މަޤާމު:

ސީނިއަރ ކަރިކިއުލަމް ރިސޯސް އެގްޒެކެޓިވް  

މަޤާމުގެ ނަންބަރު:

CSC-J-411422

ބޭނުންވާ އަދަދު:

1

މަޤާމުގެ ގިންތި:

ދާއިމީ

މަޤާމުގެ ރޭންކް:

CSC5-1

މަޤާމުގެ ކްލެސިފިކޭޝަން:

ސީއެސްސީ ޕްރޮފެޝަނަލްސް

ވަޒީފާ އަދާކުރަން ޖެހޭ ތަން:

ސިވިލް ސަރވިސް ކޮމިޝަން، ކ. މާލެ

މުސާރަ:

މަހަކު -/9,890 ރުފިޔާ

ސަރވިސް އެލެވަންސް:

ހާޟިރުވާ ދުވަހަކަށް -/188 ރުފިޔާ

ކޮމިޝަން އެލަވަންސް:

މަހަކު 3,461.50 ރުފިޔާ (އަސާސީ މުސާރައިގެ %35)

ވަޒީފާ އަދާކުރަންޖެހޭ ސެކްޝަނުން ކުރާ މައިގަނޑު މަސައްކަތް:

ސިވިލް ސަރވިސް އިދާރާތަކުގެ ހިންގުން ހަރުދަނާކުރުމަށް ބޭނުންވާ ތަމްރީނުތައް ހިންގުމާއި އިމްތިހާނުތައް ކުރިއަށްގެންދިޔުން.

މަޤާމުގެމައިގަނޑު މަސްއޫލިއްޔަތުތަކާއި ވާޖިބުތައް:

