އެސް.ޓީ.އޯ އިން ތިރީގައިވާ ތަކެތި ނީލަމުގައި ވިއްކާލުމަށް ވަނީ ހަމަޖެހިފައެވެ.

މިތަކެތި ނީލަމުގައި ބޭނުންފުޅުވާ ފަރާތްތަކުން، ތިރީގައި ދަންނަވާފައިވާ ގޮތަށް މަޢުލޫމާތު ސާފުކުރެއްވުމަށްފަހު އަގު ހުށަހެޅުއްވުން އެދެމެވެ. އަގު ހުށަހެޅޭނީ މަޢުލޫމާތު ސެޝަންގައި ބައިވެރިވެ، ނަން ނޯޓްކުރައްވާފައިވާ ފަރާތްތަކަށެވެ.

އިތުރު މަޢުލޫމާތު:

• ނީލަން ކިޔުމަށް ކަނޑައަޅާފައިވާ ތަކެތި ބައްލަވައިލެއްވުމަށް ބޭނުންފުޅުވާ ފަރާތްތަކަށް، އެސް.ޓީ.އޯގެ ލޯންޗުގައި އެ ތަކެތި ހުރި ތަނަށް ގެންގޮސްދިނުމުގެ އިންތިޒާމު ވަނީ ހަމަޖެހިފައެވެ. ވީމާ، މި ތަކެތި ބައްލަވައިލެއްވުމަށް ބޭނުންފުޅުވާ ފަރާތްތަކުން 10 މާރިޗު 2026 ވަނަ ދުވަހުގެ ހެނދުނު 10:00 ގެ ކުރިން މާލެ 2 ނަންބަރު ޖެޓީއަށް ވަޑައިގެންދެއްވުން އެދެމެވެ.
• ތިލަފުށީގައި ބާއްވާ ނީލަމުގައި ބައިވެރިވެވަޑައިގަންނަވާ އެންމެހައި ފަރާތްތަކުން، އިޢުލާނުގައި ބަޔާންކޮށްފައިވާ ގަޑިއަށް، ކަނޑައެޅިފައިވާ ތަނަށް ހާޒިރުވެވަޑައިގަތުމަށް އިލްތިމާސްކުރަމެވެ.
• ނީލަން ކާމިޔާބު ކުރައްވާ ފަރާތްތަކުން، ބިލު ހަވާލުކުރާތާ ރަސްމީ ބަންދު ނޫން 3 ދުވަހުގެ ތެރޭގައި ފައިސާ ދައްކަވަން ވާނެއެވެ.
• ފައިސާ ދެއްކެވުމަށްފަހު ވެރިފަރާތުން ރަސްމީ ބަންދު ނޫން 3 ދުވަހުގެ ތެރޭގައި ތަކެތި ގެންދަވަންވާނެއެވެ.
• ތަކެތި ގެންދެވުމަށް ދެވޭ މުއްދަތު ހަމަވުމަށްފަހު ނުގެންގޮސް ހުންނަ ތަކެތި ނައްތާލުމުގެ އިޚްތިޔާރު އެސް.ޓީ.އޯ އަށް ލިބިގެންވެއެވެ.
• މުދާ ނުގެންދާ ފަރާތްތަކަށް އެސް.ޓީ.އޯއިން ކުރިއަށް ބާއްވާ ނީލަންތަކުގައި ބައިވެރި ނުވެވޭނެ ވާހަކަ ދަންނަވަމެވެ.

ނީލަމާގުޅޭ އިތުރު މަޢުލޫމާތު ސާފުކުރެއްވުމަށް، 9181493 ގުޅުއްވުން އެދެމެވެ.