މި ވުޒާރާގެ ނަންބަރު (IUL)28-CM-1/1/2026/224 އިއުލާން މެދުވެރިކޮށް، ދިވެހިރާއްޖޭގައި ނުރައްކާތެރި ކެމިކަލް ވިއްކާފަރާތްތަކުން އެކެމިކަލްތައް ވިއްކުމަށްޓަކައި "ކެމިކަލް ވިއްކުމުގެ ހުއްދަ" ނެންގެވުމަށާއި އަދި ނުރައްކާތެރި ކެމިކަލް ވިއްކުމަށްޓަކައި އެ ކެމިކަލްތައް ސްޓޯރ ކުރާ ނުވަތަ ބަހައްޓާ ތަންތަން މަކުޑި ޕޯޓަލްގައި ރެޖިސްޓަރ ކުރެއްވުމަށް ދެވިފައިވާ މުއްދަތު ވަނީ ހަމަވެފައެވެ. އެހެންނަމަވެސް މި މުއްދަތުގެ ތެރޭގައި ކެމިކަލް ވިއްކާ ފިހާރަތައް ރަޖިސްޓްރީކުރުމާއެކު ހުއްދަ ހޯދުމަށް އެދިލައްވާފައިވާ ފަރާތްތަކުގެ އަދަދު ނިސްބަތުން މަދު ކަމުގައިވަނީ މި ވުޒާރާއަށް ފާހަގަކުރެވިފައެވެ.

ދަންނަވަމެވެ. ދިވެހިރާއްޖޭގައި ނުރައްކާތެރި ކެމިކަލް ވިއްކާ ފަރާތްތަކުން، "ކެމިކަލް ވިއްކުމުގެ ހުއްދަ" ނެންގެވުމަށާއި، އެ ކެމިކަލްތައް ވިއްކުމަށްޓަކައި ސްޓޯރ ކުރާ ނުވަތަ ބަހައްޓާ ތަންތަން މަކުޑި ޕޯޓަލްގައި ރެޖިސްޓަރ ކުރެއްވުމަށް ދެވިފައިވާ މުއްދަތަށް މިއަދުން ފެށިގެން 1 މަސް ދުވަސް އިތުރު ކުރެވިފައިވާ ކަމުގައި ދެންނެވީމެވެ.

ވީމާ، މިމުއްދަތުގެ ތެރޭގައި ރަޖިސްޓަރީ ނުކޮށް ކެމިކަލް ވިއްކަމުންގެންދާ ފަރާތްތަކާއިމެދު ޤަވާޢިދު ނަންބަރު 2019/R-1057 (ނުރައްކާތެރި ކެމިކަލާއިބެހޭ ޤަވާޢިދު 2019) ގެ ދަށުން ފިޔަވަޅު އަޅައި އެފަރާތްތަކަށް ނުރައްކާތެރި ކެމިކަލް ރާއްޖެ އެތެރެކުރުމުގެ ހުއްދަ އިތުރަށް ދެވެން ނޯންނާނެ ކަމުގައި ދަންނަވަމެވެ.