ބަންގްލަދޭޝް ތިއޭޓަރ ކެރަވަން" 2026 ގައި ދިވެހިރާއްޖެއިން ބައިވެރިވުމުގެ ފުރުޞަތު ވަނީ ލިބިފައެވެ.
ބަންގްލަދޭޝް ތިއޭޓަރ ކެރަވަން 2026 އަކީ އެ ގައުމުގެ އެކި ސަރަހައްދުތަކުގެ ހުނަރުވެރި ވާހަކަތަކާއި، ފަންނީ ބަދަލުތަކާއި، އަދި ހަރަކާތްތެރިކަން ދައްކުވައިދިނުމަށް ބާއްވާ ފެސްޓިވަލެކެވެ.

މައިގަނޑު ތީމްތައް

ތިރީގައިވާ ދާއިރާތަކުގެ ތެރެއިން އެއް ދާއިރާ ނުވަތަ އެއަށްވުރެ ގިނަ ދާއިރާތަކާ ގުޅުންހުރި ޕްރޮޑަކްޝަންތަށް ހުށަހެޅޭނެއެވެ.

• ތިމާވެށި، މޫސުން އަދި އިންސާފު  (Ecology, Climate & Justice)
• ދިރިހުރި ތާރީޚާއި ސަގާފީ ހަނދާންތައް  (Living Heritage & Cultural Memory)
• ސައުތު އޭޝިއާގެ ވާހަކަތަކާއި ހިއްސާކުރެވޭ ތާރީޚު  (South Asian Stories & Shared Histories)
• ޒަމާނީ ތިއޭޓަރ / ފަންނުވެރިކަން  (Contemporary Theatre)
• ތަޖުރިބާކާރު އަދި ތަފާތު ދާއިރާތައް ގުޅުވައިގެން ހުށަހަޅާ ހުށަހެޅުންތައް  (Experimental & Interdisciplinary Performance)

ޝަރުތުތައް

• ޖިއޮގްރަފިކް ބޮޑުމިން (ސަރަހައްދު): ސާކްގެ 8 (އަށެއް) ގައުމަށް ނިސްބަތްވާ ތިއޭޓަރ ކުންފުނިތަކަށާއި، ހުށަހެޅުންތައް ހުށަހަޅައިދޭ ގްރޫޕްތަކަށާއި، އަދި މިނިވަން ކަލެކްޓިވްތަކަށް ފުރުސަތު ހުޅުވާލެވިފައިވެއެވެ.
• ރަނިންގް ޓައިމް: ޕްރޮޑަކްޝަންގެ ދިގުމިން ހުންނަންވާނީ ކަނޑައެޅިގެން 50 މިނެޓާއި 80 މިނެޓާއި ދެމެދުގައެވެ.
• ބައިވެރިންގެ ލިމިޓް: ބައިވެރިންގެ ޖުމްލަ ބައިވެރިންގެ އަދަދު (އެކްޓަރުން، ކްރޫން އަދި އާޓިސްޓިކް ޓީމް ހިމެނޭގޮތަށް) 10  ބައިވެރިންނަށްވުރެ އިތުރުވެގެން ނުވާނެއެވެ.
• ޖެންޑަރ ރެޕްރިސެންޓޭޝަން: ޓީމް އެކުލަވާލުމުގައި ޖިންސީ ހަމަހަމަކަމާއި އެންމެން ހިމެނޭފަދަ ގޮތަކަށް ބެލެންސްކުރުމަށް ސަމާލުކަން ދޭންވާނެއެވެ.
• ދަތުރުފަތުރުގެ ފަސޭހަކަން: ޕްރޮޑަކްޝަންތަކަކީ ޓުއާ ކުރުމަށާއި ފެސްޓިވަލްގެ އެކި ކަހަލަ ސްޓޭޖް ސެޓަޕްތަކަށް ޓެކްނިކަލް ގޮތުން ފަސޭހައިން ބަދަލުތައް ގެނެވޭ ފަދަ ހުށަހެޅުންތަކަކަށް ވާންޖެހޭނެއެވެ.

ފެސްޓިވަލް ސަޕޯޓް އެންޑް އޮފަރސް

ހޮވޭ ޕްރޮޑަކްޝަންތަކަށް، ފެސްޓިވަލްގައި ބައިވެރިވުމުގެ ފައިނަލް އެއްބަސްވުމާއި ފެސްޓިވަލްގެ ވަސީލަތްތައް ހުރި މިންވަރަކުން ތިރީގައިވާ އެހީތެރިކަން ފޯރުކޮށްދެވޭނެއެވެ:

• ފެސްޓިވަލްގައި ހުށަހެޅުންތައް ދައްކާލުމުގެ ފުރުސަތުތައް
• ހުށަހެޅުންތައް ކުރިއަށްދާ ވަގުތު ބޭނުންވާ ޓެކްނިކަލް އަދި ޕްރޮޑަކްޝަން އެހީތެރިކަން.
• އެތޭރެގެ ދަތުރުފަތުރުގެ ކަންކަން (އަދި ވަކިވަކި އެއްބަސްވުންތަކާ އެއްގޮތްވާ ގޮތުގެ މަތިން އިންޓަރނޭޝަނަލް ޓްރެވަލް ސަޕޯޓް).
• ހުރުމާއި ކެއުމުގެ އިންތިޒާމުތައް.
• ބައިވެރިވާ ގްރޫޕްތަކަށް ދެވޭ ހުށަހެޅުމުގެ އުޖޫރަ (އޮނަރޭރިއަމް).
• މީޑިއާ ކަވަރޭޖް، އަރުޝީފް ޑޮކިއުމަންޓޭޝަން، އަދި ސައުތު އޭޝިއާގެ ނެޓްވޯކިންގ ފުރުސަތުތައް.

ވީމާ، މި ކެރަވަންގައި ބައިވެރިވެލެއްވުމަށް ޝައުޤުވެރިވެލައްވާ ފަރާތްތަކުން 05 އޮކްޓޯބަރ 2026 ވަނަ ދުވަހުގެ ކުރިން https://bangladeshtheatrecaravan2026.com/open-call މެދުވެރިކޮށް ބައިވެރިވުމަށް އެދޭ ފޯމު އަދި ޕްރޮޑަކްޝަން ހުށަހެޅުއްވުން އެދެމެވެ.  އަދި މި މުބާރާތާއި ގުޅޭ އިތުރު މަޢުލޫމާތު މި އިޢުލާނާއިއެކު އެއްކަރުދާސް ކުރެވިފައިވާނެއެވެ.