އިޢުލާނު

ކިނބިދޫ ހިނަވާގެ އެޅުމުގެ މަސައްކަތް ކޮށްދޭނެ ފަރާތެއް ހޯދުމާ ގުޅޭ

ތ. ކިނބިދޫގައި އަލަށް ޢިމާރާތް ކުރުމަށް ހަމަޖެހިފައިވާ ހިނަވާގެ އެޅުމުގެ މަސައްކަތް އަމިއްލަ ތަކެތީގައި ކޮށްދޭނެ ފަރާތެއް ހޯދުމަށް ކުރެވުނު މިއިދާރާގެ ނަންބަރު: 393/393/2026/5 (IUL) (14 ޖަނަވަރީ 2026) އިޢުލާނުގެ މަޢުލޫމާތު ޝީޓުގައި ބައެއް މަޢުލޫމާތުތައް ހިމެނިފައި ނުވާތީ، އެޢިއުލާނު ބާޠިލްކޮށް އަލުން ޢިއުލާން ކުރީމެވެ. ވީމާ، މިކަމަށް ޝައުޤުވެރިވެލައްވާ ފަރާތްތަކުން 3 ފެބްރުއަރީ 2026 ވާ އަންގާރަ ދުވަހުގެ 13:00ގެ ކުރިން މި އިދާރާއަށް ހާޒިރުވެ ނުވަތަ [email protected]  އަށް މެއިލް ކުރައްވައިގެން ބީލަމުގައި ރަޖިސްޓްރީވުން އެދެމެވެ.

މި މަސައްކަތް ކުރުމަށް ބީލަން ހުށަހެޅުމުގެ ފުރުޞަތު ހުޅުވާލެވިފައިވަނީ، އަމިއްލަ ފަރުދުންގެ ވިޔަފާރީގެ ޤާނޫނު (ޤާނޫނު ނަންބަރު 19/2014) ގެ ދަށުން ރަޖިސްޓްރީ ކޮށްފައިވާ ފަރާތްތަކަށާއި، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރު: 18/2014) ގެ ދަށުން ރަޖިސްޓްރީކޮށްފައިވާ ފަރާތްތަކަށެވެ.

މަޢުލޫމާތު ފޯމާއި، ކުރެހުމާއި ބިޑް ރަޖިސްޓްރޭޝަން ފޯމު މި އިއުލާނާއި އެއްކަރުދާސްކުރެވިފައި ވާނެއެވެ. އަދި މި އިދާރާގެ ކައުންޓަރުން ވެސް ލިބެން ހުންނާނެއެވެ.

ރަޖިސްޓްރީނުވާ ފަރާތްތަކަށް ބިޑު ހުށަހެޅުމުގެ ފުރުޞަތު ނޯންނާނެ ވާހަކަ ދަންނަވަމެވެ.

  1.   ބީލަމުގައި ރަޖިސްޓްރީވުން:

•  ބީލަމުގައި ރަޖިސްޓްރީ ވުމަށް -/150 ރ (ސަތޭކަ ފަންސާސް ރުފިޔާ) ރަޖިސްޓްރޭޝަން ފީގެ ގޮތުގައި ދައްކަން ވާނެއެވެ.
•  މި ބީލަމުގައި ބައިވެރި ވެލެއްވުމަށް އެދޭ ފަރާތްތަކުން، ބީލަމުގައި ރަޖިސްޓްރީ ވުމަށް ރެޖިސްޓްރޭޝަން ފީ މިއިދާރާގެ  ނަންބަރު: 7725700293001 (1443 ރެވެނިއު 1) އަށް ޖަމާކޮށް ޓްރާންސްފާ ސްލިޕް މިއިދާރާގެ ރަސްމީ އީމެއިލް އެޑްރެސް [email protected] ) ) އަށް މެއިލްކުރުމަށްފަހު މި އިދާރާއިން ދޫކުރާ ބީލަމުގައި ރަޖިސްޓްރީ ވުމަށް އެދޭ "ފޯމް" ފުރިހަމަކޮށް މި އިދާރާއަށް ހުށައެޅުމުން ރަޖިސްޓްރީ ކޮށްދެވޭނެއެވެ. ބީލަމުގައި ރަޖިސްޓްރީ ވިކަމަށް ޔަޤީން ކުރަންވާނީ ރަޖިސްޓްރީ ވިކަމުގެ ސްލިޕް ލިބިލެއްވުމުންނެވެ.
•  ރަޖިސްޓްރީ ވުމުގެ ސުންގަޑި: 2026 ފެބްރުއަރީ 3 ވާ އަންގާރަ ދުވަހުގެ 13:00ގެ ކުރިން.

  2.   ބީލަން ހުށަހެޅުމާއި ހުޅުވުން:   

      2026 ފެބްރުއަރީ 4 ވާ ބުދަ ދުވަހުގެ 13:00 ގައި ކިނބިދޫ ކައުންސިލް އިދާރާގެ މީޓިން ހޯލްގައި.