1. ސިވިލް ސަރވިސް އިދާރާތަކުގެ ޓްރެއިނިންގ ނީޑްސް އެނަލިސިސްއަށް ބިނާކޮށް ތަމްރީނު ބޭނުންވާ އައު ދާއިރާތަކުގެ މަންހަޖުތައް ފަރުމާކުރުމާއި އެކުލަވާލުމުގެ އެންމެހާ މަސައްކަތްތައްކުރުން. 
2. ސިވިލް ސަރވިސް ޓްރެއިނިންގ އިންސްޓްޓިއުޓްގެ ޕްރޮގްރާމްތަކުގެ މަންހަޖާ އެއްގޮތަށް ތަމްރީނުތަކުގެ މޮޑިއުލްތައް އެކުލަވާލުމާއި އިސްލާހުކުރުމުގެ މަސައްކަތްކުރުން.
3. މުއައްސަސާގެ ލަނޑުދަނޑިތަކާއި، އެ މުއައްސަސާއެއްގެ މުވައްޒަފުންގެ ފަންނާއި ޤާބިލުކަން އިތުރުކުރުމަށް ބޭނުންވާ ޝަރުތުތަކާ އެއްގޮތަށް ކިޔަވައިދޭ މޮޑިއުލްތައް ބައްޓަންކުރެވިފައިވާކަން ކަށަވަރުކުރުން.
4. ތަމްރީނުތަކުގެ މޮޑިއުލްތައް އެކުލަވާލުމުގައި ކިޔަވައިދިނުމަށް ބޭނުންވާ އިރުޝާދުތަކާއި ވަޒަންކުރުމުގެ ވަސީލަތްތައް އެކުލަވާލުމާއި މަސައްކަތްތައް ބެލެހެއްޓުން.
5. އިންސްޓިޓިއުޓުން ކިޔަވައިދޭ މޮޑިއުލްތަކުގެ ކޮންޓެންޓް އަދާހަމަކުރެވިފައިވާކަން ކަށަވަރުކުރުމާއި ކިޔަވައިދޭން ބޭނުންކުރާ މެޓީރިއަލްތަކުގެ މަޢުލޫމާތުގެ ޞައްޙަކަމާއި ފެންވަރު އެއް މިންގަނޑެއްގައި ހިފެހެއްޓުން.
6. ތަމްރީނުތަކުގެ މޮޑިއުލްތައް ވެލިޑޭޓްކުރުމަށް ގުޅުންހުރި އިދާރާތަކާއި، ޕާޓްނަރުންނާއި އަދި އެކި މުއައްސަސާތަކާ ގުޅިގެން މަސައްކަތްކުރުމާއި ދާއިރާގެ އެކްސްޕަރޓް ޓްރެއިނަރުނަރުންގެ ފަރާތުން ފަންނީ ލަފާއާއި މަޝްވަރާހޯދުމުގެ މަސައްކަތްތައްކުރުން.
7. ތަމްރީނުތަކުގެ މޮޑިއުލްތަކާއި ލިޔެކިޔުންތައް ސިވިލް ސަރވިސް ޓްރެއިނިންގ އިންސްޓިޓިއުޓާއި ބައިނަލްއަޤްވާމީ މިންގަނޑުތަކާ އެއްގޮތަށް ހުރިކަން ކަށަވަރުކުރުން.
8. ކިޔަވައިދޭ ފަރާތްތަކަށް މޮޑިއުލްތަކާ ގުޅޭގޮތުން އޮރިއެންޓޭޝަން ޕްރޮގްރާމްތައް ހިންގުމާއި އަހުލުވެރިކުރުވުމުގެ އެންމެހާ މަސައްކަތްކުރުން.
9. ތަމްރީނުތަކުގެ އޮންލައިން ޓްރެއިނިންގ މޮޑިއުލް އެކުލަވާލުމާއި ސެލްފް ލަރނިންގ ޕެކްތައް ތައްޔާރުކުރުމުގެ އެންމެހާ މަސައްކަތްކުރުން.
10. ތަމްރީނު ޕްރޮގްރާމްތައް ތަރައްޤީކުރުމުގައި ދުނިޔޭގެ ބެސްޓް ޕްރެކްޓިސްއާއި ޓްރެންޑްތަކާއި، އަދި ބްލެންޑެޑް ލާރނިންގ، މައިކްރޯލަރނިންގ، އެކްސްޕީރިއެންޝަލް ލަރނިންގ ފަދަ އައު މެތަޑޮލޮޖީތައް ދިރާސާކޮށް ތަޢާރަފުކުރުން.
11. ޕޯސްޓް ޓްރެއިނިންގ އިވެލުއޭޝަން ތައްޔާރުކުރުމާއި، ސްކޯރިންގ އެނަލައިޒްކުރުމާއި ރިޕޯޓްތައްޔާރުކޮށް އެކުލަވާލުމުގެ އެންމެހާ މަސައްކަތްކުރުން.
12.  ސިވިލް ސަރވިސް އެކި އިދާރާތަކަށް ބޭނުންވާ ޚާއްސަ ދާއިރާތައް ދެނެގަތުމާއި، ކޮންޓެންޓު އެކުލަވާލުމުގެ މަސައްކަތާއި، ޕްރޮޕޯސަލް ތައްޔާރުކުރުމުގެ މަސައްކަތްކުރުން.
13. ތަމްރީނު ޕްރޮގްރާމްތަކަށް ބޭނުންވާ އިންޓެރެކްޓިވް ޓޫލްތައް ދެނެގަތުމާއި ޚަރަދު ކުޑަ ނިޒާމެއްގެ ދަށުން އެތަކެތި ލިބޭނެ އިންތިޒާމް ހަމަޖެއްސުމުގެ މަސައްކަތްކުރުން.
14. ލަރނިންގ މެނޭޖްމަންޓް ސިސްޓަމަށް ގެންނަންޖެހޭ ބަދަލުތައް ދެނެގަތުމާއި އެބަދަލުތައް ގެނައުމުގެ އެންމެހާ މަސައްކަތްތައް ކަމާގުޅޭ ސެކްޝަންތަކާ ގުޅިގެން ކުރިއަށްގެންދިޔުން.
15. ފިޒިކަލް އަދި އޮންލައިންކޮށް ކުރިއަށްގެންދެވޭ ސެޝަންތައް ސުޕަވައިޒްކުރުމާއި، ސެޝަންތައް ކުރިއަށްގެންދެވެނީ ކަނޑައެޅިފައިވާ ކޮންޓެންޓާ އެއްގޮތަށްތޯ ބެލުމާއި ކަށަވަރުކުރުން.
16. ތަމްރީނުތަކަށް ބޭނުންވާ އެސެސްމަންޓް ގައިޑްލައިންތަކާއި، ސުވާލު ބޭންކްތައް އަދި މަރކިންގ ސްކީމްތައް އެކުލަވާލުމުގެ އެންމެހާ މަސައްކަތްކުރުން.

