ގެތަކާއި ޢިމާރާތްތަކުގެ ފުރާޅުން މަގުމައްޗަށް އެޅޭ ފެން ހިންދުމާގުޅޭ:

މި ރަށުގެ ބައެއް ގެތަކާއި ޢިމާރާތްތަކުގެ ފުރާޅުންނާއި ފުރާޅުގެ ދިޔަދޮވި ހޮޅިން އަންނަ ފެން މަގުމައްޗަށް އެޅޭ ގޮތަށް ދޫކޮށްފައިވާކަންވަނީ ފާހަގަ ކުރެވިފައެވެ. މިކަމުގެ ސަބަބުން ވިއްސާރަވެ ވާރޭވެހޭ މޫސުމްތަކުގައި މަގުތަކުގައި ފެންބޮޑުވާ މިންވަރު އިތުރުވެ، މަގުހިނގާ ފަރާތްތަކަށާއި ދުއްވާ އުޅަނދުތަކަށް ދަތިތަކާއި ކުރިމަތިވެ ނުރައްކާތެރި ހާދިސާތައް ކުރިމަތިވަމުން އަންނަކަން ފާހަގަ ކުރެވެއެވެ. އަދި މީގެ އިތުރުން ބައެއް ގޭގެއަށް ފެންވަދެ އެގޭގޭގެ މުދަލަށާއި ހިފާގެންގުޅޭ ތަކެއްޗަށް ގެއްލުން ލިބޭ ކަމުގެ ޝަކުވާތައް ދަނީ ލިބެމުންނެވެ.  

ގޯތީގައި ކޮށްފައިހުންނަ ޢިމާރާތްތަކުގެ ފުރާޅުން މަގުމައްޗަށް ފެން ފައިބާނެހެން ބެހެއްޓުމަކީ މަނާކަމެއް ކަމުގައި ދަންނަވަމެވެ. ޢިމާރާތުގެ ފުރާޅު މަގުމައްޗަށް ވާގޮތަށް ހުންނަނަމަ ހުންނަންވާނީ، ދިޔަދޮވި ހަރުކޮށް، ހޮޅި ބިމުގެ އަޑިއަށްލާ ފެން ހިނދޭނެގޮތް ހަދާފައެވެ.

 މަގު ބޭނުންކުރައްވާ ފަރާތްތަކުގެ ސަލާމަތާއި ރައްކާތެރިކަމަށްޓަކައި، ގެތަކުގެ ވެރިފަރާތުން ނުވަތަ އެފަރާތުން ހަމަޖައްސަވައިގެން ގެ ބެލެހެއްޓުމަށް ޙަވާލު ވެލައްވާފައިވާ ފަރާތްތަކުން މިއަދުން ފެށިގެން 6 (ހައެއް) މަސް ދުވަހުގެ ތެރޭގައި، ޢިމާރާތްތަކުގެ ފުރާޅުންނާއި ފުރާޅުގެ ދިޔަދޮވި ހޮޅިން މަގުމައްޗަށް ފެން ނޭޅޭގޮތް ހެދުމަށް، އެ ގެއެއްގެ ޓައުނުން ބޭރަށް ބިމުގެ އަޑިއަށް ފެން ހިންދޭނެ އިންތިޒާމް ހަމަޖެއްސުމަށް ދަންނަވަމެވެ.

އަދި މިމަސައްކަތުގައި އެންމެހާ ރައްޔިތުންގެ ފުރިހަމަ އެއްބާރުލުމާއި، އެހީތެރިކަން ދެއްވުމަކީ މިކައުންސިލްގެ ވަރަށްބޮޑު އެދުމެކެވެ.

މިހެންވެ މިކަން ޢާއްމުކޮށް އަންގާ އިޢުލާން ކުރީމެވެ.