުން ބައިވެރިވުމަށް، މިމަޢުރަޒު އިންތިޒާމު ކުރާ ފަރާތުން ވަނީ ދަޢުވަތު އަރުވާފައެވެ.               

    މި މަޢުރަޒުގެ މަޤްސަދަކީ، ރިއަލް އެސްޓޭޓް އިންވެސްޓްމަންޓްތައް ކުރިއަރުވައި، ސަރުކާރުތަކުގެ މެދުގައި އަދި އަމިއްލަ ދާއިރާގެ ކުންފުނިތަކުގެ މެދުގައި ޕާޓްނާޝިޕްތައް ޤާއިމްކުރުމަށް މަގުފަހިކޮށްދިނުމާއި، އާރބަން ޑިވެލޮޕްމަންޓްގެ ބޮޑެތި މަޝްރޫއުތައް ދައްކާލުމުގެ އިތުރުން ދެމެހެއްޓެނިވި، ސްމާޓް އަދި އީޖާދީ ސިޓީތަކާ ބެހޭ މައުލޫމާތާއި ހުނަރު ބަދަލުކުރުމަށްޓަކައި ބައިނަލްއަޤްވާމީ މައިދާނުގައި ފުރުސަތު ފަހިވެގެން ދިޔުމެވެ.  މީގެ އިތުރުން، މިހަރަކާތަކީ ދުނިޔޭގެ އެކި ކަންކޮޅުތަކުގެ އިންވެސްޓަރުންނާއި، ޑިވެލޮޕަރުން، މާލީ އިދާރާތައް އަދި ޓެކްނޮލޮޖީ ފޯރުކޮށްދޭ ފަރާތްތަކާއެކު ގުޅުން ގާއިމުކުރުމަށާއި، އިންވެސްޓްމަންޓާއި އެއްބާރުލުން ދެވިދާނެ ފުރުސަތުތައް ހޯދައި އަދި ދެނެގަތުމަށް ލިބޭ މުހިންމު ފުރުސަތެކެވެ.   

    މި މައުރަޒު ގައި ބައިވެރިވުމަށް ޝައުގުވެރިވާ ފަރާތްތަކުން، މައުރަޒުގެ ރަސްމީ ވެބްސައިޓް (https://cityscapeglobal.com) މެދުވެރިކޮށް އޮންލައިން އެޕްލިކޭޝަން ފުރިހަމަކުރެއްވުމަށްފަހު، މި މައުލޫމާތު [email protected] އަށް އީމެއިލް ކޮށްދެއްވުން އެދެމެވެ. އަދި، މި މައުރަޒާ ގުޅޭ އިތުރު މައުލޫމާތު މި ވެބްސައިޓް މެދުވެރިކޮށް ލިބޭނެ ވާހަކަ ދަންނަވަމެވެ.