މަޤާމުގެ ޝަރުޠުތައް:

ކަރިކިއުލަމް ނުވަތަ އެސެސްމަންޓް ނުވަތަ އެސެސްމަންޓް އެންޑް އިވެލުއޭޝަން ނުވަތަ ހިއުމަން ރިސޯސް ޑިވޮލޮޕްމަންޓް ނުވަތަ ޓީޗިންގ ނުވަތަ އެޑިޔުކޭޝަނަލް އެޑްމިނިސްޓްރޭޝަން ނުވަތަ އެޑިޔުކޭޝަނަލް ލީޑަރޝިޕް ދާއިރާއިން  މޯލްޑިވްސް ނެޝަނަލް ކޮލިފިކޭޝަންސް ފްރޭމްވޯރކްގެ ލެވަލް 9 ގެ ސަނަދެއް ހާސިލުކޮށްފައިވުން،

ނުވަތަ،

ކަރިކިއުލަމް ނުވަތަ އެސެސްމަންޓް ނުވަތަ އެސެސްމަންޓް އެންޑް އިވެލުއޭޝަން ނުވަތަ ހިއުމަން ރިސޯސް ޑިވޮލޮޕްމަންޓް ނުވަތަ ޓީޗިންގ ނުވަތަ އެޑިޔުކޭޝަނަލް އެޑްމިނިސްޓްރޭޝަން ނުވަތަ އެޑިޔުކޭޝަނަލް ލީޑަރޝިޕް ދާއިރާއިން  މޯލްޑިވްސް ނެޝަނަލް ކޮލިފިކޭޝަންސް ފްރޭމްވޯރކްގެ ލެވަލް 7 ގެ ސަނަދެއް ހާސިލްކޮށްފައިވުމާއެކު، ސަރުކާރުގައި، ނުވަތަ ޕަބްލިކް ނުވަތަ ޕްރައިވެޓް ސެކްޓަރގައި، ނުވަތަ ގައުމީ ނުވަތަ ބައިނަލްއަގްވާމީ ޖަމްޢިއްޔާ ނުވަތަ ޖަމާޢަތެއްގައި 2 އަހަރުދުވަހު މަސައްކަތްކޮށް، ކަރިކިއުލަމް ނުވަތަ އެސެސްމަންޓް ނުވަތަ އެސެސްމަންޓް އެންޑް އިވެލުއޭޝަން ނުވަތަ ހިއުމަން ރިސޯސް ޑިވޮލޮޕްމަންޓް ނުވަތަ ޓީޗިންގ ނުވަތަ އެޑިޔުކޭޝަނަލް އެޑްމިނިސްޓްރޭޝަން ނުވަތަ އެޑިޔުކޭޝަނަލް ލީޑަރޝިޕް ދާއިރާއިން ތަޖުރިބާ ލިބިފައިވުން،

