އިންޑިއާގެ ނިއުދިއްލީގައި މި އަހަރު ނޮވެންބަރު މަހު 14 އިން 27 އަށް ބޭއްވުމަށް ހަމަޖެހިފައިވާ 45 ވަނަ އިންޑިއާ އިންޓަނޭޝަނަލް ޓްރޭޑް ފެއާރ ގައި ބައިވެރިމުގެ ފުރުސަތު ދިވެހިރާއްޖެ އަށް ހުޅުވާލެވިފައިވާކަމުގެ މައުލޫމާތު އިންޑިއާގެ ސަރުކާރުން ވަނީ މި މިނިސްޓްރީއާއި ހިއްސާކުރައްވާފައެވެ. މި ފެއަރ ގައި ރާއްޖޭގެ ކުންފުނިތަކާއި، ސިނާއީ ދާއިރާގައި ހަރަކާތްތެރިވާ ފަރާތްތަކުން ބައިވެރިވުމަށް، މި ފެއަރ އިންތިޒާމު ކުރާއްވާ ފަރާތުން ވަނީ ދަޢުވަތު އަރުވާފައެވެ.

  މި ފެއާރގެ މަޤްސަދަކީ، ބައިނަލްއަޤްވާމީ ވިޔަފާރި އާއި އިޤްތިޞާދީ އެއްބާރުލުން އިތުރުކުރުމުގެ ގޮތުން، އުފެއްދުންތަކާއި ޚިދުމަތްތައް އަދި ވިޔަފާރި އިޝްތިހާރުކުމާއި، ވިޔަފާރިއާއި އިންވެސްޓްމަންޓްގެ ފުރުސަތުތައް ފަހި ކޮށްދިނުމާއި، ވިޔަފާރިތަކުގެ މެދުގައި އޮންނަ ގުޅުމާއި އިންވެސްޓްމަންޓްގެ ފުރުޞަތުތައް ފަހިކޮށްދިނުމުގެ އިތުރުން، ބައިނަލްއަޤްވާމީ ވިޔަފާރީގެ ގުޅުންތައް ވަރުގަދަ ކުރުމަށެވެ. މީގެއިތުރުން، މިހަރަކާތަކީ ދުނިޔޭގެ އެކި ކަންކޮޅުތަކުގެ އިންވެސްޓަރުންނާއި، ޑިވެލޮޕަރުން، އަދި ޓެކްނޮލޮޖީ ފޯރުކޮށްދޭ ފަރާތްތަކާއެކު ގުޅުން ގާއިމުކުރުމަށާއި، އިންވެސްޓްމަންޓާއި އެއްބާރުލުން ދެވިދާނެ ފުރުސަތުތައް ހޯދައި، ދެނެގަތުމަށް ލިބޭ މުހިންމު ފުރުސަތެކެވެ.                   

  މިފެއާރ ގައި ބައިވެރިވުމަށް ޝައުގުވެރިވާ ފަރާތްތަކުން، މި ފެއަރ އިންތިޒާމްކުރައްވާ ފަރާތުގެ ރަސްމީ ވެބްސައިޓް (https://www.itpo.gov.in/iitf) މެދުވެރިކޮށް އޮންލައިން އެޕްލިކޭޝަން ފުރިހަމަކުރެއްވުމަށްފަހު، މި މައުލޫމާތު [email protected] އަށް އީމެއިލް ކޮށްދެއްވުން އެދެމެވެ. އަދި، މި މައުރަޒާ ގުޅޭ އިތުރު މައުލޫމާތު މި ވެބްސައިޓް މެދުވެރިކޮށް ލިބޭނެ ވާހަކަ ދަންނަވަމެވެ.