ދިވެހިރާއްޖެ
1447ވަނަ އަހަރުގެ ރަމަޟާންމަހު ހިފްޘުކޮށް ތަރާވީޙްނަމާދު ކުރާނެ ޙާފިޘަކު ހޯދުން.
1447ވަނަ އަހަރުގެ ރަމަޟާންމަހު މިރަށު މަސްޖިދުއްރަޙީމުގައި އިމާމުވެ ހިފްޘުކޮށް ތަރާވީޙްނަމާދު ކުރާނެ ޙާފިޘަކު މިކައުންސިލަށް ގެނެސްދޭނެ ފަރާތެއް ބޭނުންވެއްޖެއެވެ.
ވީމާ މިކަމަށް ޝައުޤުވެރިވެލައްވާ ފަރާތްތަކުން 07 ޑިސެމްބަރ 2025 ވާ އާދީއްތަ ދުވަހުގެ 14:00ގެ ކުރިން އެކަން ކުރެވިދާނެ އަގު ( ކޯޓޭޝަން ) މިކައުންސިލަށް ހުށަހެޅުއްވުން އެދެމެވެ. އަދި އީމެއިލް މެދުވެރިކޮށްވެސް ކޯޓޭޝަން ހުށަހެޅުއްވުމުގެ ފުރުސަތު އޮތް ވާހަކަ ދަންނަވަމެވެ. މެއިލް ކުރައްވާނީ [email protected] އަށެވެ. އިތުރު މަޢުލޫމާތު ސާފުކުރައްވަން ބޭނުންފުޅުވާނަމަ 6540027 މި ނަންބަރަށް ގުޅުއްވުން އެދެމެވެ.
ތިރީގައިވާ މަޢުލޫމާތު ކޯޓޭޝަންގައި ހިމަނަންވާނެއެވެ.
- ހާފިޘުގެ ދެކޮޅު ޓިކެޓް ( ރާއްޖެއިން ބޭރުން ގެނައުމާއި އެނބުރި ޤައުމަށް ފޮނުވުމުގެ ޚަރަދު )
- މާލޭގައި ހުރުމާއި ކެއުމުގެ ޚަރަދު، އަދި ރަށަށް ގެނައުމާއި އެނބުރި މާލެ ދިއުމުގެ ޚަރަދު )
- ވިސާ ދެއްކުމާއި އިންސުއަރެންސް ފީ ދެއްކުމުގެ ޚަރަދު އަދި ދައުލަތުގެ އެހެން އިދާރާތަކުން ފުރިހަމަކުރަންޖެހޭ އެންމެހާ ލިޔެކިޔުންތައް ފުރިހަމަކުރުން.
- ހުށަހަޅާ ފަރާތުގެ ނަން، ގުޅޭނެ ނަންބަރު، އައި.ޑީ.ކާޑުގެ ކޮޕީ. ( ކުންފުންޏެއްނަމަ ރަޖިސްޓްރީގެ ކޮޕީ )
- ތަޖުރިބާގެ ލިޔުން އޮތްނަމަ އޭގެ ކޮޕީ.
ވީމާ މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.