  3.   ކުރަންޖެހޭ މައިގަނޑު މަސައްކަތްތައް:

•  ޢިމާރާތުގެ ކުރެހުމުގައި ވާގޮތަށް ފައުންޑޭޝަން އިން ފެށިގެން އިމާރާތުގެ ފިނިޝިންނާއި ހަމައަށް ނިންމައި ތަން ހަވާލުކުރުން
•  މަސައްކަތްކުރާނީ ކޮންޓްރެކްޓަރގެ އަމިއްލަ ޚަރަދުގައި އަމިއްލަ ތަކެތީގައެވެ.

  4.   ސަމާލު ކަންދޭންޖެހޭ ކަންތައްތައް

•  މުޅި މަސައްކަތުގެ ޖުމުލަ އަގު ހިމެނޭ ގޮތަށް އަގު ހުށަހެޅުން.
•  އަމިއްލަ ތަކެތީގައި މަސައްކަތް ކޮށްދިނުމަށް މަސައްކަތުގެ އަގާއި ތަކެތީގެ އަގު ހިމަނައިގެން އަގު ހުށަހެޅުން.
• އިމާރާތްކުރާ ތަނުގައި ވަޅެއް ހުންނާއެވެ. މިހެންވެ އިތުރު ވަޅެއް ބަހައްޓާކަށް ނުޖެހޭނެއެވެ.
•  ކޮންކްރިޓް މަސައްކަތަށް ބޭނުން ކުރާނެ ދަގަނޑުގެ ސައިޒުތަކާއި މިންތައް ކުރެހުމުގައި ބަޔާން ކުރެވިފައިވާތީ، ކުރެހުމުގައިވާ ގޮތަށް އެމަސައްކަތް ކުރުން. 

  5.   ތަކެތި ފޯރުކޮށްދިނުން

• އިމާރާތްކުރުމަށް ބޭނުންވާ އެޅިގާ ކައުންސިލުން ފޯރުކޮށް ދޭނެއެވެ. ނަމަވެސް، މީގެ އިތުރުން މަސައްކަތަށް ބޭނުންވާ އެއްޗެއް ނުވަތަ ވަޞީލަތެއް ވިޔަސް ކައުންސިލުން ފޯރުކޮށެއް ނުދޭނެއެވެ.

  6.  މަސައްކަތަށް ބޭނުންވާ ތަކެތި

•  މި މަސައްކަތަށް ބޭނުންވާ އެޅިގާ ފިޔަވައި އެހެން ހުރިހާ ތަކެއްޗެއްވެސް ހޯދާނީ މަސައްކަތް ކުރުމަށް ހަވާލުކުރެވޭ ފަރާތުންނެވެ.
•  މަސައްކަތަށް ބޭނުންވާ ކަރަންޓާއި ފެން ހޯދާނީ ކޮންޓްރެކްޓަރ އަމިއްލައަށެވެ.

  7.   އިވެލުއޭޝަން ކްރައިޓީރިއާ

•  މަސައްކަތުގެ އަގު: 80 އިންސައްތަ (އެންމެ ކުޑަ އަގަކީ ބެންޗްމާކް ކަމުގައި ބަލައިގެން)
•  މުއްދަތަށް: 10 އިންސައްތަ (އެކަށީގެންވާ އެންމެ ކުރު މުއްދަތު ބެންޗްމާކް ކަމުގައި ބަލައިގެން)
•  ތަޖްރިބާ: 10 އިންސައްތަ (މި އިޢުލާން ކުރި ތާރީޚުން ފެށިގެން ވޭތުވެ ދިޔަ 3 އަހަރު ދުވަހު ކޮށްފައިވާ މި ބާވަތުގެ މަސައްކަތަށް، 15000.00 ހާހުން މަތީގެ ކޮންމެ މަސައްކަތަށް 1 ޕޮއިންޓް، ގިނަވެގެން ދެވޭނީ 5 ޕޮއިންޓް)

ވީމާ، މި މަސައްކަތް ކޮށްދިނުމަށް ޝަޢުޤުވެރިވެލައްވާ ފަރާތްތަކުން 2026 ފެބްރުއަރީ 3 ވާ އަންގާރަ ދުވަހުގެ 13:00 ގެ ކުރިން ބިޑު ރަޖިސްޓްރީކޮށް 2026 ފެބްރުއަރީ 4 ވާ ބުދަ ދުވަހުގެ 13:00 އަށް ބިޑު ހުށަހެޅުންވުން އެދެމެވެ. އަދި ކޯޓޭޝަނާއެކު ހުށަހަޅާ ފަރާތުގެ ރަޖިސްޓްރީ ކޮޕީއާއި މަސައްކަތުގެ ތަޖުރިބާގެ ލިޔުންތަކުގެ ކޮޕީ، އަދި ބަދަލުގައި ފޮނުވާ ފަރާތެއްނަމަ ޕަވަރ އޮފް އެޓާރނީ ދިންކަމުގެ ލިޔުމާއި އައިޑީކާޑުގެ ކޮޕީ ހުށަހެޅުއްވުން އެދެމެވެ.

               7 ޝައުބާން 1447