ނުވަތަ،

މޯލްޑިވްސް ނެޝަނަލް ކޮލިފިކޭޝަންސް ފްރޭމްވޯރކްގެ ލެވެލް 9 ގެ ސަނަދެއް ހާސިލުކޮށްފައިވުމާއެކު، ސަރުކާރުގައި، ނުވަތަ ޕަބްލިކް ނުވަތަ ޕްރައިވެޓް ސެކްޓަރގައި، ނުވަތަ ގައުމީ ނުވަތަ ބައިނަލްއަގްވާމީ ޖަމްޢިއްޔާ ނުވަތަ ޖަމާޢަތެއްގައި 3 އަހަރުދުވަހު މަސައްކަތްކޮށް،   ކަރިކިއުލަމް ނުވަތަ އެސެސްމަންޓް ނުވަތަ އެސެސްމަންޓް އެންޑް އިވެލުއޭޝަން ނުވަތަ ހިއުމަން ރިސޯސް ޑިވޮލޮޕްމަންޓް ނުވަތަ ޓީޗިންގ ނުވަތަ އެޑިޔުކޭޝަނަލް އެޑްމިނިސްޓްރޭޝަން ނުވަތަ އެޑިޔުކޭޝަނަލް ލީޑަރޝިޕް ދާއިރާއިން ތަޖުރިބާ ލިބިފައިވުން،

ނުވަތަ،

މޯލްޑިވްސް ނެޝަނަލް ކޮލިފިކޭޝަންސް ފްރޭމްވޯރކްގެ ލެވެލް 7 ގެ ސަނަދެއް ހާސިލުކޮށްފައިވުމާއެކު،  ސަރުކާރުގައި، ނުވަތަ ޕަބްލިކް ނުވަތަ ޕްރައިވެޓް ސެކްޓަރގައި، ނުވަތަ ގައުމީ ނުވަތަ ބައިނަލްއަގްވާމީ ޖަމްޢިއްޔާ ނުވަތަ ޖަމާޢަތެއްގައި 6 އަހަރުދުވަހު މަސައްކަތްކޮށް،   ކަރިކިއުލަމް ނުވަތަ އެސެސްމަންޓް ނުވަތަ އެސެސްމަންޓް އެންޑް އިވެލުއޭޝަން ނުވަތަ ހިއުމަން ރިސޯސް ޑިވޮލޮޕްމަންޓް ނުވަތަ ޓީޗިންގ ނުވަތަ އެޑިޔުކޭޝަނަލް އެޑްމިނިސްޓްރޭޝަން ނުވަތަ އެޑިޔުކޭޝަނަލް ލީޑަރޝިޕް ދާއިރާއިން ތަޖުރިބާ ލިބިފައިވުން،

ނުވަތަ،

CSC4-2 ގްރޭޑްގައި 2 އަހަރުދުވަހުގެ ތަޖުރިބާ ލިބިފައިވުމާއެކު މަސައްކަތުގެ ފެންވަރު ބެލުމުގެ ނިޒާމުން ވިދިވިދިގެން އެންމެ ފަހުން މި ގްރޭޑްގައި ވަޒީފާއަދާކުރި 2 އަހަރު %85 ނުވަތަ އެއަށްވުރެ މަތިން ޕޮއިންޓް ހޯދާފައިވުން.

ހުށަހަޅަންޖެހޭ ލިޔުންތައް:

