ދިވެހި ޒުވާނުންގެ ހުނަރުވެރިކަން އިތުރުކޮށް، ތަމްރީނުދީ، ވަޒީފާގެ ފުރުޞަތުތައް ފަހިކޮށްދިނުމަށް ދިވެހިރާއްޖޭގެ ރައީސުލްޖުމްހޫރިއްޔާ ވެވަޑައިގެންފައިވާ ވަޢުދުފުޅު ފުއްދުމުގެ ގޮތުންނާއި، މި މިނިސްޓްރީގެ މަސްޢޫލިއްޔަތުތައް އަދާކުރުމުގެ ގޮތުން، އެހެން އަހަރުތަކެކޭވެސް އެއްފަދައިން މި އަހަރުވެސް ނޭޝަނަލް ސްކިލްސް އެންޑް ކެރިއަރ އެކްސްޕޯ ނޮވެމްބަރު މަހުގެ 6 ވަނަ ދުވަހުން 8 ވަނަ ދުވަހުގެ ނިޔަލަށް "ވަރަ އެކްސްޕޯ" ގެ ނަމުގައި ސެންޓްރަލް ޕާކުގައި ބޭއްވުމަށް ވަނީ ހަމަޖެހިފައެވެ.

މި އެކްސްޕޯ ގައި ބައިވެރިވުމަށް ޝައުޤުވެރިވެ ވަޑައިގަންނަވާ އެގްޒެބިޓަރސް 10 އޮކްޓޯބަރ 2025 ގެ ކުރިން ވެބްސައިޓް (https://www.varaexpo.mv/) މެދުވެރިކޮށް، ތިރީގައި ބަޔާންކޮށްފައިވާ ކެޓަގަރީތަކުގައި ރަޖިސްޓަރީވުމުގެ ފުރުޞަތު ހުޅުވާލެވިފައިވާ ވާހަކަ ދަންނަވަމެވެ. އަދި މި އެކްސްޕޯއާ ގުޅޭ އިތުރު މަޢުލޫމާތު ވެބްސައިޓް އިން ލިބިވަޑައިގަންނަވާނެއެވެ.

* މި އެކްސްޕޯ ގެ ކަލިނަރީ ކެޓަގަރީގައި ބައިވެރިވުމަށް ޝައުޤުވެރިވެ ވަޑައިގަންނަވާ އެގްޒެބިޓަރސް އަށް 6/8  ފޫޓުގެ ސަރަހައްދެއް 3 ދުވަހަށް -/3000ރ ރުފިޔާ އަށް ދޫކުރާގޮތަށް ވަނީ ހަމަޖެހިފައެވެ. މިގޮތުން މި ކެޓަގަރީ އަށް ވެބްސައިޓް (https://www.varaexpo.mv/) މެދުވެރިކޮށް ރަޖިސްޓަރީ ވުމުގެ ފުރުޞަތު 10 އޮކްޓޯބަރ 2025 ގެ ނިޔަލަށް ހުޅުވާލެވިފައިވާ ވާހަކަ ދަންނަވަމެވެ. އަދި މި އެކްސްޕޯއާ ގުޅޭ އިތުރު މަޢުލޫމާތު ވެބްސައިޓް އިން ލިބިވަޑައިގަންނަވާނެއެވެ.