ހުރާ ކައުންސިލްގެ 03 ވަނަ ރަންތާޖު ޤުރުއާން މުބާރާތް ރާވާ ހިންގައިދޭނެ ފަރާތެއް ހޯދުމަށް:

މިކައުންސިލުން ރަށު ފެންވަރުގައި ބާއްވާ ޤުރްއާން މުބާރާތް "ހުރާ ކައުންސިލްގެ 03 ވަނަ ރަންތާޖު ޤުރުއާން މުބާރާތް 2026" މިއަހަރު ވެސް ބޭއްވުމަށް ވަނީ ހަމަޖެހިފައެވެ. މިމުބާރާތް ބޭއްވުމުގެ މަޤްޞަދަކީ، ހުރާގައި ކީރިތި ޤުރުއާން ތަޖުވީދުގެ ހަމަތަކުން އުނގެނުމާއި، އުނގަންނައި ދިނުމާއި، ޤުރުއާން ތަރްތީލުކޮށް ކިޔެވުމުގެ ޤާބިލްކަން ދެއްކުމުގައި ވާދަވެރި މާޙައުލެއް އުފެއްދުމާއި، ރައްޔިތުންގެ ހިތްތަކުގައި ކީރިތި ޤުރުއާނަށް ލޯބި ޖެއްސުމާއި، ޤުރުއާން ކިޔެވުމުގެ ފަންނު އާލާކޮށް ދިރުވައި، ފެތުރުމަށް މަސައްކަތްކުރުމެވެ.

މިމުބާރާތް ބޭއްވުމަށް މިކައުންސިލުން ނިންމާފައިވަނީ މުބާރާތް ބޭއްވުމުގެ ހުރިހާ މަސައްކަތެއް ކޮށްދޭނެ ފަރާތެއް ހޯދުމަށް ޢާއްމުކޮށް އިޢުލާންކުރުމަށްފަހު، އެކަމަށް އެދި ހުށަހަޅާފަރާތްތަކުގެ ތެރެއިން އެކަމަށް އެންމެ ޤާބިލް ފަރާތެއް ހޯދުމަށްފަހު އެފަރާތަކާއި ޙަވާލުކޮށްގެން ކުރިއަށް ގެންދާ ގޮތަށެވެ. އެހެންކަމުން "ހުރާ ކައުންސިލްގެ 03 ވަނަ ރަންތާޖު ޤުރުއާން މުބާރާތް 2026" ބާއްވާ ދިނުމަށް ޝައުޤުވެރިވާ ފަރާތްތަކަށް އެ ފުރުޞަތު ހުޅުވާލަމެވެ.

ވީމާ، މިކަމަށް ޝައުޤުވެރިވެލައްވާ ފަރާތްތަކުން 08 ފެބްރުއަރީ 2026 ވާ އާދިއްތަ ދުވަހުގެ 12:00 އަށް މިކައުންސިލަށް ދުރުވެ އަންދާސީ ހިސާބު ހުށައެޅުއްވުން އެދެމެވެ. މަޢުލޫމާތު ސާފުކުރެއްވުމަށް ބާއްވާ ޕްރީބިޑް މީޓީންގ އޮންނާނީ 03 ފެބުރުވަރީ 2026 ވާ އަންގާރަ ދުވަހު 12:00 ގައި ހުރާ ކައުންސިލްގެ އިދާރާގައެވެ.

   އިތުރު މައުލޫމާތު ތިރީގައިވާ އެޑްރެހުން ލިބިވަޑައިގަންނަވާނެއެވެ.

މާލެއަތޮޅު ހުރާ ކައުންސިލްގެ އިދާރާ

ފިތުރޯނުމަގު، ކ. ހުރާ

ފޯން : 6640074

އީމެއިލް: [email protected]