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން ލިބެންހުންނާނެއެވެ).
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.
4. ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.
5. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ) ކޮމިޝަނުގެ ވަޒީފާތަކަށް އެދި ހުށަހަޅާ ރާއްޖެއިން ބޭރުގެ މަތީ ތައުލީމުދޭ މަރުކަޒުތަކުގެ ތައުލީމީ ސެޓުފިކެޓުތަކަކީ މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ކަނޑައަޅައި ތައްގަނޑު ޖަހާފައިވާ ސެޓްފިކެޓްތަކަކަށް ވާންވާނެއެވެ. މިގޮތުން، ދަރިވަރު ކިޔަވާފައިވަނީ ދިވެހިރާއްޖޭގައި ރަޖިސްޓްރީކޮށްފައިވާ ދިވެހިރާއްޖޭގެ މަތީ ތައުލީމުދޭ މަރުކަޒަކުން ކަމުގައިވީނަމަވެސް، ދަރިވަރު ކިޔަވާފައިވާ ކޯހުގެ ސެޓްފިކެޓް އެވޯޑިން ބޮޑީއަކީ ރާއްޖެއިން ބޭރުގެ މަތީ ތައުލީމުދޭ މަރުކަޒެއްނަމަ، އެ ސެޓްފިކެޓަކީ މޯލްޑިވްސް ކޮލިފިކޭޝަންސް އޮތޯރިޓީން ފެންވަރު ކަނޑައަޅައި ތައްގަނޑު ޖަހާފައިވާ ސެޓްފިކެޓަކަށް ވާންވާނެއެވެ. އަދި ކޯސް ފުރިހަމަކުރިކަމުގެ ލިޔުން ހުށަހަޅާ ނަމަ، ފުރިހަމަކޮށްފައިވާ ކޯހުގެ ފެންވަރު ބަޔާންކޮށް އެ އޮތޯރިޓީން ދޫކޮށްފައިވާ އެސެސްމަންޓް ރިޕޯޓް ހުށަހަޅަން ވާންވާނެއެވެ.

(ށ) ދިވެހިރާއްޖޭގެ މަތީ ތައުލީމުދޭ މަރުކަޒުތަކުން ދޫކުރާ ކޯސް ފުރިހަމަ ކުރިކަމުގެ ލިޔުން (ކޯސް ކޮމްޕްލީޝަން ލެޓަރ) ބަލައިގަނެވޭނީ، ލިޔުމުގައި މޯލްޑިވްސް ކޮލިފިކޭޝަންސް އޮތޯރިޓީން "ބެޗް ވެލިޑޭޓް" ކޮށް ދަރިވަރުންނަށް ސަނަދު ދިނުމުގެ ހުއްދަ އެ މަރުކަޒަކަށް ދީފައިވާ ސިޓީ ނަންބަރާއި ތާރީހު ހިމަނާފައިވާނަމައެވެ..

   6. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ: 

(ހ)  ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)  ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ)  އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ)  ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި

ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "ވަޒީފާއަށް އެދޭފަރާތުގެ ރެފަރެންސް ޗެކް ފޯމު".

   7. މަސައްކަތުގެ ތަޖުރިބާގެ މުއްދަތު ހިސާބުކުރާނެ ގޮތާއި ޕޮއިންޓްދެވޭނެ ގޮތް "ސިވިލް ސަރވިސް ކޮމިޝަނުގެ އިދާރާގެ ވަޒީފާތަކަށް މީހުން ހޯދުމާއި އައްޔަނުކުރުމުގެ މިންގަނޑުތަކާއި އުސޫލުތައް 2022 ފުރަތަމަ އިސްލާހު" ގައި ބަޔާންކުރެވިފައިވާނެއެވެ.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް:

1. އަސާސީ ޝަރުޠު ހަމަވުން (30 އިންސައްތަ)
2. އަސާސީ ޝަރުޠަށްވުރެ އިތުރަށް ލިބިފައިވާ ތަޢުލީމު (5 އިންސައްތަ)
3. އަސާސީ ޝަރުތައްވުރެ އިތުރަށް ލިބިފައިވާ މަސައްކަތާ ގުޅޭ  ތަޖުރިބާ (5 އިންސައްތަ)
4. އެސެސްމަންޓް (އިމްތިޙާނު ނުވަތަ ޕްރެކްޓިކަލް) (15 އިންސައްތަ)
5. އިންޓަރވިއު (ޕްރެޒެންޓޭޝަނާއެކު) (45 އިންސައްތަ)

މަޤާމަށް އެދެންވީގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 23 ޑިސެންބަރު 2025 ވާ އަންގާރަ ދުވަހުގެ 23:59 ގެ ނިޔަލަށް، ސިވިލް ސަރވިސް ކޮމިޝަނުގެ ހިއުމަން ރިސޯސް ސެކްޝަނުގެ އީމެއިލް އެޑްރެސް [email protected]  މެދުވެރިކޮށެވެ.

އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ. 

ޝޯޓް ލިސްޓްކުރުން:

މި ވަޒީފާއަށް އެދި ހުށަހަޅާ ފަރާތްތަކުގެ ތެރެއިން ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން ޕޮއިންޓު ލިބޭ ފަރާތްތައް ޝޯޓްލިސްޓް ކުރެވޭނެއެވެ.

އިންޓަވިއު، އިމްތިޙާނު އަދި ޕްރެޒެންޓޭޝަން އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އަދި ޕްރެކްޓިކަލްސް އޮންނާނީ 28 ޑިސެންބަރު 2025 އާ 27 ޖަނަވަރީ 2026 އާ ދެމެދުއެވެ. ޕްރެކްޓިކަލްސް އަދި އިންޓަރވިއު އޮންނާނީ ސިވިލް ސަރވިސް ކޮމިޝަނުގައެވެ. ވުމާއެކު، އެ މުއްދަތުގައި އިންޓަރވިއު އާއި ޕްރެކްޓިކަލްސް އަށް ތައްޔާރުވެގެން ތިބުމަށް ވެސް ދަންނަވަމެވެ.

ވަޒީފާއަށް ކުރިމަތިލީ ފަރާތްތަކަށް ޕޮއިންޓް ލިބުނު ގޮތުގެ ޝީޓް (A2 ފޯމު)" އާންމުކުރުން

އިއުލާނުގެ މުއްދަތު ހަމަވާތާ ރަސްމީ ބަންދު ނޫން 3 ދުވަހުގެ ތެރޭގައި ވަޒީފާއަށް ކުރިމަތިލި ފަރާތްތަކުގެ ސްކްރީނިންގ މަރުހަލާގެ ނަތީޖާ ޝީޓު އާއްމު ކުރެވޭނެއެވެ. އަދި އިންޓަވިއު ބާއްވާތާ ރަސްމީ ބަންދު ނޫން 3 ދުވަހުގެ ތެރޭގައި "ވަޒީފާއަށް ކުރިމަތިލީ ފަރާތްތަކަށް ޕޮއިންޓު ލިބުނު ގޮތުގެ ޝީޓް (A2ޝީޓް)"  އާންމުކޮށް ފެންނާނެހެން މި އިދާރާގައި އަދި އިދާރާގެ ވެބްސައިޓުގައި އާންމުކުރެވޭނެއެވެ. ވަޒީފާއަށް ކުރިމަތިލީ ފަރާތްތަކަށް ޕޮއިންޓު ދެވިފައިވާ ގޮތާމެދު ޝަކުވާއެއް އޮތް ނަމަ ޝީޓު އާންމުކުރާ ދުވަހުން ފެށިގެން ރަސްމީ ބަންދު ނޫން 3 ދުވަހުގެ ތެރޭގައި އެ ޝަކުވާއެއް މި އިދާރާއަށް ހުށަހަޅަންވާނެއެވެ.

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅުއްވާނީ 3307357/3307358 ނަންބަރު ފޯނާ ނުވަތަ އެޗް.އާރު. ހޮޓްލައިން 7598991 މޮބައިލަށެއެވެ. އަދި އީ-މެއިލް ކުރައްވާނީ [email protected] އަށެވެ. އިތުރު މައުލޫމާތު ސިވިލް ސަރވިސް ކޮމިޝަނުގެ އިދާރާގެ ވެބްސައިޓުން ލިބެން ހުންނާނެއެވެ.