ދިވެހިރާއްޖެ
ރަމަޟާންމަހަށް ދަނޑުވެރިން އުފައްދާ ތަކެތި މާލެ ގެނެސް ވިއްކުމަށް ލުއިފަސޭހަ ގޮތްތަކެއް ހޯދައިދިނުމުގެގޮތުން މިނިސްޓްރީ އޮފް ފިޝަރީޒް،އެގްރިކަލްޗަރ އެންޑް އޯޝަން ރިސޯސްއިން ގެންދަވަނީ 1448 ވަނަ އަހަރުގެ ރަމަޟާންމަހަށް ޚާއްޞަކޮށްގެން މާލެ ސަރަޙައްދުގައި ވަގުތީ މާރުކޭޓެއް ޤާއިމުކުރުމުގެ މަސައްކަތް ކުރައްވަމުންނެވެ. މިމާރުކޭޓަކީ ރަމަޟާންމަހަށް އަމާޒުކޮށް އުފައްދާ ދަނޑުވެރިކަމުގެ ބާވަތްތައް ވިއްކުމަށްޓަކައި ރަށްރަށުން މާލެ އަންނަ ފަރާތްތަކަށް ޚާއްސަކުރެވިގެން ހިންގުމަށް ހަމަޖެހިފައިވާ މާރުކޭޓެކެވެ.
އެހެންކަމުން މިމާރުކޭޓުގައި ބައިވެރިވެ ތަކެތި ވިއްކުމަށް ޝައުޤުވެރިވާ ދަނޑުވެރިން މިހާރުން ފެށިގެން އެކަމަށް ތައްޔާރުވަމުން ގެންދިއުމަކީ މިނިސްޓްރީގެ ވަރަށްބޮޑު އެދުމެއްކަމުގައި ދެންނެވީމެވެ. ވީމާ، މިމާރުކޭޓުގައި ބައިވެރިވާން އެދޭ ލަންދޫގެ ދަނޑުވެރިން 21 އޮކްޓޯބަރ 2026 ވަނަ ދުވަހުގެ 11:30 ގެކުރިން ތިރީގައިވާ އޮންލަައިން ފޯމް މެދުވެރިކޮށް ހުށަހެޅުމަށް ހުޅުވާލަމެވެ.
މިހެންވެ މިކަން އާއްމުކޮށް އެންގުމަށްޓަކައި އިއުލާންކުރީމެވެ.
10 ރަބީޢުލްއާޚިރާ 1448
20 ސެޕްޓެމްބަރ 2026
އަޔާޒު ޙުސެއިން
ކައުންސިލްގެ ރައީސް