މިކައުންސިލްގެ ނަންބަރު: (IUL)305/305/2026/4  (13 ޖެނުއަރީ 2026) އިޢުލާނާއި ޙަވާލާދީ ދަންނަވަމެވެ. މި އިޢުލާނާއި ގުޅިގެން އެއްވެސް ފަރާތަކުން އަގު ހުށައަޅާފާ ނުވާތީ އެ އިޢުލާން ބާތިލްކޮށް އަލުން އިޢުލާން ކުރީމެވެ.

މި އިދާރާގެ ބެލުމުގެ ދަށޫގައި ހުރި ދެ ޖަނަރޭޓަރ 02 ފެބުރުއަރީ 2026 ނީލަން ކިޔުމަށް ހަމަޖެހިފާވާ ވާހަކަ ދަންނަވަމެވެ. ނީލަމުގައި ބައިވެރިވެލެއްވުމަށް އެދިލައްވާ ފަރާތްތަކުން އަގުހުށައެޅުމަށް މި އިޢުލާނާއެކު އެޓޭޗް ކުރެވިފާވާ "ސިޓީން އަގުހުށަހަޅާ ފޯމް" ފުރިހަމަކޮށް، ބަންދު ކުރެވިފާވާ ސިޓީ އުރައެއްގައި ބަންދުނޫން ކޮންމެ ދުވަހެއްގެ މެންދުރު 12:00 ގެ ކުރިން މިއިދާރާގެ ކައުންޓަރަށް، ނުވަތަ މިއިދާރާގެ އީމެއިލް: [email protected] އަށް މެއިލް ފޮނުއްވައިދެއްވުން އެދެމެވެ. ކޮންމެ ދުވަހަކުވެސް މެންދުރު 12:00 އާއި ހަމައަށް  ހުށަހެޅޭ އެންމެ މަތީއަގު އެދުވަހެއްގެ 14:00 ގައި މިއިދާރާގެ ފޭސްބުކް ޕޭޖްގައި ޢާންމު ކުރެވޭނެއެވެ.

ޖަނަރޭޓަރ ބައްލަވާލެއްވުމަށް އެދިލައްވާ ފަރާތްތަކުން ރަސްމީ ބަންދުނޫން ކޮންމެ ދުވަހެއްގެ ހެނދުނު 10:00 ން 11:00ށް މިއިދާރާއަށް ވަޑައިގަތުމުން ޖަނަރޭޓަރ ދައްކާލުމުގެ އިންތިޒާމް ހަމަޖައްސާދެވޭނެއެވެ.

ނީލަމަށް ހުށަހެޅޭ އަގު ޖެހިޖެހިގެން ރަސްމީ 03 ދުވަހު އެއްއަގެއްގައި އޮވެއްޖެނަމަ އެއަގަށް ނީލަން ނިންމާލެވޭނެއެވެ. ނީލަމުގައި އެންމެ މަތީ އަގު ހުށަހަޅައިގެން ނީލަން ކާމިޔާބުކުރާ ފަރާތުން ނީލަން ނިމޭދުވަހުން ފެށިގެން ރަސްމީ 03 ދުވަހުގެ ތެރޭގައި މިއިދާރާއަށް ފައިސާ ދެއްކެވުމުން ނީލަން ކާމިޔާބުކުރި ފަރާތާއި ޖަނަރޭޓަރ ހަވާލުކުރެވޭނެއެވެ. ދެންނެވިފައިވާ މުއްދަތުގައި ފައިސާ ނުދައްކަވައިފިނަމަ ދެވަނައަށް އެންމެ މަތީ އަގު ހުށަހެޅިފަރާތައް

އެފުރުސަތު ދެވޭނެއެވެ. ދެވަނައަށް އަގުހުށަހެޅި ފަރާތުން މުއްދަތުގެ ތެރޭގައި ފައިސާ ނުދައްކަވައިފިނަމަ ނީލަން ބާތިލުކުރެވޭނެއެވެ. އަދި މިއިޢުލާނާއި ގުޅިގެން 02 ފެބުރުއަރީ 2026 ގެ ނިޔަލަށް އެއްވެސް ފަރާތަކުން އަގު ހުށަހަޅާފައިނުވާނަމަ މި އިޢުލާން ބާތިލުކުރެވޭނެއެވެ.

މިހެންވެ، މިކަން އާންމުކޮށް އެންގުމަށްޓަކައި އިޢުލާނު ކުރީމެވެ.