އެކްސްކަވޭޓަރެއް ސަޕްލައި ކޮށްދިނުމަށް އަންދާސީ ހިސާބު ހުށައެޅުމުގެ ދަޢުވަތު

                  މި އިދާރާއިން ދޭ މަޢުލޫމާތާ އެއްގޮތް އެކްސްކަވޭޓަރެއް، މިކައުންސިލަށް ފޯރުކޮށްދޭނެ ފަރާތެއް ހޯދަން ބޭނުން ވެއްޖެއެވެ.

މި ބީލަމުގައި ބައިވެރިވުމަށް ޝައުޤުވެރިވެލައްވާ، ދިވެހިރާއްޖޭގެ ވިޔަފާރި ރަޖިސްޓަރީ ކުރުމުގެ ޤާނޫނު (18/2014) ގެ ދަށުން ރަޖިސްޓަރީ ކޮށްފައިވާ ވިޔަފާރިތަކާއި، އަމިއްލަ ފަރުދުންގެ ވިޔަފާރި ޤާނޫނު (19/2014) ގެ ދަށުން ވިޔަފާރި ރަޖިސްޓަރީ ކޮށްފައިވާ ފަރާތްތަކުން، 2026 އޮގަސްޓް 16 ވާ އާދިއްތަ ދުވަހުގެ 13:00 ގެ  ކުރިން، ބީލަމުގައި ރަޖިސްޓްރީ ވެލެއްވުމަށް ތިރީގައިވާ ލިންކް މެދުވެރިކޮށް ރަޖިސްޓްރީ ކުރެއްވުން އެދެމެވެ. ރަޖިސްޓްރޭޝަން ލިންކް:   https://forms.cloud.microsoft/r/UTri2Tv9Ys?origin=lprLink

ދީފައިވާ މުއްދަތުގެ ތެރޭގައި ބީލަން ރަޖިސްޓްރޭޝަން ފޯމް ހުށައަޅުއްވާފައި ނުވާ ފަރާތްތަކަށް ބީލަން ހުށައެޅުމުގެ ފުރުޞަތު ނުދެވޭނެއެވެ. ބީލަމުގައި ބައިވެރިވުމަށް ރަޖިސްޓްރީކުރާ ފަރާތްތަކަށް ބޭނުންވާނެ މަޢުލޫމާތު ކަރުދާސްތަކާއި ބީލަންފޮތް، އީމެއިލްގެ ޒަރީއާއިން ފޯރުކޮށް ދެވޭނެއެވެ. އިތުރުމަޢުލޫމާތު ސާފުކުރެއްވުމަށް [email protected] އަށް އީ-މެއިލް ކުރެއްވުން އެދެމެވެ. މިކަމާ ގުޅޭގޮތުން އިތުރު މަޢުލޫމާތު ބޭނުންވެ ލައްވާނަމަ، މަތީގައިވާ މުއްދަތުގެ ތެރޭގައި، މެއިލް މެދުވެރިކޮށް ފޮނުއްވުން އެދެމެވެ.  ފޯނުމެދުވެރިކޮށް މަޢުލޫމާތު ސާފުކުރައްވަން ބޭނުންވެލައްވާ ފަރާތްތަކުން، ރަސްމީގަޑީގައި މިއިދާރާގެ ނަންބަރު 6500031 ފޯނަށް ގުޅުއްވުން އެދެމެވެ.

 އަންދާސީ ހިސާބު ހުށައެޅުމާއި ބީލަން ހުޅުވުން އޮންނާނީ 2026 އޮގަސްޓް 20 ވާ ބުރާސްފަތި ދުވަހުގެ 13:00 ގައި ތިލަދުންމަތީ އުތުރުބުރީ މޮޅަދޫ ކައުންސިލްގެ އިދާރާގެ މީޓިންގ ރޫމްގައެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނު ކުރީމެވެ.