ނ. ކެނދިކުޅުދޫ ބަނދަރުގައި ހަރުކުރެވިފައިވާ ޑިޖިޓަލް ބޯޑުގައި އިޝްތިހާރު ޖަހަން ބޭނުންވާ ފަރާތްތަކަށް އެފުރުސަތު ވަނީ ހުޅުވާލެވިފައެވެ. މިގޮތުން މުޖުތަމަޢުގެ ސުލޫކީ މިންގަނޑުތަކަށް ފެތޭ ފޮޓޯ އަދި ވީޑިއޯ އިޝްތިހާރުގެ ގޮތުގައި ބޭނުންކުރެވިދާނެއެވެ. އިޝްތިހާރު ގެނެސް ދޭވޭނީ ކޮންމެ ދުވަހެއްގެ ހެނދުނު 08:00 ން ފެށިގެން ރޭގަނޑު 2:00 އާއި ދެމެދުގައެވެ.

ޑިޖިޓަލް ބޯޑުގައި އިޝްތިހާރު ކޮށްދިނުމަށް ކަނޑައަޅާފައިވާ ރޭޓްތައް (އުޞޫލު ނަންބަރު: (DIR)286-CB/286/2025/13) ބާބު 7 ގެ (ހ)

• 1 ސުކުންތުން ފެށިގެން 10 ސުކުންތާއި ހަމައަށް؛ މަހަކަށް 250ރ (ދުއިސައްތަ ފަންސާސް ރުފިޔާ)
• 11 ސުކުންތުން ފެށިގެން 30 ސުކުންތާއި ހަމައަށް؛ މަހަކަށް 500ރ (ފަސްސަތޭކަ ރުފިޔާ)
• 31 ސުކުންތުން ފެށިގެން 1 މިނެޓާ ހަމައަށް؛ މަހަކަށް 1000ރ (އެއްހާސް ރުފިޔާ)
• 1 މިނެޓަށްވުރެ ދިގު 2 މިނެޓާއި ހަމައަށް؛ މަހަކަށް 1500ރ (އެއްހާސް ފަސްސަތޭކަ ރުފިޔާ)
• 2 މިނެޓަށްވުރެ ދިގު 3 މިނެޓާއި ހަމައަށް؛ މަހަކަށް 3000ރ (ތިންހާސް ރުފިޔާ)
• ދިގުމިން 3 މިނެޓަށްވުރެ އިތުރުވާ ކޮންމެ މިނެޓަކަށް 1000ރ (އެއްހާސް ރުފިޔާ)

އަދި ދަންނަވަމެވެ. ފޮޓޯތަކާއި ވީޑިއޯތައް ހުންނަންވާނީ ތިރީގައިވާ ފޯމެޓާއި އެއްގޮތަށެވެ.

ފޮޓޯ:                   ވީޑިއޯ:

ފޯމެޓް: PNG / JPEG         ފޯމެޓް: MP4

ސައިޒް: (4’ X 6’ ފޫޓު ސްކްރީން، (320X440 PIXEL) އަދި ވީޑިއޯ ކޮލިޓީ 4K އާ ހަމަޔަށެވެ.

ވުމާއެކު، އިޝްތިހާރު ޖަހަން ބޭނުންވާ ފަރާތްތަކުން ޑިޖިޓަލް ބޯޑުގައި އާންމުކޮށް އިޝްތިހާރުކުރުމަށް އެދި ހުށަހަޅާ ފޯމު އަދި މަތީގައިވާ ފޯމެޓާއި އެއްގޮތަށް ފޮޓޯ ނުވަތަ ވީޑިއޯ މިކައުންސިލްގެ [email protected] އަށް މެއިލް ކުރެއްވުމުން ރަސްމީ މަސައްކަތުގެ 3 ދުވަސް ތެރޭގައި މިކައުންސިލުން އިސްތިހާރު ފާސްކުރުމަށްފަހު، ފައިސާދެއްކުމަށް އެންގޭނެއެވެ. އަދި މި ކައުންސިލްގެ ނަންބަރު: 7720700434001 (1326 REVENUE 01) އެކައުންޓަށް ފައިސާ ޓްރާންސްފަރ ކުރުމަށްފަހު ޓްރާންސްފަރކުރި ސްލިޕް މެއިލްކުރުމުން 1 މަސްދުވަހުގެ މުއްދަތަށް އިޝްތިހާރު ދައްކަމުން ގެންދެވޭނެއެވެ. ފައިސާ ޓްރާންސްފަރ ކުރާ ސްލިޕްގައި ތިރީގައިވާ މަޢުލޫމާތު ހިމަނަންވާނެއެވެ.

• ޓްރާންސްފަރ ކުރާ ފަރާތުގެ ނަން:
• ފޯން ނަންބަރު:
• ބޭނުން: ފޮޓޯ/ވީޑިއޯ އިޝްތިހާރުކުރުމަށް

ޑިޖިޓަލް ބޯޑުގައި އާންމުކޮށް އިޝްތިހާރުކުރުމަށް އެދި ހުށަހަޅާ ފޯމު މި ކައުންސިލްގެ ކައުންޓަރުން އަދި ކައުންސިލްގެ ވެބްސައިޓުން ލިބެން ހުންނާނެއެވެ.

ވީމާ، މިކަން ޢާންމުކޮށް އަންގާ އިޢުލާން ކުރީމެވެ.